شاركي في النقاش

سجلي الدخول لإضافة تعليق.

التعليقات

2,689
  1. @khrman12

    samoha_om_ali
    ماشاء الله تسلم ايديكى يا حنان لايس كرم فى الملف بتاعك ممكن بس تقولى لى الخطوات بالتفصيل وممكن القشطه العلب بدل كى دى دى لو سمحتى هو ايه الفرق فى الطعم بين النوعين ومعلهش سؤال تانى ا لايس كرم فى الملف بتاعك ممكن بس تقولى لى الخطوات بال…
    السلام عليكم

    سموحة انا اسفة جدااااااا انا مبيجيلش تنبيه خالص علي ايميلي ان فيه مشاركات جديدة ولو انا مدخلتش معرفش معرفش ليه بيخرف كدة

    خطوات الايس كريم سهلة اوي
    هناخد اللبن مع الكريمة نسخنهم عالنار اول مايبدأو يغلوا هنطفي النار
    وعلي جنب نضرب السكر مع صفار البيض كويس اوووووووي والفانيليا وبعدين ناخد ميكس اللبن والكريمة ننزل بيه بالراحة علي خليط السكر والصفار تدريجيا والمضرب شغال عشان البيض ميستويش ناخد بقي الخليط دة كله نرفعه عالنار علي نار متوسطة كدة واول مايبتدي يغلي نرفعه من عالنار
    وندخله الفريزر يبرد خالص مفروض بعد مايبرد بتطلعه ونحط الكي دي دي بس ممكن تستغني عنها وتحطي معلقتين كبار قشطة بيتي
    انا بحس ان طعم الكي دي دي قريبة للقشطة الطبيعي قشطة العلب بحسها مسكرة اووووووي بس الفرق كفرق في المكونات والاضافات بصراحة معرفش

    المهم لو عندك قشطة بيتي يبقي كويس اوي وتظبطي السكر برضو

    وفي المرحلة دي برضو ممكن تضيفي شوية شوكولاتة سايحة عشان تعملي جزء بالشوكولاتة

    وممكن صوص فراولة مش كتير عشان ميأثرش علي قوام الايس كريم وكمان تقطعي فيها قطع فراولة بيبقي تحفة بس مع الفراولة هتكتري السكر شوية يعني ممكن في المرحلة دي برضو تضيفي شوية سكر بودرة وتدوقي الطعم

    ويارب تجربيه ويعجبك هو بتاع منال العالم علي فكرة

تابعي تجارب أخرى من هذا القسم.