تعالو شوفو نص الرساله اللي ارسلتها لزوجي وقولولي اذا غلطت فيها او لا/ دمج موضوعين

السلام عليكم
والله اني احبكم ومافي حد اقدر اشكيله واستشيره بشي الا انتم

موضوعي لي سنتين وثلاث شهور متزوجه وعندي بنت زوجي كل ماقلتله طلعني مشيني يقلي مشغوول واذا حن علي قلي يالله لبيت اهلك او. زيارات وانا ماحب هالزيارات اهلي وبس وطفشت ياببيتي ياعند اهلي ولازعلت على ذا الموضوع سببلي مشكله حالته الماديه اوك عمره ماسفرني يمشيني حتى شهر عسل ماوداني هدايا ماقد جابلي. والطااااااامه انو مايقرب مني الا كل شهر مره او كل شهرين مره واحيان يجلس 4 شهور وذا الشي ماثر بنفسيتي بشكل مو طبيعي احيان اشتاقله وتجلس حسره بنفسي وماقدر اتجرا لاني احس نفسي مو مرغوبه

وكل كم شهر تجيني حاله اكتئاب واسبب مشكله

حياتنا كلها اكل نوم وشرب وحطي وشيلي ويالله اوديك لاهلك ودي اخرج واجي معه بس مافي فاايده ومايرجع الا 12 يدخل الغرفه ويناام مايفكر في
اليوم عصبت عليه ومن امس تحت البطانيه ماودي اقوم من الضيقه وجا يقلي ليش هالحركات قلتله حابسني بين اربع جدران طلعني قام يقلي لاتخليني اهد فمك وطلع
قمت ارسلتله دي الرساله وقولولي انا غلطانه فيها اولا

فلااان بفضفض ياليت تقرا الرساله كامله ولا ابغاك تسويلي مشكله اذا ماتكلمت معك اتكلم مع مين وانا وحده ماعرف اتكلم وجه بوجه بقعد ابكي وماراح تفهم مني حاجه مو حاسه اني متزوجه ايش ناقصني عن البنات كل شي تسويه لي اداء واجب ليش تزوجت اذا بتعيشني زي كذا واذا بتقلي منك انا ماسويت شي ادور رضاك دوره. وكل شي اسويه لك مالو قيمه ومقصره بكل شي وانت ملاك مو منقص علي شي وكمان مالي حق اتكلم تبغاني اكتم بنفسي لحد مايصير في شي ودي حياتنا تتعدل وانت مو راضي تساعدني على بالك تزوجت عشان اكل واشرب وانام وتصرف علي بس انا لو ماحبك ماستحملت العذاب النفسي اللي معيشني فيه واظن انك فاهمني كويس لو فيه شي مو عاجبك في قووله اذا اقدر اغيره بغيره ولو ماقدر اغيره اقلها اعذرك واعرف سبب كرهك لي وافكك من زني بهالموضوع كل شوويه واذا كلامي كلوو مو عاجبك وشايف انو حياتنا طبيعيه قوول عشان اشوف صرفه لنفسي

وبس

ولو مارد علي ببدا اجهز لي غرفه لحالي ماودي اقعد معه بنفس الغرفه وانا زوجه ومو زوجه جالسه بالنص استنا ه يرحمني ويعرف حقوقي عليه










مررحبا بنات امس كتبتلكم موضوع والله يجزاكم خير هونتو علي واستفدت منكم هذا الرابط للي ماتعرف شو القصه

http://forum.hawaaworld.com/showthread.php?t=3440864


المهم انا ارسلت الرساله الساعه 8 وشوي وطبعا كنت متوقعه مايرد جا البيت 10 وحسيته عادي بس يحاول يكلمني وانا ساكته ماهتميت استناه يتكلم طلع ورجع 12 وصارت هوشه بسبتي كاتبتله اغراض من اسبوع وماجابها وقلتله غير انق ع الشي شهر عشان يجي وقام يصارخ علي ويهاوشني ودخل موضوع الرساله وكتبتلكم ايش صار بس هذا باختصار << الهوشه على بالي سفهني

اليوم الصباح صحيت كان جوالي مقفول طافيه البطاريه لقيت نفسي ظالمته راد ع الرساله الساعه 9 يعني قبل مايجي البيت وكتبلي لاتكبرين المواضيع و****لله كل شي يتعدل بس اصبري

حسيت نفسي بزر طبعا انام بغرفة بنتي صحي الصباح وطلع ومايكلمني وتوه راجع وساااكت رحتله قلتله نفسيتي كانت تعبانه قلي انا مو على كيفك مره كذا ومره كذا روحي عند بنتك اصرفلك
حتى سويتله قهوه وشاهي وعشا ولاطالع فيها ايش اسووي

112 تعليق 16,425 مشاهدة

شاركي في النقاش

سجلي الدخول لإضافة تعليق.

التعليقات

105

تابعي تجارب أخرى من هذا القسم.