نظام صحي اثناء الدوره الشهريه

السلام عليكم



بناات كل وحده عندها نظام غذائي صحي لاسبوع الدوره الشهريه تكتبه لاني اعاني من الالام شديده سبحان الله قبل الزواج ماكانت تآلمني الالم اللي يذكر شي بسيط لكن بعد الزواج الالام فظيعه اول يوم لدرجه اشك يابنات في نفسي هل هذا طبيعي؟؟
كل وحده ياعسولالات تنزل لنا تجاربها
لأن بهالاسبوع مادري شسوي أخاف آكل يخترب الرجيم وانا دبه دبدوبه الا نفيخه وافشل
ويقولون الرجيم بهالاسبوع مو زين قولو شتاكلون وشلون اتنظمون أكلكم بهالاسبوع

كمان كل وحده تقول لنا وش سبب ان هذا الشي ممنوع للدوره الوحده تآكله ؟؟؟؟وش تسمع من الجدات وش تحذرها امها
يابنات فايده هالموضوع للجميع مو بس لي لاني نزلت وطلبت كمان يفيد المقبلات عالزواج تنتبه لان الدوره مفيد الاهتمام فيها بالنسبه للمتزوجه


عني ابدا لكم
ممنوع استعمال سابوفين وبندول فيفادول وغيره وقت نزول الدوره معليش تتحمل الوحده والسبب من كلام دكتوره ممكن تعيق نزولها هالادويه بشكل طبيعي وممكن ماينزل الدم كله من الرحم يصير يتبقى بقايا من دورات سابقه وهذا هم الدكاتره يخافون يسبب مستقبلا اشياء لاقدر الله ماهي زينه فقط ان اشتد الالم حطي قربه فيها مويه دافيه وحطيها عالبطن تخدر المنطقه ودفيها وينزل الدم لان مع البروده تلاحظون ماتنزل تبهذل لين تنزل


وشكرا لي عوده

6 تعليق 15,780 مشاهدة

شاركي في النقاش

سجلي الدخول لإضافة تعليق.

التعليقات

6
  1. @molan_3

    نظام صحي ماعرف الا اني اتدفا والبس جربات وابتعد عن الغازيات والدسم الزايد ويوم ثالث الدوره اشرب عشبة المدينه للتنظيف وسواخن وماكثر مي

    مممم ويوم الخامس او السادس استخدم تحاميل تنظيف مع شرب اناناس لتنشيط البويضه او الميرميه.


    جزاك الله خير
  2. @am_lyn_odym

    مافي نظام معين وانتبهي تحرمي نفسك من الاكل عشانك دبه مو زين عشان ماتتعبي لاسمح الله ويجيك فقر دم اهم شي اكلي زين فواكه وخضار مره مفيده بس ابعدي عن الليمون والحوامض والاشياء البارده ايس كريم وبيبسي وحتى مويه البارده اشربي كل شي دافيء حليب نعناع يانسون قرفه انا احب نعناع طعمه حلو وكويس للغازات تعرفي في دورة يجي غازات واي خليك متدفيه والبسي شراب هذا ماله خص باالاكل لا تتعرضي للبرد يرد الرحم سبب الالم واذا تعرضت للبرد ولا شربت بارد يزد الالم //وماانصحك بحبوب المسكنه امي دائما تقول لا تاخذين حبوب يوقف الدم ويخليها متخربطه عليك واذا حسيت باالم خذي دش دافيء سريع والبسي في حمام والبسي ثقيل واهم شي شراب وسوي كمادات واشربي نعناع وبأذن الله يخف الألم انا اقاوم الالم ومااخذ اي مسكنات خلال 3 ايام الاولى
    اي انا قرات عن شي وسويت للدورة والآن اشربه:icon28:حليب وتمر وفلفل اسود مطحون حطيتهم في خلاط وخلطتهم كويس وبعدين غليت الحليب وبس //واذا انتي دبه اكلي بس على خفيف بس لاتحرمي نهايا وتسوي رجيم وانتي بكيفك
  3. @mshfohh_ommlohh

    ابعدي عن البروده واكل كل شيء بارد

    بعدي عن المأكولات اللزجه

    اشربي قهوة قشر وقرفه وزنجبيل وقرفه وكمون بعد الغدا

    وآخر 3 ايام لاتنسين تحاميل المره اللي معروفه طريقتها

    وآفطري تمر وحب رشاد مع حليب بالحلبه او الفلفل الاسود


    الله يشفيك وريحك من هالآلآم
  4. @bnan_2012

    صاحبة الموضوع
    مــولان
    نظام صحي ماعرف الا اني اتدفا والبس جربات وابتعد عن الغازيات والدسم الزايد ويوم ثالث الدوره اشرب عشبة المدينه للتنظيف وسواخن وماكثر مي مممم ويوم الخامس او السادس استخدم تحاميل تنظيف مع شرب اناناس لتنشيط البويضه او الميرميه. جزاك الله …

    مشكوره ياقلبي عشبه المدينه سمعت عنها لكن مااعرف الطريقه وبيني وبينك اخاف استعمل غير المعروف عند الجميع قرفه ميراميه بردقوش ينسون كمون وغيره


    هذا ممكن لكن عشبه المدينه ؟؟؟؟؟؟

تابعي تجارب أخرى من هذا القسم.