ياحبيبتي ليه مانقول لك كملي ؟
العلم ماله عمر
وانتي توك صغيره كملي منازل ترا الدراسه سهله الحين لبنات المنازل والانتساب الكل يتعاون معهم ويساعدوهم وينجحونهم جربي ومتأكده انك بتدعين لي
ادرسي وانتي في بيتك وروحي اختبري ايام الاختبارات وتلقين السنين طارت
وخلصي الثانوي ادخلي الجامعه انتساب او تعليم عن بعد مافيه اريح واسهل منه واسالي المجربات والله بتمر بلمح البصر لاتقولين مسؤليات ومامسؤليات كلنا عندنا مسؤليات وهموم واشياءالله اعلم فيها لكن مانخلي شي يحد من طموحنا الانسان يعيش مره وحده لازم يحقق كل شي يطمح له ويقدر عليه وانتي نفسك بالشهاده والوظيفه ليه ماتسعين لها بدال ما تخلين الهواجيس والافكار تاكل فيك
انتي كملي عشان نفسك بغض النظر عن فلانه وعلانه عشان نفسك وعيالك وحياتك تتطور وتتغير ونفسيتك
ترى حنا بزمن الشهاده هي مقياس الناس لبعض والي يقولك غير كذا يجاملك ويطبطب عليك لكن مو حاس فيك
شوفي المدارس ايام الاختبارات اغلب بنات المنازل حريم كبار وشوفي الجامعات والله درسو معي بنات اعماهم بالاربعين تخيلتي
واذا ع الوظيفه هم توظفوا هذا رزقهم انتي يمكن بحياتك اشياء احلى منهم غير الوظيفه ادعي ربي يبارك لهم فيها ويرزقك احسن من رزقهم ولاتقارنين حياتك مع اي انسان ثاني عشان ترتاحين وماتتعب نفسيتك مثل هالوقت الي نزلتي فيه الموضوع
كملي نصيحه اخت ترى ماينفع الا شهادتك الا غدرت فيك الدنيا بيوم من الايام واحتديتي تقدمين على اي وظيفه او سؤال يسألونه لك وش شهادتك !
من مثلي مامعها شهاده
متابعة النقاش، صفحة 6
