ياسلام ياحريم حواء الحين كلكم تكرهون الذكور والبنات يازينهم!!!
وتجمع الاشبال مادري الاسود بقسم الحمل كل الطرق المعقوله وغير المعقوله لانجاب الذكور الوحده لو تقولين لها كلي تبن وتجيين ولد تسويها
والا مواضيع الشكاوي بناتي مايشتغلون بناتي وصخات بناتي مايساعدون ومشاكل وش كثرها من تحت روس هالبنات من كتب هالمواضيع جدي ههههه
اللي بقوله تمني ولد او بنت بكيفك بس لاتذمين جنس معين وتطلعين فيه الكلاب الفطسانه عشان تقنعين نفسك بانك الافضل بخلفتك الجنس الاخر لانك لو جواتك مقتنعه ماحتجتي المبررات الواهيه ولا حطيتي كل شي بالناس هم قالوا وهم عادوا
حرام في امهات ماعندهم غير ذكور لما تقرا كلامكم المبالغ فيه ولايمت للحقيقه بصله وش يصير فيها ليه عندكم الولد دايم عاق ونذل ولزوجته وووو ترى حتى البنت ممكن تكون كذا
وتراكم حملتوا الناس احساسكم بالنقص من اي شي
يعني لو انتي جامعيه وجت وحده قالت لك انتي معك ابتدائي وكل شوي تقولها لك بتزعلين لا لا لا حتي يمكن تاخذينها بضحك لانك جواتك عارفه ومتأكده ومتيقنه انك جامعيه صح والا لا
نفس الشي لو انتي متيقنه ومتاكده انه من الله الولد والبنت والزواج والطلاق وعدم الانجاب ماكان تأثرتي ابد وشوكرن!
فهموني وش بيصير بالدنيا اذا ماجبت ولد
متابعة النقاش، صفحة 16