نادي أمهات اكتوبر -الجزء الثاني-

السلام عليكم،
ام شوقي>>> انتي بأي ديرة؟؟
الله يعينك على هالشغالات>>> زوجي مو مقتنع ولا انا بس افكر بوحدة بارت تايم تجيني لما اقدر اوقف على رجولي واشيل نفسي بنفسي>>> والله غربلة
لا اهلي جنبي ولا خواتي وحدة منهم تجابلني>>>كلن لاهي بحالها
واهل زوجي من الحين احس نفسي ثقيلة عليهم وهمه مو مقصرين معاي>>>الله لا يغير علينا

نوني هلا الغاليه .. اهم شي انتي بخير ومرتاحه .. وربي يعينج .. انا بعد من الاقي فرصة رحت عند اهلي .. زوجي يقولي الحمدلله انج ما اسوقين ولا جان حافره شارع بروحج بين الشارجه وعيمان .

noni103 انا بالرياض وانتي الله يساعدك على النفاس ون شاء الله تتيسر معك.

هلا بالكل شلونكم اليوم

ما قدرت اصبر خفت الصراحه قالو لي يمكن من الطيحه الياهل ما يتأثر لكن ممكن يصير تجلطات دموية ورا المشيمه فلازم تروحين نسوين سونار
رحت اليوم وشفت البيبي الحمدلله قاعد يلعب اسم الله عليه وشاف كل شي قال تمام وديري بالج وصرف لي فيتامينات وقال لي وقفي عن الفوليك اسيد

نوني انتي وين تراجعين الحين ؟؟؟ لا تروحين حكومي نصيحه (قط فلوسك بالشمس واقعد بالظلال)

روحي خاص احسن وأضمن عند دكتورة معروفه وشاطره مثل معصومه مخصيد أو ناهده العلي وإذا تبين دكتور أحمد الشاذلي

حتى السونار فظييييييييييييييع عندهم كأنج قاعده تطلين داخل بطنج من الوضوح وبدون لا يقولون لج راح تعرفين جنس الجنين بس يكبر شوي مو الحين

وانا حذرتج من الخدم المؤقتين صدقيني راح تندمين لأن وصخهم أقل من نظافتهم وغير انها تكون مو أمينه على اغراض البيت وانا مجربتهم وتحسفت ومن بعدها قمت أجيب خدامة أمي أضمن

ونشوفكم باجر بنات

السلام عليكم كيف حالكم
أنا عندي زكام شديد وكحة شديدة ولمن رحت لدكتور الأنف والحنجرة وصف لي مضاد حيوي أوجمنتين 625mm
ما أدري يا بنات والله خايفة استخدمه مع إني اتصلت على الدكتورة اللي اتابع عندها وقالت مافي مشكلة طالما دخلتي الرابع
أرجو منكم تشيروا علي هل اخذه أم لا ومين عندها خبرة في هذا الموضوع