دنيانا غير مع قذافي ال..؟؟ لايفوتكم الحلم
متابعة النقاش، صفحة 213
شاركي في النقاش
سجلي الدخول لإضافة تعليق.
التعليقات
1,176- ياعمري تسلمين ودعواتك لي والله العظيم رفعت ضغطي كل مادخل القذافي والقذافي وش هو القذافي متكيه علئ الكيبورد وماعليها من هم الدنيا لا اخو مقتول ولا بيت مهدوم ولا مستقبل ضايع بين الصواريخ والرصاص ياختي كرمينا بسكوتك يكون افضل لان الكلام يدبل الكبد
عبير1212 ياعمري تسلمين ودعواتك لي والله العظيم رفعت ضغطي كل مادخل القذافي والقذافي وش هو القذافي متكيه علئ الكيبورد وماعليها من هم الدنيا لا اخو مقتول ولا بيت مهدوم ولا مستقبل ضايع بين الصواريخ والرصاص ياختي كرمينا بسكوتك يكون افضل لان الكلام يدبل …
WIDTH=400 HEIGHT=350- إكرام35
بارك الله فيك حبوبه
شاكره مرورك
أوشي
الله يسلمك وين هالغيبات
بعدك أتعبني
ياشيخه الله يسلمك واحبك الله و الله إنك قمه الله يرزقك من عنده ويرحم أمواتكم ويشفي مرضاكم ويفك أسر المكروبين قولي آمين
بالنسبه للعطله عندنا هردميسه خخخخخخخ إذا فهمتيها يعني خليطه سنه تكون العطله جمعه بس وسنه تكون جمعه وسبت وأحيانا العطله للتعليم فقط جمعه وسبت وباقي الاعمال جمعه فقط , وأحيانا العطله للمدارس وباقي الاعمال جمعه وسبت والجامعات جمعه فقط يعني كل ليلة راس سنه يحلم العقيد بحلمه يقوم الصبح يطبق, وآخر شئ لما ابتدت الثوره خلى العطله الجمعه فقط , وأعتقد أن السنه هذي حتكون جمعه فقط لاننا ابتدأنا متأخرين يعني المفروض من شهر 9 ندرس بس كانو إخوانا اللي في المناطق اللي مادرسو كانو بيدرسو من شهر 9 والان بيبدا العام الجديد فما أعتقد أن السنه هذي حيكون في عطلتين لكن بالنسبه لبقية الأعمال أعطوهم عطله جمعه وسبت, وبالنسبه للمناهج هم يادوب السبت ابتدأت الدراسه يعني لسه ماتنظمت كويس و للآن ماعطوهم المناهج وربي يوفق البلاد. - أم التريس
كفو و الله طلعتي أم التريس قول وفعل, على فكره هم كبار والا صغيرين وتكبري فيهم .
بارك الله فيك حبوبه.
بالنسبه لفبركة الفيديوات فهذا اختصاصهم ياللي مايسمو تصوري أني لقيت فيديو في اليوتيوب إحتفالات تاريخيه في سبها بمناسبة افتتاح قناة الجماهيريه و على أساس طلعو في ساحتهم الخضراء وأنا في سبها ماسمعت هالكلام والساحه من لما أصبحت ساحة الإستقلال صارت صقع عليهم يقربو بجنبها واللي نعرفه أنهم أطلقو الرصاص من بيوتهم ومزامير السيارات ومن ثاني يوم إجتمعت كتايب سبها كلها عليهم من بعد التبليغ من أحد أبناء القذاذفه أنه أهلهم عندهم قاذفات وأسلحه ثقيله وتوجهن الكتايب لبيوتهم بيت بيت دار دار وخاصه الومله هاذوم مابيشبعو من التفتيش تعرفي في قبيلة العمور القذاذفه هاذومه كانو مع القذافي وحاربو معاه لكن أول ماخشو الثوار لسبها سلمو أسلحتهم وحولو أعلامهم وقعدو في بيوتهم مانلمس منهم شعره ولا فتشوهم حتى ان كان عندهم سلاح ثاني وقاعدين عايشين بكرامتهم أما الباقي وخاصه الومله كل فتره دايرين حاجه وديما امفتشينهم وصارتلهم السرقات ومازال ماهم مهفتين شن يبو ماناش عارفين.
