اهلين خواتي مثل ماهو بالعنوان اخوي الله يحفظه ويرده لنا بالسلامه سافر لأمريكا ولاية فلوريدا دوره مع عمله لمدة 3شهور
وسافر يوم الثلاثاء واليوم له 2يوم يكلمنا يقولنا عايش على نوتيلا يقول خايف من أكلهم حرام ولحم خنزير قلنا له جيب رز ودجاج واطبخ قال الزيت قالو فيه شحم خنزير ومدري ايش
المشكله معه زملاه وكلهم نفس الشي واول مره يسافرون برا وكلهم عزابيه والفطور والسكن على العمل والباقي عليهم المواصلات واكلهم واذا رجعو لسعوديه يعطونهم البدل
فا ياليت تدلونا على سوبر ماركت يوفر اشياء حلال او سوبرماركت عربي ومطاعم عربيه او طبخها حلال وياليت الوصف الدقيق
والشي الثاني كيف توقتون لصلاه اخوي يقول حاط توقيت السعوديه واصلي بتوقيت السعوديه قلت له الوقت يختلف يقول انا وزملاي سوينا كذا
والله يجزاها خير الي ترد وتفرج كربة شباب مسلمين
♥OoO♥ ولاية Florida فلوريدا ♥OoO♥
متابعة النقاش، صفحة 105