شاركي في النقاش

سجلي الدخول لإضافة تعليق.

التعليقات

438
  1. @rsyl

    أهلاً بنات..
    شأخباركم؟
    أنا الحمد لله بخير..

    راعية مبدأ
    ما شاء الله مبروك الولد الله يخليه ويحفظه.. وأهم شيء الحمد لله أنك تطمنتي عليه..
    هاه.. استقريت على اسم الآن؟
    نسيت كنت تقولين يمكن أسميه نواف أو إيش؟.. مشعل؟
    وعيالك إيش يقولون؟ شاركيهم في اختيار الاسم.. وشوفي رأيهم..
    وبشرينا عن أختك إيش قالو لها بالسونار.. :)

    حنين
    هلا والله الحمد لله فرحتيني على جارتك..
    تدرين أنا أحاتيك لأنك كاسرة خاطري لأنك في غربة وما عندك أهل، أحس فعلاً حاسة بشعورك، الواحد في غربته ما وده تصير بينه وبين أحد مشاكل.. :(
    إلا شأخبار عروب يا عمري.. شلونها؟ عساها أحسن.. راحمتها لأنها في عمر بنتي الله يحفظهم..

    يقولون مملوحة
    أحلاااااااااا.. مبروك التوقيع.. نعوم ما شاء الله وحلو.. بس عدلي تاريخ الشريط..


    حزينة..
    والله صادقة نوني.. أنا كلما قلت اسمك ضاق صدري عليك..
    وإن شاء الله تبقين سعيدة على طول..
    كثري دعاء لزوجك.. ولا تيأسين من روح الله..
    وراجعي المستشفى بنفسك.. وإلا أكيد محد بيهتم..
    خاصة مع ظروف أسرتك..
    جدك شأخباره الحين؟ الله يرحم حاله..

    ضااع اسمي..
    هلا والله.. مشتاقتلك..
    4 كيلو؟.. يوه ضيقت صدري.. والله خايفة من الزيادة مررررة..
    تصدقين أنا بحملي الأول لما رحت أولد في نهاية التاسع.. ووزنوني كان وزني 68.. هذا وأنا كنت زايدة 18 كيلو في حملتي!!
    والحين ما شاء الله من قبل لا أحمل 69.5.. والحين 70 !!! :44:
    يعين كم بصير في التاسع؟؟
    لكن أنا قاعدة أحاول أكون حريصة في غذائي.. وأكثر فواكه.. وأبتعد عن الحلويات والله يعين..

    قوارير
    يا عمري ما تشوفين شر.. ما قلتي شصار على ضغطك؟ إن شاء الله طلع طبيعي؟
    وشأخبار الوحم والدوخة؟ الله يهون عليك يا رب..
    ويا حلو البنوتة.. وش يقول حمودي يوم قلتي له؟

    نجدية
    هلاااااا والله..:icon28:
    الله يعينك ذكرتيني بنفسي قبل 10 شهور.. تعب الله يعين..
    ولحد الآن لا زلت أؤثث والمجلس لحد الآن ما سويته..

    شهد الدمام..
    مشكورة حبيبتي..
    شغالتي شكلها ما راح تجي الله المستعان.. كل أسبوع الأسبوع الجاي..
    خلاص قررت أنساها وأريح أعصابي..
    والحمد لله هالأيام شوي مسيطرة على البيت ومرتب.. ونظيف..
    لدرجة صرت أفكر ليش بأجيب شغالة؟
    لكن أرجع وأتذكر المواعين :angry: والحمامات :3_13_11: أعزك الله والحوش.. وكوي الملابس.. فففف :06:.. الله يعين..
    وأقول الله يعجل بها بخير..

    نوني..
    شأخبارك؟ وشأخبار دعيج العنون..؟ بدأ يرافس وإلا لا؟
    طيب أهلك قريبين من بيتك؟
    ليش إذا توظفت ما تخلين البيبي كل يوم عند أمك وخواتك اسم الله عليهم.. وتاخذينه برجعتك..
    أنا كنت أسوي كذا أحياناً.. أو أنزلهم عند خالتي لأني كنت ساكنة فوقهم.. وما قصروا الله يجزاهم خير..