لا ولقيتلك فيديو حتى هو إحتفال كبير في أول يوم من السنه الجديده وأكبر مظاهره في سبها بعد صلاة الفجر خخخخخ دايرين جو يضحكو كان تشبحيه هم هذاك اليوم القواذف علي روسهم وتفتيش ودايرين روحهم طلعو مظاهرات وراهو للأمانه القواذف بس لأرهابهم يعني مانجرح منهم حد ولا انحبس منهم حد لكن بيش يهفتو ومايديرو شئ ومافيهم راجل طلع تاوق من بيته قالك دارو مظاهرات واللي واضح ليا في الفيديو الأول أنها مظاهره من أيام القذافي حت اللي يصور يصور الناس ولما يقرب منهم وبتسمعي هتافاتهم يعلى المسجله علي صوت أغنيه الظاهر امدخلينها تدخيل بيش ماينعرف أن الهتافات قديمه وفي الفيديو الثاني شكله موكب فرح والا ناس مسافره هو تقريبا خمس سيارات السياره الاولى بعيده فيها عويله صوتهم في الطعشات يهتفو لمعمر في وسط سيارتهم ومولعين مسجله تغني فقط أما باقي السيارت علي حالهم ولا أعلام خضراء ولاشئ يحلمو مساكين خخخخخخ.
وبالنسبه للعطلات والمناهج شوفي ردي لبعدك أتعبني وبالنسبه لطبيخة المجتمع و الفكر السياسي صارن في المشمش وعلى مااعتقد حتى مادة العسكريه لغوها عندي خويا السنه اللي فاتت نزل مادة فكر هو في الكليه وعندهم 8 مواد فكر الزاميه تنقرى وأني درت فيه شئ قلتله ماتنزلها راحو بيلغوهن ساعتها في بداااية الثوره من شهر 2 وهو يقولي كان قعد معمر مش بنوحل فيها وتوه انقوله مش كان سمعت كلامي تعبت روحك 3 مواد كيف الهم قريتوهن يالله الحمد لله يهونن كان جت غير عالمواد.
على فكره الفيديو امتاع المخرج الامريكي هذا مش امتاع اللي يحكي في قصة سجنه هذاك نزلته من قبل هذا لما رجع لأمريكا مع أهله ويخبر شن دار مع الثوار وكيف انظم للكتيبه ويورو في صوره في الجبهه وانه بيسكن في ليبيا من السنه الجايه ويوري في الذروع اللي حصلهن شوفيه حلو. nso0om أم التريس كفو و الله طلعتي أم التريس قول وفعل, على فكره هم كبار والا صغيرين وتكبري فيهم . بارك الله فيك حبوبه. بالنسبه لفبركة الفيديوات فهذا اختصاصهم ياللي مايسمو تصوري أني لقيت فيديو في اليوتيوب إحتفالات تاريخيه في سبها بمناسبة افتتاح ق…
تسلمي حبوبة حب ليبيا يجري في دمي حتى وانا متغربة عليها 20 سنة والله العظيم طول السنيين اللي فاتو ومن بعد ماتغربت وشفت كيف العالم عايشين العرب والغرب كيف عندهم حرية وكيف يمارسوا في تعاليم دينهم ولا أحد يتحكم فيهم وكيف مستمتعين بنعمة ربي على بلدانهم والله ننقهر ونقول
آآآآآآآآآآآآآآآآآآآآه يابلادي ليك رب كريم
والحمدلله انتصر الله عزوجل لدينه ورسوله ولنا من الطاغية الكافر واولاده وجنوده الظالمين
واولادي الحمدلله تريس شباب ربي يحفظهم ويبارك فيهم وهما ورثوا حب ليبيا من امهم وبوهم وشربوه في حليبي خخخخخ انا نرضع سنتين راهو خخخخخخ
بيهبلوا امتى يروحوا لليبيا
ويارب احمي بلادنا وشعبنا من كيد اعوان الطاغية يارب ورد كيدهم في نحورهم يا الله
باهي طمنتينا على المناهج وكنت متوقعة انهم يحذفوا سلاطة وطبيخة وعبط الطاغية
مواضيع مشابهة
تابعي تجارب أخرى من هذا القسم.