دنيانا غير مع قذافي ال..؟؟ لايفوتكم الحلم
متابعة النقاش، صفحة 79
شاركي في النقاش
سجلي الدخول لإضافة تعليق.
التعليقات
1,176تفاحة سماوية خواتي الليبيات ادري انه يزعجكم الترحم على القذافي ويزعجني انا اكثر منكم بس لاتلومون البنات ماجربوا الظلم والقهر ولا شافوا بعض اعمال القذافي وغالبية النساء تحكمهم عواطفهم وفئه كبيييييرةمايعرفون عن القذافي بقولك مثال صدام الله يرحمه كان طا…
والله ياأختي حتى أني مانحب شكله وكل مايطلع في التلفزيون إنقول وووه حشم بينا وليش مايقص شعره ويرتبه ويرتب روحه هذا غير الهبال اللي يقول ويدير فيه,وسبحان الله على حلمك شن جابه ليكي غول عليك ههههههه, والحقيقه حتى أني لما شفته يضربو فيه ومات جاني شعور غريب يعني أنه مافي أحد يضمن غدر الزمان وسبحان الله من يقول القذافي يصير فيه هكي لكن المشكله اللي مفروض يتعضو ماتعضو أمثال بشار وغيره ماني عارفه وين عقولهم, شاكره مروركحبيبتي.
في أخبار تقول أن 6000 ليبي قاعدين في تركيا و دخلو أو بيدخلو سوريا وفي أخبار تقول مدوهم بالأسلحه والله أعلم عن صحها , لكن الأكيد أن ليبيا أول من أعترف بالمجلس السوري وطرد السفير السوري من ليبيا , الله يورينا في بشار مثل مارأينا في القذافي ويحقن دماء إخواننا في سوريا ويفرج عليهم في القريب العاجل يارب, شاكره مرورك عيوني.
ضحكني كلامك في البدايه صار تابعتي الثوره بالمقلوب من الآخير للأول أما باقي الكلام ماراح أزيد عن كلام البنات , لكن استوقفني أن قولك أن القذافي مايخاف من أمريكا ومثل الشوكه بحلقهم بالعكس حبيبتي على قول الأستاذ عبد الرحمن شلقم أن القذافي يخاف من أمريكا وما يخاف من الله وهو على قولته دافع ثمن بقاءه في الحكم في ليبيا لأنه قدم للغرب الهدايا والعروض وكل شئ بأموالنا ورزقنا في سبيل تحسين علاقاته معهم ونحن طبعا كاشفين كلامه كويس وعارفين أن اللي يقول فيه بس كلام وأسد علي وعلى الغرب نعامه ومثل ماقال الإعلامي صالح الأزرق أن لما قصفت أمريكا ليبيا وقال طزفي امريكا وصالحها القذافي بأموالنا قاللهم هذيك الكلمه كانت بس مزحه هههههههه.
شاكره مرورك.
صار أصبحتو خبره باللهجه الليبيه ههههههه , و حتى احنا نقولو باتي مع أني كل مانقوله نتذكر الطفله اللي يغتصبو فيها ومجبرين أبوها يشوفها وهي تبكي وتقوله باتي ماتشوف والله المستعان.
