دنيانا غير مع قذافي ال..؟؟ لايفوتكم الحلم

صاحبة الموضوع 11 ديسمبر 2011

ملكه بنقابي

تعرفي حتي قالو ان القذافي وصفية في الحوش وقت القصف !!! وشوفيها في الفيديو لما قالت ياريتني كنت مع ولدي سبحان الله الكذب يشربو فيه زي الميه :hahaha::hahaha: WIDTH=400 HEIGHT=350

ولايهمكن إن شاء الله انغيره في أقرب فرصه اليومين مشغوووووله جدا يادوب انعلق عالردود شاكره مرورك.

ههههههههه بارك الله فيك عيوني , أحبك الله ورسوله, والله حتى أني مشغوله عليه وبحثت في النت مالقيت شئ وانقول لخواتي من الشرق بالك تعرفو عنه شئ تخبرونا وسبحان الله عارفه يصيرلنا قصف ورعب وثاني يوم نبدونضحكو على بعضنا ونعلقو علي كل وحده وواحد كيف سوى هههههههه.

آمين شاكره مرورك

آمين يارب بارك الله فيك
شاكره مرورك

الحمد الله علي سلامة أختك وإن شاء الله ترجعي قريب وتنوري البلاد وإن شاء الله بعد ترجعي وإنت في الطايره ماتشوفي ليبيا شهبه ومطارها يحشم ويكونو غيرووووووووه بسرعه ههههههه
سبحان الله علي سوء المنظر وإنت نازله لكن بعد كنت بره ونجي زياره تبدى عيوني قلوب وعنديهالشهوبيه زي العسل علي قلبي هههههههه.

لا وشوفي لما تم قصف بيت الخويلدي طلع القذافي وخطب صوتيا علشانهم بينما ولده وأحفاده لا , كما أنه قال سأبني صرحا عاليا لخالده بنت خالد الخويلدي يكون أكبر صرح في أفريقيا كلها "أني ساعتها ضحكة عليه مازال طامع في الحكم ويخطط شن بيبني وشن بيدير" فهل خالده أغلى من أحفاده, لا وفي الآخير تلافى خطئه بعد ماكررها أكثر من مره قال هي وسيف العرب, وعلى فكره في ناس نعرفهم عندهم علاقه بآل الخويلدي قالو أن اللي ماتو هم خالده وأخت الخويلدي فقط والباقي كذب وبصراحه حسيته كرر ذكر هالشخصين أكثر من مره وهو يقول معقوله تقتلو الحاجه فلانه أخت الخويلدي , والله أعلم مسرحياته كثار.

وفي قصف على أساس للنيتو صار في طرابلس تقريبا عين زاره اللي كان في بيت فيه عائله سوريه وتوفو الله يرحمهم, قريبتي أخوها يسكن هناك ونصف بيته تهدم وحتى سيارته طلعت في التلفزيون مكسره وللعلم هو كان مؤيد وقال أن القصف ماكان من النيتو قال الصواريخ طلعن من القاعده معيتيقه مش من النيتو يعني قصف مدبر وحتى أخته لما شافاته قالتله تستاهل هذا معمر اللي تشجع فيه, وأني بصراحه أول ماقالو قصف وبعد ربع ساعه جابو كعيم وموسى إبراهيم في موقع الحدثعلى طول عرفت وحلفت عليه انه القذافي اللي قاصفهم لأن على قولت اللبنانيين شو عدا مابدى يعني بعمره ماطلع كعيم في أي قصف وموسى إبراهيم يايجي في الليل يا أما ثاني يوم الفجر وفي الحادثه هذي مجهزين أرواحهم وعلى طول جاءو وجابو المصورين الصحفيين وواضحه فيها إنه وبعدها بفتره إلتقيت ناس جايين من طرابلس لعزاء وسألتهم وقالولي أنه فعلا من القذافي؟؟..

لا وفي قصف عندنا في سبها نكته , كان في حصاده وحده للشعير في سبها وكانت في هذاك الوقت عاطله يعني هي تحصد فجأه تولع نار وتحرق من الشعير يعني إنت وحظك وإحنا الوالد كان يبي يحصد بيها وقاعدين عليها اللي عنده شعير بيحصده بالدور , فحصدو إثنين وإنحرق بعض من المحصول والوالد دوره الرابع وذاك اليوم كان دور الثالثين ونعرفوهم فإيش يصير بينما هم يحصدو جاء النيتو وقصف الكتيبه والحصاده بالصدفه ولعت النار في المحصول فسيارة الإطفاء تحسابه من القصف طارت هي والمصورين للمزرعه وقالو شوف النيتو يقصف مزارع في سبها وصاحب المزرعه نعرفوه كويس كذب وقال في التلفزيون مزرعتي قصفها النيتو ههههه طبعا أكيده طامع في تعويض أو شئ والأدهى يجيبو فيها في النشره لأكثر من مره النيتو يقصف مزرعه في سبها فيها محاصيل شعير وفي المئات من أشجار النخيل"طبعا هم عرفوأن مش النيتو قصف لكن هي مسرحيه وجتهم جاهزه" وللعلم الكتيبه قصفوفيها أسلحه ولاكان في لاجرحى ولاقتلى.

و حتى قصف البريقه تبع المشائخ اللي معهم تنتوش مادخلي في مخي وخاصة أن المشائخ على أساس ماتو وهو ما قاعد مافيه شئ علي أساس ربط رجله لكن أشكال الميتين غريبهكأن صابين عليهم بودره وحاطين عليه مكياج أو بودره حمراء يعني الحكايه واضحه فيها كذبه كبيره بس لتو مافكرت فيها كويس"ياعيني عالتفكير ههههههه" وتمنيت سألو عليها تنتوش.

دنيانا غير مع قذافي ال..؟؟ لايفوتكم الحلم

التعليقات

حاطة فيني عيوب الدنيا كلها

هموم وغموم الدنيا

اكره ناس في الدنيا هم

زوجك في الدنيا هل لازم نفسه في الجنة؟

تركت الدنيا من بعده