ام زوجي بزورها ومحتاااره نوروني

صباح الخي

ام زوجي جاها نزيف وتنومت امس واليوم سوو لها عمليه تنظيف

الله يشفيها

امس زرتها اخذت معاي قهوه وشاهي وحلا ومعجنات

اليوم محتااره وش اودي لها لاتقولون سوي اشياء للكبار مااعرف

ساااااعدووني لان ماعندها الا انا لامهم جايه من قريه مو بعيده قريبه
بس مافي الا انااا

اخاف تنقدني خصوصا انها ماتخاف الله ظالمه لي الله يسامحها

وشكرا اخواتي ‏

16 تعليق 1,868 مشاهدة

شاركي في النقاش

سجلي الدخول لإضافة تعليق.

التعليقات

16
  1. @dndonh_lody

    اول شي نصيحه انسي سواياها و استغفري لها وسامحيها من قلبك وادعيلها بالشفاء ترى الانبياء وهم احسن مننا بمراحل وهم اكثر الناس يعفون ويسامحون فما بالك احنا

    ثاني شي خذيلها شوربه دجاج وخضار و خبز بر و اكل صحي يرجعلها عافيتها و خذيلها فواكه حطيلها في صحن تاكل منها لما تجوع
    خذيلها الحافظه الي تجي فوق بعض وحطي لها اكل يعجبها لان اغلب الكبار مايحبون اكل المستشفى
    واساليها وقوليها ياخاله وش خاطرك فيه وش اسويلك واجيبه معي

    ترى لك اجر بعياده المريض فخلي قلبك صافي عليها عشان تاخذين اجرك باذن الله وباين ان فيك خير كثير ولا ماكان فكرتي فيها
    الله يوفقك و يارب يكون هذا سبب انها تعاملك زي بنتها
    والله يشفيها ويخليها لكم
  2. @am_laryn2012

    سوي قرفه
    وسوي خلطة النفاس حطي شمر وكمون وزنجبيل ببراد واطبخيهم وفي الثلاجه
    وسوي حاجه تحبها ياحلا ياكيك
    بس والله لازم تسوين حاجه حارة تاكلها
    الله يوفقك صدقيني ام زوجك على ظلمها لك ماراح تنسى وقفتك معها
    اهم شي بيني لها محبتك وخوفك على صحتها
    وجاملي ونافقي ولاتبيننين زعلك منها
    وهايطي قولي سويت ذا القرفه عشان عمتي حبيبتي تقوم لنا بالسلامة
    ويارب يعطيك العافيه ونشوفك باحسن حال
    ومن ذا الحتسي موعشانها عشان زوجك وغير كذا تاخذي اجر
  3. @ansanh999

    الله يجزاك كل خير ويحنن قلبها عليك
    خذي لها شوربه وسلطه فواكه واعصري لها جيك عصير
    برتقال وسوي لها قهوه وجهزي تمر للاستقبال اذا جاء عندها احد
    الله يعطيكي ع قد نيتك ياارب

تابعي تجارب أخرى من هذا القسم.