خطيبي يقول : أنتِ نذير شؤم علي :(

السلام عليكم

يابنات أنا ضايق صدري وابي شوركم :(
والله إن حالتي حاله



شوفوا أنا مالي الا اسبوع متملكة ،
المهم ثاني يوم من الملكة جاني خبر إن أبو خطيبي تعب عليهم ودخل المستشفى
وإلى الان وهو بالمستشفى مايقوم من السرير :(
طبعا خطيبي ماقالي وصلتني الأخبار من مصدر ثاني
ولما عرف اني دريت قالي انه مابغى يقولي عشان ماعتقد إني (نذير شؤم عليهم )
وفهمت من كلامه ان فيه احد قال هالكلام من اهله :( ،
ومع كثر الحكي قالي انه بعد ماخطبتك بفترة جاني حادث اصدمتني فيه تريله وسيارتي انعدمت !!
وقال بعد انه يعاني من مشاكل بالعمل هالأيام وإن بكرة بيفتحون تحقيق عشان مشكلة بينه وبين واحد !!!

ياناس أنا مالي الا اسبوع، وصارت هالمشاكل كلها
حتى اهلي ماعاد قدروا يقولون شي

وش اسوي انا اللحين
هل انا شؤم عليه هو واهله صدق ؟؟
ساعات افكر اقوله خل ننهي علاقتنا ورجع لك مهرك واغراضك لأن البداية ماتبشر بخير
وش رايكم ؟؟

مع العلم انه لطيف معي وكلامه واضح انه يطلع عفوي يعني مو قصده شي ثاني

والي ضيق صدري زيادة انه فيه وحده كانت تتكلم (قبل لا انخطب) واتسولف عن وحده
من اخطبوها وخطيبها ناقلينه عند اهله ، وكانت تعلق وتقول: بعض الحريم يجون ببركتهم وبعضهم يجون بمصايبهم ..


اهي اهي

شوروا علي :(

33 تعليق 3,731 مشاهدة

شاركي في النقاش

سجلي الدخول لإضافة تعليق.

التعليقات

30
  1. @dadonya

    انصحك ياقلبي هدي نفسك ولاتتضايقين

    واستخيري كذا مره نصيحه
    وشاوري اهلك اللي تثقين بهم
    واتصلي
    على مؤسسات اسالي عنها
    انا والله ماقد اتصلي
    اتصلي عليهم واطلبي المشوره
    وسلامتك
  2. دادونيا
    انصحك ياقلبي هدي نفسك ولاتتضايقين واستخيري كذا مره نصيحه وشاوري اهلك اللي تثقين بهم واتصلي على مؤسسات اسالي عنها انا والله ماقد اتصلي اتصلي عليهم واطلبي المشوره وسلامتك
    عزيزتي

    عادي لاشؤم ولا شئ


    اصلا التشاؤم مايجوز حرام

    فلاتفكرين هالتفكير

    واذا قال هو شئ قولي له
    لاتتركين له مجال يقول لك هالكلام
    على طول قولي له:
    هذا قضاء وقدر
    كاتبه الله
    وان مابيدكم شئ

    واقروا على انفسكم كثير
    وتحصنوا
    يمكن جايتكم عين

    او ان الامر طبيعي بس انتم ملاحظينه بزياده


    بس شيلوا من بالكم سلفة الشؤم هذي:26:
  3. @mryomh_2

    الله يهديك بس ...

    كله مقدر ومكتوب .. سواء كنتي انتي خطيبته او خطب غيرك ...ابوه بيتعب ..وبتصير له مشاكل ..

    يعني شي مكتوب .. وش علاقتك انتي ..

    وسعي صدرك .. ولاتحطين في بالك شي .. هذا كله من ربي .. وش علاقتك انتي ..

    ماعليك من اهله .. طالما هو راضي عليك ومايقول زيهم معناه عقله كبير وموسطحي زيهم ..

    الله يوفقك يارب ..
  4. @yallh_hyha

    التشاؤم حرام ..
    قوليله يستغفر !
    اختي هدي نفسك ولايضيق صدرك .. واستخيري وما ندم من استخار الخالق..

تابعي تجارب أخرى من هذا القسم.