اخوي المبتعث وزوجته ورفضها للذهاب معاه

الحين البنات يبون المبتعث وهذي ترفض

اذا بتدخلين بينهم ادخلي للبنت وحاولي تقنعينها

وتفهمين سبب الرفض وفهميها مالها بد من رجلها

وفرصه جاتها تكمل هي كمان او تاخذ لغه

وقولي لها ترى الرجال مالهم امان تصرين على رايك

ماتضمنين ردة فعله يطلق او يعرس عليك

وكلميها قدام امها قولي ياخاله مايصير هالكلام

الرجال بالسعوديه وعيونهم زايغه خل تروح تحفظه

وشوفي كلامهم شو ووصليه لاخوك واطلعي منها

بيصير هو اللي له الراي الاخير

والله الابتعاث حلو فوتت عليها الفرصه بسبب الخوف من المرمطه والا امريكا نجنن بس ترا مو مرة اخوك اللي بس ماتبغى تجي اعرف ثنتين من بعيد من كلام الحريم انهم ماقدرو يجلسو بامريكا وحده جاها زي الخوف ورجعت وزاد زوجها لغى بعثته ورجع معاها والثانيه بس جت اسبوعين ورجهم زوجها لانها بس تقلق عليه وطفشته ولا بعد رجعت وكانت حامل بعد بس الله يهدي الحريم ذولا يعني زوجك مغترب وفرصه مررره حلوه تقوين علاقتك فيه وتزيدين ثقافتك وتدرسين وتتعلمين لغه وتضيعينها عليك بالخوف برضه طاعة الزوج احق يعني لو انها ٣ شهور زي كذا تجلس عادي بس سنتين مو قليله وبتضيع زوجها من يدها صح تعب بالبدايه والسفر طويل لكن بعد كذا راااحه والله يعينها على نفسها بس لو هي فعلا تحب زوجها ماخلته يروح وحده ولاقدرت على فراقه لكن الظاهر ماتحبه

يا الله صراحه ردود اغلب البنات تثبت لي ان المرأة عدوة نفسها ! سبحان الله
والله اعتقد لو انتم مكان البنت او وحدة من بناتكم او حبيباتكم بموقفها بتصيرون الين من كذا..

اختي صاحبة الموضوع نصيحة لا تتدخلين باخوك و زوجته، ولا تتمنون عليها بانه يطلعها ويمشيها ! يعني تبينه يكتمها عشان ترضون عليها..! غير اني ماادري وش وجهة نظرها هي تجاه الموضوع !

وهو بعد غلطان انه يشتكي عن حياته ومع احترامي مو قد المسؤولية .. هذا اختيارك وتحمله ..
ماتدرين وش بنفس زوجته وليش هي تسوي كذا .. السفر والغربه مو سهله ويمكن هي شخصيتها من النوع اللي يحب الناس يكونون حولها وصعب انها تتغير بسهوله ، ليه هو ما يدور لها على تجمعات بنات سعوديات تروح وتجي معهم عشان توسع صدرها، يمكن هو بعد معيي عليها تختلط مع احد، يطلب من اصحابه السعوديين انهم يكلمون زوجاتهم او خواتهم يتبادلون الزيارات والاجتماعات مع زوجته، اذا هي ما تبي يقدر يفكر بحلول لها وباسلوب الطف .. اما يشتكي لناس ماتعرف وضعه آسفة اقولها انه راح يضيع حياته الاسريه وبيضيع بنته معاه..
واذا كان شرطها بالعقد مثل ماتقولين انها ما تبعد عن امها .. المفروض يحط هالشي بعين الاعتبار .. رضت مثلا تسافر معه مع انها متذبذبة .. يقول لها باسلوب لطيف بنسافر للسعوديه بين فتره وفتره وتزورين امك بالاجازات .. لا يعقدها هو بعد :)