أهلين نوووشه
ولو اني تعبااانه وتوي جايه من المستشفى بعد ما غزغزوا فيني ثلاث ابر في اللثه :06:
محدثتك شالت اليوم آآخر ضرس عقل عندها :icon19: يعني مااعاد فيه عقل فلا تشرهون على ردودي :icon32:
والله اني تعباانه وجسمي مخدر وراسي يلف :icon32: بس برضه مع هذا كله برد عليك لان الموضوع عجبنني حيل ودايم أفكر في سالفة المؤخر ودايم اسأل الناس عنها :confused: بس مااش كل اجاباتهم ما خشت راسي
انا أعرف وحده من جماعتنا كانوا أهلها شارطين مؤخر 60 الف
وبعد ما تزوجت شافت الويل من زوجها ..عذبها عذاب ويهبد فيها الليل والنهار فصارت تطلب الطلاق فيقول لها ليش انا مجنون عشان اعطيك 60 الف :mad2: وكل يوم يزيد في تعذيبها عشان تتنازل عن هذا الشرط
وأخوانها يقولون لا تتنازلين من بيصرف ع عيالك ولا عندها بيت ولاشي وضروفهم ماش
وسنين مشاكل وموال ومحاكم وفي الأخير تنازلت عن الشرط وطلقهااا:09:
لييييه الذل والإهاانه !!!
والله انا عني مااا اوؤؤيد سالفة المؤخر ولا دخلت مزاجي , والحمدلله هذا الشرط مو عندنا في العيله .
ابوي طبعه ما يشرط ابد ابد أهم شي يكون رجاال دييين وملتزم وأهم شروطه ان الرجال ما يدخن :35:
ووحده من خواتي تقدم لها واحد مو منا وكان رجال بمعنى الكلمه بس ابوي كان متخوف منه لأنا ما نعرف طبايعهم
فاشترط عليه ابوي انها لا تمنع من الوظيفه وراتبها لها
وتزوجت وبعد كم سنه صارحتنا ان زوجها كرها في عيشتها بسبب هذا الشرط !!
قال والله ما ناقص االا تشرطون علي !!وليش انا من بد ازواج خواتك ينشرط علي !!ماني مالي عينكم !!
قالت طيب وش الي يرضيك ؟؟
قال ان ابوك يجيب المملك ويلغي الشروط قدام الجماعه الي حضروا كتب الكتاب >>ع قولته ترجعولي كرامتي
وشكت أختي لأبوي
بس ابوي خطيييييير يعرف يفكر
بعد كم سنه تقدم لأختي الثانيه واحد نفس الشي مو منا
وطلب ابوي من زوج اختي الي يقول انه انهاان خخخخخخخخ الحضور في كتب الكتاب وشرط ان لا تمنع من الوظيفه وراتبها لها وان يكون لها بيت شرعي
عاد ذاك الوقت برد قلب زوج اختي المهان خخخخ وقال لا والله انا أهون منه ماشرط بيت ملك ههههههههههههه
بس زوج اختي الثانيه عاااادي عنده ما زعل من الشروط ولا شي
بس أهم شي ان ابوي سكت زوج أختي الي زعل وأرضاه .
اما احنا الي تزوجنا من نفس ديرتنا مااكان فيه اي شروط أبد أبد .
ولا بعد يوم زوجي دفع المهر ابوي رجع له 20 الف يقول ما أحب اثقل عليهم وراهم عرس وبيت وشهر عسل خليها تنفعه في اي شي وانتي ما ينقصك شي والحمدلله .
وتوته توته خلصت الحتوته .
يوم يتشرطوون تسذا ليه ؟ بعرف ليه
متابعة النقاش، صفحة 6