الله يهديه ماودي ازيد همك بس انتبهي تناقشينه بقولة لو انا خنت ومن هالكلام لاتنسين ان الرجل مهما خان مستحيل يرضى زوجته تقول هالكلام وبما انه تعرف على خمس يعني الوضع لعب عنده احمدي ربك ماوصل انه يتعلق بوحده بس وقتها بيكون وضعك اصعب انتي بس حاولي تفكرين انتي بايش قصرتي غيري من طريقة لبسك شعرك حتى كلامك صبحيه ومسيه بغزل يمك انتي قصرتي من غير لاتحسين وقتها هو بيحس ان كل شي متوفر عنده وبيرجع لك من كيفه ربي يسعدك
الرايقه روحي الله يسعدك كلامك قمة العقل لاكن هل هناك مستجيب سكون العواصف تعالي معاي حبه حبه انتي الان مرهقه نفسك بالتفكير وبالبكاء ولا تأكلين ووجهك معفوس وبشرتك شاحبه و....و....و.... الخ تتوقعين بالهشكل بتردين زوجك او بتحسسينه بالغلط لا ياماما بالعكس انتي كذا تزيدين الجفاء انتي كذا ترسلين اشارات لداخله انك الزوجه النكديه وان بنات ال.... هم المرحات الفرفوشات اللي يزيلون الهم استهدي بالله وتعالي نفكر سوى المواجهه الهدف منها تصحين زوجك من غفلته وتحسسينه بحجم الخطأ وحجم الجرح لاكن متى المواجهه المواجهه تكون مو بصالحك اذا كان زوجك باقي متعلق بهالحثاله لازم تحسسينه بحجم ثقتك فيه تحسسينه بحبك له تحسسينه انه بيضيع من دونك وبمعنى اصح تعلمينه بطريقه غير مباشره بأيجابياتك وقتها سهل تواجهينه وسهل انه يتوب الصوت العالي والدموع ابداً ماراح تحل المشكله بالعكس بتزيدها امسحي دموعك واخفضي صوتك ابغاك الان تنسين سالفة زوجك وادري هالشي صعب لاكن مع ربي جداً سهل كل يوم افرشي سجادتك اخر الليل وادعي ربك بكل مافي نفسك ابكي لربك بس اكثري من الاستغفار اول ماتشوفينه خرج برى البيت استودعيه الله بكل جوارحه واول ماتشوفينه ماسك جواله استودعيه الله انسي جواله هالفتره وانسي حتى رقمه عيشي لنفسك واطفالك خليه يدور عليك ما يلاقيك وشلون قومي بكل واجباتك وانتي مبتسمه لاحظي قلت قومي بكل واجباتك فقط يعني الدلع اللي تعود عليه خلاص ولى زمانه الان اشتري كتب اقريها اتعلمي طبخات جديده كلمي صديقاتك خليك على اتصال دائم برب العباد اتصدقي بنية تفريج الهم حياتي زوجك جزء بسيط جداً من حياتك وليس حياتك كلها اعملي لارضاء الله لزوجك وين اهتماماتك قبل الزواج وين صديقاتك وين خواتك كلهم الغيتيهم من حياتك وتفرغتي لهذا الزوج اولادك وينك عنهم اشغلك زوجك عنهم حبي نفسك حبي نفسك حبي نفسك حبي اطفالك وبس زوجك اعتبريه هالفتره خطيبك وعيشي حياتك مثل ماقلت لك انسي ياقلبي واتغيري للافضل لنفسك ولاتقولين ما اقدر لا تقدرين بس اتوكلي على الله وخلي اتصالك مع ربي على طول خلى ربي يسمع صوتك كل ساعه باليوم خليه يسمع صوتك بالليل وانتي تناجينه صدقيني بتنحل لو اتبعتي اللي قلت لك عليه ترى انا مريت بمراحل مؤلمه بحياتي انجرحت اللين صرت اشوف الجرح عادي بكيت اللين جفت دموعي صرخت اللين انبح صوتي انضربت اللين سال دمي ورب العزة ماكذبت عليك بحرف