بالنسبه للمقاطع في بعضها فيهن موسيقى بس يكونن مهمات جدا أضطر أحطهن وإنت نقصي الصوت خصوصا اللي تكون صور عليها كتابه فيها موسيقى طفي الصوت منها والفيديوات أظن ملكه بنقابي نزلتلك الفيديوات مشكوره
بارك الله فيك حبيبتي لكن مش عارفه ليش ماتطلعلي الفيديوات يعني مش باينه عندي في الرد ماني عارفه العطل هذا بس عندي وإلا للكل
إن شاء الله شاكره مرورك
حبيبتي هو لاهو صريح ولا شئ هو بس منغر بنفسه وشاري كل شئ بالفلوس علشان هكي يتكلم ومايعدل وبعدين يحط حق كلامه فلوووس وبالنسبه للجزيره أنا ماشفتها كذبت إطلاقا طول الثوره ولما هو قال تصبح ليبيا جمر نار حمره كان يقصدنا نحن مش النيتو بالعكس النيتو سماهم دوله دوله وقاللهم ياأصدقائي وياحبايبي وهو بالنار الحمره يخوف فينا وفعلا وزع كلاشن مثل ماقالت الأخت وطلع المساجين اللي قاتل واللي سارق وكان يحسابها بتولع بس خاب ضنه ولما يقول جرذان يعني الليبيين ولما يقول عملاء النيتو يعني الليبيين عملاء للنيتو وكله وعيد لينا نحن مش هواللي قال ندوركم حتى في الدولاب وحيطه حيطه وطوبه طوبه بالك واحد قاعد تحت الطوبه وهومن يومه متعود على تهديدنا بس أنت ماتعرفوه نحن تعودنا عليه ونعرف كل حرف يقوله شن معناه سواء كان الكلام لنا أو لغيرنا.
بالله سلميلي على أخواتك عجبوني هههههههههههه, وبالنسبه للشاب في قصف النيتو يقول ياربي تربحك ههههههه وهو رجاء وتجدي شديد يعني إن شاء الله تربح كل شئ أترجاك ههههه عندي صديقتي تسكن في منطقه قرب سبها وأخوها يشتغل في سبها ولما صار القصف روح لمنطقتهم وكلمتني تضحك عليه قالت لوتسكر باب يتخلع لو طاحت كبايه أو ملعقه ينط وينخلع هههههههه صابتنا حاله نفسيه ماعاد قدرنا نرقد أكثر من يوم النفس يفجعنا.
بارك الله فيك شاكره مرورك
كلامك ميه بالميه بارك الله فيك$ديما$ حبيبتي احكي لنا عن برامج الابتعاث الدراسيه للخارج اللي ظهرت في اخر سنه او سنتين قبل الثوره وكيف وضع المغتربين بالخارج للدراسه من الدوله الان. لان الابتعاث الدراسي خطوه ممتازه من وراء هذا كله؟ على الرغم من العدد قليل جداً لكن يظل نقطه ايج…
إكليلة الجبل وكل أخواتي الليبيات مشكورات وبارك الله فيكن على إضافاتكن وردودكن
صحيتي على ماكتبتي حبيبتي ولاتنسو أكبر جريمه عملها القذافي لما مشى لإيطاليا وطلب منهم يجمعوله الحسناوات من فئه عمريه معينه وبطول ووزن معين على أساس حيدعيهن للإسلام ماهمني إيش قاللهن وإيش سوى معاهن بس اللي جلطني و سود الدنيا في نظري لما أعطاهن المصحف الشريف منظر مصيبه كارثه شفته في اليوتيوب فاسقات أشباه عاريات ويلعبن بالمصحف واللي تتخمر بيه واللي تعمل بيه حركاات الله لايسامحه مايخاف الله للأسف مانقدر نحط المقطع لأنه يوجعني وااجد ومانبي نعاود ندوره ونشوفه حسبي الله عليه.
