تناقشنا في هالموضوع , وكانت هذي وجهة نظري ..... يا أمهات وش رايكم بكلامي كونكم مجربات

اذا الام اتخلت عن ضناها لاي سبب
ربنا الرحيم مايضيع احد فمابالك برضيع وحيسخرله اللي احسن من امه

أولا عزيزتي الله لا يبلانا نسأل الله السلامه والعافيه ويحفظنا بحفظه ويستر علينا وعلى بنات المسلمين ويهدينا ويهديهم الى صراطه المستقيم

ثانيا عزيزتي كونك تنصحين صديقتك إنها ماتدعي على أم الولد اللي جا بالحرام مقبوله وفي محلها

لكن في نفس الوقت لا تبررين موقفها يوم حطت ولدها ونسيتي موقفها الأول إنها أصلا أقدمت على هذا الحرام
وتقولين سليمة النيه

سليمة النيه يوم إنها أقدمت على هالفعل ؟؟ ومافكرت حتى بنتايج فعلها
خلينا من حطته بالمسجد ولا بغيره
الولد كيف بيعيش باقي حياته سواءا في حظن امه ولا بدار الايتام ؟؟؟ بيظل يحمل لقب لقيط او ابن زنا والعياذ بالله

أي نيه هذي تتحدثين عنها عزيزتي يوم الواحد مايفكر الا بشهوته ويدوس على باقي البشر وحياتهم ؟

قولي ماتفهم بأمور منع الحمل وغيره أي شي ثاني
لأنك بكذا مو بس تبررين رمي الطفل تبررين حتى الفعل نفسه
يعني اللي فاهم بهالأفعال مو فاهم ان بعدها راح يجيه طفل نتيجه هالفعل !!!!!!!!!!!!!!!!!!!
طيب ليه ما انحسب حسابه !
هذا بحد ذاته إجرام
بغض النظر انرمى ولا ما نرمى
مافكرتي وش بتكون حياته
اذا خايفه على مشاعر هالأم انها ينقال عنها كلام هي فعلا سوته
فما بالك بهالطفل اللي يوسم بالحرام بش ماله ذنب فيه !!!!
اذا حاسه انها بتتعذب من صورة ولدها اللي ماحسبت حسابها من الاساس
كيف هو بعيش حياه بائسه حقيقيه وليست صوره
هي يمكن لما تتعذب بصوره على قولتك بتحس فيه مبرر لهالعذاب وتفهم ايش السبب انها هي ماحسبت حساب هاليوم
لكن هو لما يعيش في هالعذاب بدون مايعرف ليش اتسوي فيه كذا بأي ذنب ؟؟ وانه البؤس اللي هو فيه بسبب غيره وش شعوره ؟؟

انت قاعده تقارنين بينها وبين اللي امتهنوا الحرام لكن هذا مايبرر انها حتى هي اقدمت على الذنب
بالتاكيد كلامي واضح انو على اللي اقدمت بنفسها على هالطريق

وبعدين ياعزيزتي انت تضربين مثل باللي جات للرسول وصد عنها من جهة انها قدرت تسلم ولدها
وما ضربت بها مثلا انها تحملت الاثر الناتج لما سلته واعترفت بذنبها من كلام الناس وغيره !


ياعزيزتي لا تميعين الحرام بكلامك انت لما تعطفين عليها وتنسين نتيجه فعلها وانه هين وبسيط حطيه عند المسجد وخلاص ايش قدامك حل غير كذا ! والله يعينك على مصيبتك

المفروض تقولي لكل وحده ماشيه في هالطريق انتبهي واحسبي حساب هالموقف المؤلم اللي انت راح تحطي نفسك فيه

الألم اللي اقصده مو ألمك انت لما ترمي ضناك ! لأن هذا نتيجة فعلك وعليك تحملها
لكن الألم انك تكون سبب في تعاسة انسان طول حياته
تعاسة انه يعيش بلا هويه بلا أهل يعيش وهو حاس بالنقصان طول عمره

لا نكون زي اللي يتحدث عن العرض وينسى المرض نتحدث بس عن رمي الاطفال بالمساجد وننسى الأهم اللي هو جرم إنجابهم بالحرام
ولا هي المسأله أنو والله اللي زي حالتك لازم يتعاطفوا معاك الحلال والحرام من ربنا يعني لما تقولي الأمهات المجربات يعني علشان يتعاطفوا معها ؟ ايش دخل ينسوا الحلال والحرام يعني علشان عاطفه الأمومه !!!!
هذي ياعزيزتي نافيها أمومه ولا غيره اذا الله سبحانه وتعالى يقول للي يقيمون الحد على الزاني والزانيه ( ولا تأخذكم بهما رأفة في دين الله إن كنتم تؤمنون بالله واليوم الآخر)

واخيرا ياعزيزتي باب التوبه مفتوح للجميع
وايضا كل شخص يتحمل نتيجه أفعاله المرأه التي أتت لرسول الله حتى لما تابت أمرها الرسول ان ترضعه حتى يكبر أي أنها تحملت نتيجه فعلها إن كنا سنحزن على هؤلاء سنحزن على ماوصلوا إليه نتيجة أفعالهم لكن لا نبرر لهم أفعالهم ونتناسى ماسببوه من المآسي لهؤلاء الأطفال
أنت قاعده تهمشين الأطفال والجرم نفسه وحزنانه على الأم بس !! مع انها هي احد الأسباب في هالمصيبه وهي ان حصلها هالألم اللي تقولين عنه بسبب فعلها لكن الأطفال !!!
نحزن لأنهم وضعوا أنفسهم وغيرهم في هذه الآلم ولا ننكر أبد أنها نتاج أيديهم وأولياء أمورهم
لذلك نحذر ولا نميع حتى لا نرى مثل هذه المآسي تتكرر لا بالبنات ولا بالأطفال