بس تدرين ايش اللي خلى الامور تمشي وخلى زوجي ولله الحمد يتغير حتى لو امامي شي واحد ربي ومناجاتي له بصلاة الليل اخواتي الكريمات اللي تنصحونها تواجهه واللي تنصحها تروح بيت اهلها واللي واللي واللي ترى الرجال مو مثل بعض الا بشي واحد العناد وهالعناد يختلف من رجل لرجل حبيباتي وش تستفيدون لو راحت لبيت اهلها تتوقعون انها بترجع لبيتها والنفوس راضيه لا بالعكس بيزيد كرهه لزوجته بيحس انها ماسترت عليه ولا وقفت جنبه كيف ترضين اهلك ينظرون لزوجك تتوقعون بيبون زوجك وهو خاينك ضاربك مهينك بيكرهونه يستحقرونه ومستحيل تغيرين نظرتهم له رجااااااااااااااااااااااااااااء خاص اللي مو قادره تقول كلمه تسعد صاحبة المشكله ترفع الموضوع بدعوة من قلب صادق والملائكه تقولها ولك بالمثل فرج الله همك اختى الغاليه وانار بصيرتك واللهم سخر لصاحبة المشكله زوجها ورده اليها رداً جميلاً اللهم ملكها قلب زوجها اللهم ابعدعنهم بنات الهوى اللهم ابعد عنهم فتنة الشيطان اللهم كل من قالة امين ان تعطيها بالمثل
وحابه ادردش معك بخصوص الخيانه لانو قناعاتك تشبه قناعاتي الى حد كبير.. بالنسبه للمواجهه فعندنا الحريم قسمين .. قويه ..... وضعيفه القويه راح تستفيد من هالموقف وبنفس الوقت تراقب وتتركه يعيش حياته الخاصه وتستغل فتره ابتعاده للتغير من حياتها للاحسن ثم وهذا المهم في السالفه بعدما تتاكد انها جذبته لها ورجعته لاحضانها اقول ممكن تواجهه ممكن لان المواجهه صعبه جدا ويبي لها خطط مدروسه .... مافي متزوجه وام تبي تترك بيتها وتتطلق وتنهي حياتها مستحيييل واكثر اللي يتركون بيتهم يتحلمون يجي اليوم اللي يرجع لهن الزوج ذليل ونادم !! ويضل حلم قد لايتحقق .... وبالنهايه ربما ترجع بشروطه << لاتتدخلين بحياتي وخلك مع عيالك !! صح كلامي ؟؟؟؟
الضعيفه ... اي دليل تطيح عليه كصورة او رساله من اي طرف تهزها وتجيب لها صدمه نفسيه بكل مره !! وصدمه ورا صدمه .......المسكينه تصيبها امراض نفسيه واللي يزيد الطين بله انها ماتقدر تواجه نظرا لانها ضعيفه .....وان واجهت فتغلبها الدموع والانكسار والحسره وهذا يخلي زوجها ينفر منها ......
انا بعد هالكلام رأيي هو اني << اكره المواجهه .. وافضل اسلوب التلميح يخلي قلب الزوج يررتعب من الخوف مو منها ولكن من انكشاف امره ...
اسلوب اللعب على الاعصاب بهالطريقه له اثارافضل لك من المواجهه اللي راح يكون كل شي مكشوف وبكذا انتهت التمثيليه اللي قاعد يسويها وريحتيه من هم كبير على قلبه وعرف ان ماحوله احد دموع وعتاب وزعل يومين وترجعين تدورينه بعد كذا .. ثم ياويلك لو فتشتي او جبتي له دليل جديد بيقلب السالفه عليك انتي وانتي الخسرانه في النهايه...
هذا بالنسبه للمواجهه ......... وموضوع الخيانه طوييل ومتشعب ...ولسه في نقاط ماذكرتها .. بس حابه اعرف رايك ؟؟
واستاذن من صاحبة الموضوع للسماح لنا بالدردشه وكله طبعا للاستفاده العامه ..