السلام عليكم
المشكله مشكلة صديقتي
مااني عارفه من وين ابتدي:اول شي صديقتي هذي اعاده اختي واكثر
حنا بثالث ثانوي بس هي اسقطت والحين بثاني
المهم العطله الصيفيه اللي فااتت خطبها واحد مطلق وعمره 30 او اكبر بشوي مدرس ويتيم بس ماعنده الا 3 خوات ماتزوجن وعايشات معه بنفس البيت
صديقتي تكرهه وماتبيه اصلا هي تكرهه من قبل مايخطبها اصلا المهم هي ارفضت بس اهلها متمسكين فيه لانهم بمجتمعه البنت ماتتطلع من الجماعه وهو احسنهم صرااحة لان الشباب الثانين يااعاطل او صايع او او يعني هو يعتبر زين
المهم هم اسكتوا عن الموضوع وقبل اسبوع ارجعوا افتحوه ان الرجال يبي يحلل ويملك
صديقتي انجت وماتت صياح:44: تقول مااتبيه وغير كذا مستحيل ادرس عنده وانا توني بالثانوي
هو صراحة فيه كلاام مراا كثيرر عنه يسبوونه ويقولون سوالف بمرته اللي قبل صرااحة انا مااصدقتها قلت لها مستحيل فيه انساان يسوي كذا
مثلا يقولون انه كان يدخلها من السور من الباب اللي قدام عشان خواتها مالهن خلق يشوفونها!!!
بناات بجد تصدقون شي زي كذا؟؟!!
المهم يوم جاء قبل اسبوع قال ابوصديقتي له ان البنت متردده عشان دراستها وصراحه حنا نسمع كلام كثير ومدري ايش
قال هو:مثل وشو؟؟
قام ابوصديقتي قاله بعض السوالف يقول انه ماات ضحك قال معقوله انا اسوي كذا؟؟
وهو يصلي وهاادي ومعلم يعني زين بس مشكلته انه مطلق وخواته كباار ماتزوجن كلهن
المشكله هي حللت خلااص بس لسى مااهي مستوعبه وتقول ماني مااخذته!!!
اعطيها من الادعيه القليله اللي تجيني واتكلم معها بس ماينفع
اقولها استخيري او ادعي تقول مااقدر لما افكر اني بستخير عشانه او بدعي عشاانه
اقولها مو عشاانه عشااانك بس ماهي راضيه
ولما اقولها لاتفكرين انه زواجه هو لا فكري انه زواجك انتي وانبسطي بالفكره لااننها ماراح تتكر مره ثانيه اقولها فكري بنفسك باالابيض ولا وانتي تجهزين تقول انا من اسوي له كل هذا؟؟مو له؟؟اجهز له واللبس له
:44::44: تكفوووون قوليلي وشلون اخليها تفهمن وتتسوعب انا ماودي تتدخل وهي مصدومه
ابي ادعيه تكررها وكلاام اقولها له
تكفووون رردوا تراا انا وصديقتي محتااجين لكم
الموضوع مغلق