شاكه ان زوجي يراقبني بكاميرا ! / استوفى الردود + الموضوع قديم

كيف حاط كاميرا
طيب لو زارك احد يصورهم؟؟؟؟؟؟

،

بإذن الله يطلع شكك مو بمحله

حبيبتي حوسه ، راح اكتب لك وجهة نظري لإن الاخوات ماقصروا اكتبوا ارائهم لك وبعض الحلول وحاولوا يساعدونك عشان ترتاحين من شكك وتتأكدين ، وانا بكتب وجهة نظري الي قد تصيب او تخطئ

حوسه الرجل بمجتمعنا تحديدا السعودي معروف انه علاقاته محصوره ومحدوده حتى مع اخواته وامه في حدود وحواجز يعني في المزح والكلام دائما في حدود مايقدر يتجاوزها حتى اننا عندما نفطر برمضان تلاقينا نخبي وعندنا اشياء كثير نعتبرها عيب يعرفها الرجل لذلك الرجل السعودي معرفته بالمرأه صفر ، الا اذا كان راعي سوالف وعلاقات والخ ، بس في الغالب هو يجهل تماما الطرف الثاني ، لذلك تلاقينه من يتزوج وهو لاصق بزوجته وده يسألها عن كل شئ هو يجهله فيها وده يعرف ادق التفاصيل ، ويعتبر ان زوجته ملكه ومن حقه يعرف كل شئ خصوصا لاصار توه متزوج تلاقينه ماوده يفارقها ساعه حتى عمله لو وده يفصل منه عشان يقعد جنبها وهذه حقيقه تشتكي منها بعض الحريم الي توهم متزوجات، لكن هذه كلها ياقلبي حاله مؤقته لإنه توه متزوج وحديث عهد ، وصدقيني بعد فتره من الزواج سنه او سنتين تلاقينه بدأ يتعود على الوضع وشوي شوي يخف عنده هالفضول ،

المطلوب منك : الصبر وأنا متأكده بعد سنه او سنتين بتجين تكتبين موضوع تقولين زوجي تغير ماصار يهتم فيني مثل قبل ولا يسألني عن تفاصيل يومي وو

اما بالنسبه لشكوكك الحاليه تعالي نفصلها شوي ونلاقي لها تفاسير منطقيه بعيده عن الشكوك والظنون :

- راح اخذ بعض الحالات بشكل عشوائي :

- سؤاله عن النظاره :

قد يكون زوجك يفتش بأغراضك وهذا مو من باب الشك ولكن الفضول ممكن حتى يفتش بأغراضك الخاصه ولاتستغربين لان هالاشياء بالنسبه له جديده ويمكن يكون شاف النظاره اثناء تفتيشه ، ولذلك سألك عنها

وبالنسبه لشعر الجسم يمكن حس ولاحظ بأنك شلتي شعر يدينك من لمسه لك، لإن في فرق ، الشعر لابدأ توه يطلع يمكن مايبان بالنظر صحيح ،ولكن يبان بالملمس ولذلك لاحظ الفرق وانت استغربتي!

وبالنسبه للكريم قد يكون لاحظ فرق اللون ترى يبان لاحطيتي كريم تفتيح ، او انه اثناء تفتيشه بأغراضك وجد كريم وقرأه او بحث عنه بالنت وعرف وشهو ؟ لان اي كريم الان تكتبين اسمه بقوقل يطلع لك تفاصيل عنه

وبالنسبه لخروجه ودخوله يمكن هو يتبعك عن طريق النت يعني يبي يشوف وين تدخلين وش كتبتي بما فيه هالموضوع *_^

وارجع اكرر هذا مو من باب الشك من باب الفضول لان لو شكاك انا زوجي تطلقت منه بسب الشك كان يرفض الدخول للانترنت ومانع وجوده تعقيد لأبعد درجه بينما زوجك يسمح لك بالدخول للانترنت وماهو منعك منه بس طبيعي من باب الفضول يبي يعرف وين تدخلين الواحد او الوحده لاحبت زوجها وعندها معرفه وعلم بالتكنولوجيا ودها تتبع حبيبها وزوجها وتشوف وين يدخل ووش يقرأ من باب المحبه والإهتمام بالطرف الاخر وليس الشك فيه وفي اخلاقه

وانا خايفه بعد هالموضوع لو قرأه تركبينها برأسه هم يجيب كاميرا من جد وتصير جنت على نفسها مراقش

فابعدي عنك هالتفكير وانا اختك وهالتصرفات فتره وتروح ،شئ جديد عليه ومرحله جديده ومع الوقت صدقيني بيخف

وحكاية يطلع ويدخل يمكن يدخل يشوف وين دخلتي مواقع او من هالقبيل واذا عندك تلفون ممكن يكون حاط تسجيل عشان يسمع سوالفك لكن كاميرا ماتوصل لهدرجه لان لو يتابعك بالكاميرا ماكان سألك وش سويتي بعدي ؟

وقولته انك تفرحين لاراح يمكن حس من كلامك انك ترتاحين لاطلع او قالها كذا يبي يشوف ردة فعلك يبيك تقولين له لا بالعكس ومن هالكلام ،وانت تقولين قالها وقت زعل لو قالها بناء على شوفته لك ترقصين كان قالها اول ما جاء ماصبر تصير مشكله كان قال مثلا اشتقتي لي والا شكلك تفرحين لارحت الدوام او لمح لك بس دامها قالها وقت زعل معناته ماله علاقه بس شعر من كلامك او بسبب الهوشه انك متضايقه منه او من وجوده او رماها كذا بلا اي اقصد

وبالنهايه ارجع اكرر اصبري ومايمنع تأخذين حذرك للإحتياط ومع الوقت كل هالاشياء بتتغير صدقيني

وذا حط كميرا بالعكس واذا كلمتى احد ادعيله و ومدحى فيه وش الضرر خله يدرى انك الحمد الله عايدى