    أم عبدالرحمن
    هلا والله.. شأخبارك؟
    وشلون شيوخة؟ يا حلو سوالفها..
    متى سونارك إن شاء الله..؟

    ماماتو لحمادينو
    ما تشوفين شر اسم الله عليك.. انتبهي لنفسك وللبيبي..

    أروما
    ما فيها شي.. اختي مسوية عملية.. عادي بسيطة ومافيه أثر ما شاء الله..
    يمكن لانها استخدمت تقنية الكبس أو الليزر يعني بدون غرز وما فيه كرش ولا شي ما شاء الله.. لأن الطفلة كانت منزلة راسها ورقبتها مايلة على جنب.. ولو خلوها تولد طبيعي كانت انكسرت رقبتها اسم الله عليها لكن الطبيبة كانت شاطرة واكتشفت الحالة بسرعة مع أنها ما توضح إلا بصعوبة وفي لحظة الولادة..

    لكن هي تعتمد على المستشفى ومهارة الطبيبة والتقنية المستخدمة.. لأن العملية بالغرز سيئة وتؤلم.. أما بالكبس أو الليزر فممتازة.. ما شاء الله..

    وأعرف وحدة من قرايبي ولدت عملية لأن الطفل كان مقعدي.. وفي الثاني طبيعي. تقول بغيت أموت.. يا حلو العملية ويا زينها..!
    وأحسن ميزة للعملية أنك ما تتأثرين من تحت صراحة.. يعني زي ما أنت.. :42:

    لكن أكيد لها سلبيات.. مثل أنك ما عاد تقدرين شيء ثقيل.. وممكن تصير فيه مضاعفات مثل التهاب الجرح.. (وهذا ممكن يحصل حتى في توسعة الطبيعي)..

    لكن بصراحة أحس أول كانوا الناس يخافون منها ويرفضونها حتى في الحالات الخطرة لأن كان فيه جهل بإمكانات الطب.. لكن الحين تغير الوضع.. وصار ما يرفضها إلا اللي يخافون من البنج الكامل ومضاعفاته.. ومن كلمة "عملية"..

    لكن طبعاً مثل ما قالوا البنات أكيد الوحدة لا يمكن تتجه للعملية إلا للضرورة وللحاجة الطبية والخوف على الجنين.. وإلا الطبيعي أفضل..
    وما فيه أحد يفضل العملية ويترك ولادة ربي..

    نونو السعنونة
    وينك؟ ما قلتي لنا سويتي سونار وإلا لا؟

    امرأة شرقية..
    توني كنت بأكتب.. وينك؟ والحمدلله شفت ردك..
    شأخبارك؟

    الغلا.. بنت طيبة..
    لقينا نجدية.. ولا زال البحث عنكم جارياً.. وينكم؟

    أم شوقي..
    أيضاً ما بانت من زمان..
  2. السلام عليكم،
    رسيل>>> وحشتيني
    انا بخير ودعيج شفتته من يومين قالب نفسه ومستعد للطلعة من الحين حبيب قلبي
    بس ليلحيت مابين مع الدكتورة اذا ولد او بنت؟؟؟خليني عايشة الدور
    حبوبة اهلي بعيد اهل زوجي اقربلي منهم والله الشاهد انهم مايقصرون معاي ابد بس ماحب اثقل على خالتي مرة كبيرة واخت زوجي شايلة البيت على راسها الله يعطيهم العافية.
    بس الله يوفقني بدوام مثل العالم والناس وذيج الحزة افكر اوديه حضانة او احطه مع خادمة عند اهل زوجي>>>عشان ماراح اخليها عندي في البيت.

    انتي شلونك؟؟؟ والله آخر مرة رحت للطبيب من يومين والدكتورة>> غشيمة بطت جبدي حتى ماوزنتني>>>انا بغيت اشوف وزني واتطمن على البيبي وصورة السونار الي عطتني اياها>>>مو واضحة ابد مثل وجهها

تابعي تجارب أخرى من هذا القسم.