بارك الله فيكم مشكوره
إن شاء الله شاكره مرورك
هو بالنسبه للإبتعاث موجود بس فيه واسطات كثير وناس ماتستحق الطلعه وتطلع وناس بالعكس وتركضي عالطلعه لغاية ماتعيي هذا وإنت جايبه تقدير بينما في أولاد ناس يدرسو حتى الثانويه في الخارج
وشوفي القهر اللي تشوفيه تجيك بعثه للخارح لكن إنت تدفعي تذكرة الطائره الغالية الثمن تصل الرحله لكندا للألف وأكثر وفي اللي يستلف ثمنها والمنحه بس2000 دولار كندي للعائله تصوري ايش بيكفن وهناك أجار الشقه أرخص شقه قديمه ومغبره تكون ب850دولار وكل شئ غالي وننقهر خصوصا لما نشوف أخواننا من دول الخليج ماشاء الله منحتهم عاليه ويسكنو في بيوت راقيه ياأختي حتى الغبن مصيبه وقهر وياما طلاب توقفت عليهم البعثه تبعا للمزاجات وإضطرو يرجعو وهذا الشئ كان مثل الغول يخوف كل واحد مبتعث يعني لما تطلعي للخارج كملي دراستك بسرعه قبل لايخطرعالقذافي شئ يخرب عليك وأعتقد أن في الفتره الآخيره وقفو الإبتعاث لكندا قال إيش زادت سعر الدراسه عندا وغيروها على دوله أفريقيه نسيت إسمها بس دوله معروفه مافيها أمآآآآآآن أبدا وفيها الإجرام والسرقات والله المستعاناميرة الورد 24 الحمدلله راح بشره الى جهنم ان شاءالله ربي يعوضكم ان شاءالله كل خير
بارك الله فيك شاكره مرورك
بنااااااااااااااااات آسفه لاني مشغوله جدا هاليومين ماراح أقدر أحط حلقه جديده
أشكر كل من تابعني وعندي موقف مضحك حبيت نحطه
في واحد من أيام رمضان وفي الليل وظلام طبعا لاميه ولاكهرباء بس الدنيا مولعه بره وعندي أخوي بالإعدادي قلته شوف بره إخوانك وين حيين وإلا ميتيين شوفهم وتعال خبرنا طبعا قوذاف وعيارات ناريه والوالد الله يحفظه من الحر يطلع ينام في سور البيت ويسمع في الراديو علشان يسمع الأخبار طبعا الراديو بالبطاريه وداخل البيت مايجبد واضح فيقعد بره رغم القصف اللي فوقه والقناصه اللي تسمعي صوتها واضح تفوت بجنبك
المهم أخويا طلع في الشارع شاف الدنيا حمره والعايرات يتساقطن"العايرات يعني لما يطلق عيار ناري اللي يسقط يسمى عايره وهم القذاذفه يبقو في بيوتهم ورائنا ويصوبو أسلحتهم فوق لكن مايله علينا ويطلقو ويجي كله طايح علينا وفي الصبح نلقى السور والسطح مليان" فلما شاف أخويا الوضح هكي جاء يجري بسرعه وخبط عالباب بيده بقوه وقال قومو نوضو باتي لأن العايرات يطيحن :06:خخخخ وعينك ماتشوف إلا النور أنا بصراحه سمعتها العمارات يطيحن وكانت بجنبنا عنارات قلت فبالي أكيده ضربوهن بجراد وأختي سمعتها الرجاله يطيحو واللي سمعها البيوت يطيحن وقمنا نعيط ونصرخ وننطط والأطفال يبكو ويصرخو ومسكت أخوي من بين الحفله اللي سويناها وقلتله إيش اللي يطيح :35: وإستوعبنا الموضوع خخخخ موقف رؤيته مش كيف الحكي عليه وكملنا الليله ميتين من الضحك وللآن كل مانتذكره نمووت من الضحك.
وإلا في آخر الأيام في ناس الله يبارك فيهم حطومولد على بئر في منطقتنا وصارت تجينا الميه شوي شوي في الحنفيه الرئيسيه يعني في حنفيه وحده في السور وتكون صغيره وواطيه فمرات نقعد اليووم كله ماعندنا ميه ولما تجي الميه نطلع كل الأواني اللي تحتاج غسل للسور ونبدى نغسل فيهن والدنيا فوق قايمه قاعده هههههههه نبدى نغسل سويه ونجري ندخل شويه ونبكي شويه ومرات نتعب من كثر ماندخل نقعد نغسل وإنغمض عيوني وإنقول ياربييييي ياربيييييي وبعدها يجي إنفجار في شارعنا وإلا تطيح رصاصه بجنبي نجري ندخل داخل وجووووووو هههههههه أصبح ذكريات نضحكو عليها.
