عضوة (( نيو )) وبقراطيسها .. وترى ماجيت وايدي فاضية

السلام عليكم ورحمة الله وبركاتة ..

انا جديدة بينكن ..

والصراحة اني قعدت مع نفسي شوي قبل لا انزل هالموضوع ..

وقلت عيب يابنت تدخلين على الناس وايديتس فاضيه ..

وقعدت افكر .. وش اقول ؟ وش اسولف ؟

مير اتذكر سالفة صارت لي قبل 3 اسابيع تقريبا ..

ارتككن تقرنّة ..

-

-

-

-

-

كانت الساعة 2 الليل والبيت كله نايم ماغيري انا تقل بومة سهرانة ..

وجت ببالي فكرة وقلت وراه ماانزل المطبخ واسوي جبنيه ..

من زمان وانا مشتهيته .. وفعلا نزلت المطبخ وبديت اعجن وامطرس ..

وحطيت الزيت على النار عشان ابدا احمر ..

وقلت عبال مايحتمي الزيت اروح غرفة التلفزيزن وادورلي مسلسل والافلم

اقعد اتفرج عليه وانا آكل ..

وصرت اقلب بالقنوات ولقيت فلم مصري ابيض واسود .. بس شي حماااااااس ..

وبلللللللطت قدام التلفزيزن وانسجمت مع الفلم ..

بعد شوي دخلت علي اختي -اصغر مني- : ( اقووووول .. وش هالريحة ؟؟ )

انا مطيرتن عيوني : ( يوووووووووووووه الزييييييييييييييييت )

وانط على المطبخ والقى الفرن مولع ناااااااااااااااااااااار ..

اختي : ( انا باروح اصحي ابوي )

انا : ( لا وشوله ابوي ؟ )>>>> خفت ..

واناظر اختي القاه تصيح صياح مهب سهل ..

مير اخمه = اضمه = احضنه واقعد اصيح معه ..

اختي : ( اهيء اهيء ابي اهيء اصحي ابوووووووووي واااااااااء )

انا : ( اهيء وااااااء لا .. اهيء اهيء انا اقدر اطفي النار )

اختي : ( اهيء اهيء وشلون اهيء يالخبله ؟ )

واناظر النار والقاه تكبر وتكبر ..

مير اقعد ادعي واتشهد مدري ليش تهيألي اني باموت ..

انا : ( يالله اهيء نروح نصحي ابوووي وااااااااااء اهيء )

ونمشي انا واختي وحنا ماسكاتن ببعض >>>> وش هالحب اللي نزل فجأة ..

ونروح غرفة ابوي : ( يبااااااااااااااااااااه حريقه حريقه )

ابوي قام مفجوع : ( وشو ؟ )

انا : ( لا مهب حريقه حريقه بس انا ....... )

قاطعتني اختي : ( الا يبه حريقة الحق والا ترى نبي نموت كلنا )

ويروح ابوي للمطبخ ..

وتروح امي تصحي اخواني عشان لاصار شي لا سمح الله يمدينا نهج ..

واتجمعنا كلنا عند باب المطبخ واقعد اويدز = اطل واشوف النار تزيد ..

واخواني وابوي يحاولون يطفونه ..

مير اتذكر مسلسل اسرار المدينه واتذكر عامر يوم ينحرق وشلون صار شكله ؟

وتهيألي ان ابوي يبي يتشوه وقلت خلاااااااااااص انا منب متزوجه ..

ابقعد اخدم ابوي طوووووول عمري لين اموت .. وشولون وانا السبب !!

واقعد اصيح وتقولي امي : ( بس اسكتي ترانا مب ناقصينتس )

والحمد لله ربي ستر وقدرنا نطفي النار ..

الحمدلله .. الحمد لله ..

بس البيت امتلا دخااااان وفتحنا الطيق عشان يتهوى ونطردج الدخان

ومطبخنا صار اسوووووووووووووووووووود ..

وقلت هذا جزائي اللي اتفرج بانصاص الليالي على دش وفسد

بعد مااقعد بسجادتي وادعي ربي ..

-

-

-

-

-

مايستفاد من القصة :

1 - لا تسوون جبنية بعد الساعة 12 الليل ..

2 - ناموا وقوموا وكولوا مع الناس ..

3 - لا تميلحون وتسوون نفسكن قرمات وانتن ( قم بس قم )

4 - لاتهاوشون عيالكم اذا غلطوا بالععكس ظموهم بحنان وعطف

تراهم والله والله مايقصدون >>>> امه مهاوشته ..

-

-

-

-

-

-

بغيت انسى ..


رحبن بي ..

اللي بترحب ترحب من القلب ..

واللي مهب مرحبة جعله عمرة مارحبت .. مهب لازم ..

وانا خلاص منب قاريتن مواضيعه ولا ردوده >>>>ياحليله جديدة وتميلح ..



يالله عاااااااااااااد ..

تبونن بينكن والا اطس واشوف لي منتدى ثاني يظفني .

56 تعليق 2,965 مشاهدة

شاركي في النقاش

سجلي الدخول لإضافة تعليق.

التعليقات

56
  1. @daa_alkmr

    ههههههههههههههههههههههااااي

    هههههههههههههههههههههههههههههههاااااي

    هلا وغلا بك يابنت القصمان :24:

    وحياك الرحمن بين خواتك وربي منورتنا يالغلا ...

    والله انك نشميه مابغيتي تزورينا ويدك فاضيه :27:

    اما سالفتك وربي تموت من الضحك

    ياعمري اجل كنتي ماراح تتزوجين ههههههههههههههههههههااااااي

    اجل فيه وحده تسوي جبنيه بالليل :cook:(( شوفو مين يتكلم بس خخخخخخخخخ))

    - لا تميلحون وتسوون نفسكن قرمات وانتن ( قم بس قم ) والله في هالنقطه صدقتي وماعندنا ماعند جدتي

    خخخخخخخخخخخخخخ

    الله يسعدك وحياك الله بينا وموضوووعك حلوووو لا وداخله بقووووه :24:


    سلاااااااااام ياعسل :24: :26: :24:
  2. @ordh_algory

    ههههههههههههههه

    تسلمييييييييين ....غاليتي..بنت القصمان...

    على موضوعك الحلووووو.....

    وهـــــــــــلااااا ومرحبـــــــاااا

    بااهــــــــــــــــل القصيم كلهم.......

    وحياك الله بيننا.......


    :24:
  3. @bnt_alksman

    صاحبة الموضوع
    هلا عيوشه

    اخيرا احد عطاني وجه >>>>>>>> السالفة شحاذة ..

    المنتدى منور بوجودتس انتي وباقي العضوات ..

    الله مير يسلمتس

    ومشكورة يابعدي على الترحيب
  4. @rhyk_alzhr

    وعليكم السلاااااام ورحمة الله وبركاته ..




    هلاااااابك يالغالية ...انتي وقراطيسك اللي تهبل





    ههههههههههههههههههههههههاااي الله يسعدك وربي قصتك تجنن..:23:


    ومنورة المنتدى انتي ودمك اللي مثل العسسسسسسسسسسسسسسسسسسسسسسل...


    مبين عليك فرفوووشة الله يونسك مثل ماونستينا بهالمشاركة>>>> مسوية فيها المنتدى حق ابوها خخخخخخخخخخخخخ:23:


    اختك / رحيـــــــــــــــق الزهر

تابعي تجارب أخرى من هذا القسم.