انا بقولكم كيف تستخدمونه.... طبعا بعد وضع الكونسيلر على جفن العين...هاتي فرشاه الايشدو...سواء الاسفنجه او الفرشاه الي فيها شعر... بس انا بشرح كل وحده بروحها اول شي الفرشاه الاسفنجه....هاتي كوب ماي...وبللي الفرشاه بالماي ونشفيها شوي لاتخلينها تغرق بالماي....وطبعا ماتنشفينها عالاخر..خليها رطبه شوي..وحطيها عالضل المائي وحطي منه ع جفن العين اليمنى وبعدين على جفن العين اليسرى.....خليه يجف شوي....بعديين هاتي اسفنجه جافه وووزعي الشدو بحركات دائريه..يعني ارفعيه شوي ....وعشان اتثبتيين اللون زين...هاتي ايشدو بودره او مضغوط يكون نفس اللون المائي الي استخدمتيه او قريب منه.....وحطيه عليه....وبس
اما الفرشاه والي انا شخصيا افضلها....احطها في الماي واجففها شوي وارسم في جفن العين خط عريض طبعا من بدايه منبت الرموش.....واتركه يجف شوي وعقب اوزعه وادمجه بطرف اصبعي.... او اسفنجه الايشدو....وطبعا نفس الطريقه الاوليه بالنسبه لتثبيت الشدو....
وعلى فكره الشدو المائي الحين دارج بشكل كبير لانه الوانه ثابته ماتطيير بسرعه ....يصلح للاعراس وانصحكم بماركه كاريولاين لانه فعلا رااائع....وحاليا انا طالبه من بن ناي واول مايوصلني بخبركم...