أيام تنذكر وماتنعاد أصعب موقف لما مات قريبي كانت مجزره قذيفة هاون في بيته مات هو وأولاده الإثنين الكبير ماتخطى ال20 والصغير مادخل للمدرسه وأولاده الثلاثه الثانيين أصيبو إصابات بليغه الأسبوع اللي فات بس رجعو من أيطاليا وهم أطفال يدرسو في الإبتدائيه واحد فيهم عينه خاسره من الشظيه ورجليهم بدون لحم تصورو عضم بس وواحد فيهم عضم الساق مكسور طوليا وطاير مش موجود والمساكين يبكو الأيام الأزولى جتهم حاله نفسيه بعد شافو أبوهم وإخوانهم ماتو قدام عينهم الولد الكبير كان حاط راسه على الوساده لكن مش راقدتصورو نقلوه للمستشفى وخلو دماغه طايح على الوساده يارب إغفرلهم وأرحمهم وصبر أمهم على الكارثه اللي أصابتها ولا كان جالس معهم أخوهم أكبر منهم بس ناداته أمه وأعطاته سفرة الفطور كانو صايمين 6 شوال وأول ماراح الولد طاحت عليهم القذيفه الله يرحمهم.nso0om إكليلة الجبل وكل أخواتي الليبيات مشكورات وبارك الله فيكن على إضافاتكن وردودكن صحيتي على ماكتبتي حبيبتي ولاتنسو أكبر جريمه عملها القذافي لما مشى لإيطاليا وطلب منهم يجمعوله الحسناوات من فئه عمريه معينه وبطول ووزن معين على أساس حيدعيهن للإ…
وانا اخي تخرج من الاقتصاد بمجموع عالي وكان عنده امل عند تقديمه للماجستير انهم يخرجوه بعثة ولكن لم يحدث
فقرر ابي ان يكمل اخي دراساته داخل ليبيا فذهب لبنغازي وسجل في الاكاديمية لتحضير الماجستير في القتصاد وادارة المصارف وطبعا على حسابه الخاص
ودرس ونجح ولما جا وقت تقديم ورقة موضوع الماجستير تخيلي اللجنة قالت له لا لا هذا ما يمشيش مع نظامنا
طبعا لانه قانون القذافي يمنع مثل هذه المواضيع
وبعدها قدم لهم موضوع آخر قالو له لا لا
هذا متطور جدا وما يمشيش مع نظام
المصارف عندنا
قرر اخوي ان يترك الماجستير بعد التعب
والتحطيم اللي سببوه له
الا وشوي وقامت الثورة وهو الن محتار اي من البحثين يقدم بعد استئناف الدراسة بالاكاديمية- خواتي فيه حادثة صارت بمدينة زليتن
اللي طلع فيها المتحدث باسم نظام القذافي موسى ابراهيم
وقال ان النيتو ضرب هذا المنزل وموجودة بيه عائلة كبيرة جدا
وللاسف صحيح ان الناتو ضرب هذا المنزل المكون من ثلاث طوابق ويسكن في الاب مع ابنائه وعائلاتهم
ولكن الحقيقة الامر والدهى هي**
ان هذا المنزل يقع في اطراف مدينة زليتن وكان موقعه
مغري بالنسبة لكتائب القذافي
فذهبو للاب وقالو له اخرج من هنا لان مكان بيتك غير آمن ..فرفض الاب فأخرجوه بالقوة
واتخذو من البيت غرفة عمليات لخميس القذافي ومرتزقته
وبعد مدة تأكد الناتو بان هذا البيت غرفة عمليات فرمو على الكتائب الموجودة به نشرة فحواها ان سيتم قصف هذا المنزل بساعة محددة
فقرر خميس واتباعه بأن هذه فرصة لتأليب الرأي العام ضد الناتو
فذهبو حيث ما طردو الاب وابنائه وقالو لهم بأمكانكم
ان تردولمنزلكم الان
ومن فرحتهم ذهب والاب وابنائه واحفاده للمنزل وبعد سويعات قليلة جاءت طائرات الناتو وقصفت المكان
واسرعت كاميرات القذافي التي كانت جاهزة مسبقا الى عين المكان وصورو العائلة التي استشهدت هناك
حسبي الله ونعم الوكيل
الا ان الحكم العدل ابى ان يجازي خميس القذافي
وتم قتله وهو يهم بالفرار من مدينة زليتن
مواضيع مشابهة
تابعي تجارب أخرى من هذا القسم.