خل نرجع 20 سنه ورا هل تذكرين حرب الخليج 1990

كان عمري 5 سنوات كنت اتذكر صفارة الانذار والشاشه تكون زرقا مكتوب عليها زال الخطر كان ابوي مرابط وننام حنا وامي في غرفه

كنا ساكنين بالقاعده العسكريه بالظهران وبعدين رحنا عند خالتي بالقصيم بعد الحرب نشوف الجنود الامريكان

صحيح انها كانت ايام فيها خوف لكن كانت قلوب الناس نظيفه وكأنهم اخوان

الله يديم علينا الامن والامان ويحفظ بلادنا من كل سوء

من ردودكم لاحظت انهم يرحلون اليمنين ليش ؟؟

^ ^

اتوقع اختي جود
لانه صارت مسألة سياسية
اللي ما استنكر ضرب العراق للكويت
من الدول ووقف مع العراق كان بمواجهة امريكا والله اعلم

يا الله رجعتينا لهذيك الايام كان عمري 12سنة
ابويه كان مرابط وكنا خايفين عليه
لانه شارك في حرب الخفجي وكنا عند التليفون
ننتظره يكلمناوالحمدلله الله رده لنا بالسلامه
وكان بيتنا مليان اقربائنا من الكويت والدمام
واذكر اول ضربة جتنا كانت مي بعيده حتى
كنا كل مجموعة بزاوية واللي حاط كمام واللي
حاط منشفة مبلولة على فمه حتى انو البيت ارتج من اثر الضربة
الله لايوريكم كيف كانت حالتناوالحمدلله ايام قاسية وعدت وصارت من الماضي
الله لايعودة