شاركي في النقاش

سجلي الدخول لإضافة تعليق.

التعليقات

40
  1. @alamal_alkbyr_1

    شوفي حبيبتي

    فترة الملكة شي والزواج شي ثاني

    فترة الملكة فترة عواطف جامحة .... حب خيالي ....تكونين طايرة وعايشة ملكة زمانك طلباتك اوامر لو يتسلف لو اي شي المهم ما يقول لك لا .... ما يشوفك الا انتي مشتاقة وهو بعد وتكونين كاشخة وعلى سنقة عشرة ...

    لكن بعد الزواج يختلف الوضع ....
    من ناحية الحب ما اقول لك يروح ... لا ابدا بالعكس يقوى اكثر وتحسينه هو جزء لا يتجزأ من حياتك ...

    لكن مايصير فيه هالوضع الخيالي اللي تعيشينه الحين

    يعني لا تنصدمين اذا قالك لا
    ماقدر
    ماعندي
    بعدين



    عادي كل الناس زي كذا

    لانك انتي بعد راح ممكن يشوفك محتاسة لانك تعبانة
    مشغولة
    مزاجك متعكر
    الزواج ربطة العمر كله
    يعني بتعيشون على الحلوة والمرة


    بالملكة تحسين حياتك كلها عسل ودلع وقمصان نوم وعطور

    لكن بعد الزواج لازم تشمين البصل شوي


    تزعلون وتتراضون

    تخططون

    تربون عيالكم
    هذا مريض وهذا مزعج

    يعني


    المغزى من كلامي انك ما تطيرين بافكارك عشان لا تنصدمين
    زوجك ماشاء الله مبين يحبك ويبي يرضيك ولا يطلب منك شي لأنك مو عنده


    وبكرة ان شاء الله بعد الزواج بيكون احسن لكن الفرق انه يبي منك اشياء كثيرة
    تطبخين
    تهمتمين بملابسه
    نظافة بيته
    اهله
    استقبال ضيوفه

    يعني حياة مسؤولية ان اهملتيه اهملك وان ارضيتيه ارضاك


    لكن الحين بالملكة حتى ان زعلتيه ارضاك



    الله يسخركم لبعض ويجعل ايامك كلها عسل
    قولي امين
  2. @shok_alndaoy

    صاحبة الموضوع
    جزاكم ربي كل خيييييييير يا بنات ما قصرتوا

    صادقين والله صح إن ما مرت علي إلا 5 شهور بس بدأت في هالشهور مشاغل الحياة وكل اللي قلتو عنه
    وصح مافي دلع أيام الملكة بس صرنا نعرف شخصيات بعض أكثر وكل واحد ايش يحب

    الله يرزقكم الأزواج والذريات الصالحة لكل من ردت علي

تابعي تجارب أخرى من هذا القسم.