هنا صــــــــــلاله معلومات و ( صور ) سياحيه ...! دمج المواضيع

اهلين اختي انا رحت صلاله بطيران السعوديه احنا2كبار وطفلين ورضيعه بحدود ال5000 وكان حجزنا اخر 6 هجري وماني فاكره سعر التذكره للشخص ادخلي موقع الخطوط وشيكي عالاسعار وكل ماحجزني بدري افصل لك

مساااء الخير .
كيفكم بنااات يااحلووين انا مسافره صلاله هذا الصيف
باذن واحد احد بس ابي منكم خدمة خصوصا بنات صلاله
واللي سافروا لها ماهو الووقت المناسب لها ؟؟؟ من حيث الخضره والاجواء طبعا بالهجرري ومااعترف بالميلادي وهل 20او 25 / 7 / 1433هـجرري مناااسب ?? وهل ميزانية عشره الاف سعودي كافيه وكيف اسعار الفنادق او الشقق البسيطه لان بس انا وزوجي راح نسافر يعني شخصين وووبس ياطويللات العمررر وادري انكم ماراح تقصرووون خصوصا بنات صلاله .  

ياهوووه اررفعوا الموضوع

مساء النور ويا هلا ومرحبا وحياك الله عزيزتي ...

أحلى وقت راح يكون في رمضان وشوال ... في وسط وآواخر شعبان صح تكون الأجواء الحلوة والرذاذ والمطر بدأ لكن الإخضرار قد يتأخر أو يتقدم فيها ودائماً فترة غير مضمون وجود الاخضرار فيها لذا ننصح بأجمل وأفضل وقت مناسب وهو عيد الفطر إن شاء الله وما بعده ... نسميها فترة ( عز الخريف ) ...

لا 20 و25 /7 ( رجب ) هجري غير مناسب من وجهة نظري ...

بخصوص الميزانية تقدروا تتحكموا فيها خاصة إذا جايين بر وإن شاء الله البنات يفيدوك أكثر عنها ...وأكثر المخاسير في المواصلات والسكن ... وبقية الأمور عادية ...

وفيه شقق وفيه فنادق بأسعار متوسطة و معقولة وهناك خيارات منوعة ... والارتفاع في الأسعار وارد في الموسم السياحي حسب الإقبال والزحام...

الأسعار في بداية الموسم ونهايته ستقل وفي شهر رمضان أيضاً تكون رخيصة جداً لقلة الإقبال فيه ...لكن أتوقع في عيد الفطر وما بعده ستضرب الفنادق ضربتها برفع الأسعار ... وكل ما حجزتي مبكر تكون أرخص خاصة الفنادق ...

هذا رابط فيه الكثير عن صلالة اقرأيه أكثر وسيفيدك...

http://forum.hawaaworld.com/showthread.php?t=1214806&page=51

وأتمنى من الأخوات اللي زاروها يفيدوك عن تجاربهم في الميزانية وأسعار الشقق والفنادق ...

جربت الحجوزات من موقع بوكينج و الأسعار ليلة واحدة في آواخر أغسطس ( بداية شوال ) بصراحة الأسعار حلوة للي يحجز من الآن عن طريق النت ...

في كراون بلازا فندق 5 نجوم ... الغرفة القياسية لشخصين 51 ريال عماني ( 510 ريال سعودي تقريباً )

في شاليهات سمهرم 3 نجوم ... الشاليه لشخصين 30 ريال عماني ( 300 ريال سعودي )

وفي ليال للشقق الفندقية شقة غرفتين نوم ب 20 ريال عماني ( 200 ريال سعودي )

وفي فنادق نجمتين ونجمة وشقق وغرف من 18 ريال عماني وأقل ( 180 ريال سعودي وأقل )


الأسعار متنوعة هذه فقط بعض الأسعار للحجوزات من موقع بوكينج

http://www.booking.com/city/om/salalah.ar.html

وبالتوفيق عزيزتي وحياك الله ...

الله يعطيك العافيه ماقصرتي