موقف من 3 شهور خلاني مو طبيعية

الله يشفيك يارب وجميع المسلمين

السلام عليكم يااخت شموخ شوفي انا صار لي زيك بالضبط دخلني خوف ورعب وفجعة فجأة انقلبت بلحظة
وايش اقولك تبهذلت بهذلة والله العظيم يوم تتكلمين كأنك تتكلمين عن حياتي بالضبط طبعاصار لي هالشي بعد موقف بسيط ودخلني الخوف وتعبت بعدها نفسيا صرت اخاف على نفسي واهلي وزوجي وعيالي واكره انام بسبة الاحلام والكوابيس تغيرت انقلبت مية وثمانين درجة اهلي وزوجي ماقصروا وكنت اكلم مشايخ وارقي نفسي
المهم اللي يقولي ضعف ايمان اسكر السماعة بوجهه لاني احس انه هالشي والخوف والقلق غصب عني ياناس غصب عني لكن ابقولك الخلاصة عشان ترتاحين:
شوفي اول شي واهم شي الفكرة السيئة عن اي شي مجرد ماتجيك اتركي التفكير فيها على طول ولاتسترسلين
لان هذا اللي وداني بداهية
ثانيا حافظي على الاذكار والاستغفار والصلاة على النبي صلى الله عليه وسلم حتى لو ماودك اغصبي نفسك
انا كنت اخاف من الاذكار والقرآن ولا اتشجع لها احس اذا قريت اللي فيني يزيد طبعا المفروض كسرت هالشي وقاومت وقريت بس الشكوى لله
غيري اجوائك في البيت ضروري دايم حافظي على تهوية وجو صحي واشتغلي قسم بالله الشغل مفيد مايخليك تفكرين واذا كنت جالسة بمكان ضيق خليه ووسعي على نفسك واستحمي ودوري اي شي ينعشك
ثالثا حاولي دايم تاخذين نفس عميق وللمرة المليون ابعدي عن التفكير بأي شكل والله هو اللي رجعني لورا ترى هذي اهم نقطة ودايم اقري اشياء تتفائلين فيها ولاتربطين الامور ببعض
رابعا طبعا انا ماانكر ابدا دور المشايخ والرقاة الله يحفظهم بس بعضهم كان يقولي كلام يزيد الخوف اللي فيني
الافضل ترقين نفسك او خلي زوجك يرقيك لان اللي فيك فجعة وخوف
خامسا اشربي مشروبات تنعشك وتهديك وتروقك روحي لأماكن ترتاحين فيها
سادسا واهم شي استودعي نفسك ومن تحبين رب العالمين وتوكلي عليه فاللي رزقك اياهم قادر يحفظهم لك واقري قصص عن التفاؤل وعن استوداع رب العالمين لما نريد وحفظه سبحانه ولاتتركين الدعاء انا ادعي كل وقت ومازلت ودايم خاتم التسبيح باصبعي مااتركه
سابعا لازم تعرفين ان اللي فيك من الشيطان ووسوسته حاربيه ودقي خشمه وتفائلي بالخير تجديه ونصيحة مني لاتضيقين على نفسك وعلى اللي حولك تمتعي بحياتك توكلي على اللي عينه ماتنام ودايم رددي حسبي الله لا اله الاهو عليه توكلت وهو رب العرش العظيم وربي بترتاحين سوي بحث عن فائدة الدعوة هذي بتلاقين آية عظيمة اخرها ( فانقلبوا بنعمة من الله وفضل لم يمسسهم سوء) ماتصدقين فرحتي بهالاية يوم قريتها
ثامنا لاتضيعين عمرك وعيشي اللحظة واعرفي كل اللي كتبته مريت فيه وطبقته وقسم بالله ماشفت الا الخير هذا من الشيطان حسبي الله عليه واعوذ بالله منه ومن وساوسه وكيده ادحريه وخليه عنك ولاتروحين لاحد يقرا عليك انت اقري على نفسك واي سؤال انا حاضره وللعلم ترى الشفاء يكون بالتدريج وقسم بالله بتحسين كل شي له طعم واحسن من اول انا كنت اتذكر حياتي قبل لاتعب واتحسر وابكي ومن الضيقة والخوف مااقدر اشم ريحة نسمة الفجر واتهنى فيها والحين اسكتي بس احس معها عطر بس شوفي لازم تواصلين وتعقدين العزم قلتلك تجربتي اختصري الطريق على نفسك وسوي مثلي لاني جربت كل شي مشايخ حبوب مهدئه تركت بيتي ورحت لاهلي العلاج بدا من داخلي وكل هذا بفضل ربي غيري قناعاتك وارمي التفكير مو برا عقلك ولابيتك ارميه بالربع الخالي
الله يهنيك بحياتك انت مع من تحبين

الله فييك خووف
هدي بالك وعليك بالاذكار والرقيه الشرعيه

مثل ما قالو البنات من الروعه الي صارت لك وقت المغرب عليك بالرقيه واشربي ماء مقري فيه وانصحك بالقسط الهندي مذكور في الطب النبوي