تحذير وظائف حــــــــــافز خطيره على البنات وتدعوا للفتنه/ قديم

يقولون حنا مو محتاجين الحمدلله صحيح اللبس اغلى الماركات ومكياج ماركات لكن لما يكون معاي فلوس

وما وراي التزامات

انا تزوجت وسكنت مع اهل زوجي سنه وبغيت اتطلق من حياة النكد والسبب ما عند زوجي امكانيه يستاجر

وبالاخير اشترطت عليه ان بعد ولادتي على طول من بيت اهلي الى بيتي وفعلا اخد قرض واستاجر

والله العالم السنة الجايه وشلون بندفع الاجار

والله ما كان حافز براسي لكن اضطريت اني اسجل فيه بس عشان اجمع المبلع لاجار السنه الجايه

ولعلمكم لي 6 شهور ما شريت لي ملابس بس عشان اوفر على زوجي و حتى ما شريت لنفسي ملابس للبرد

كل مصروفي اوفره لولدي عشان الحفاظات والحليب ويشهد الله ان زوجي ماهو مقصر معاي بشي بس كل ما يسالني اقول عندي وعندي ما ابي اضغط عليه

والاخت اللي تقول معقوله بالسعوديه ايه معقولتين وفي ناس حالهم يرثى لها ما يلاقون شي ياكلونه

في حال وجود مثل هالتلاعب من الشركات و غيرها , روحي مكتب العمل ولا توقعين على اي شئ الا بعد طلب نسخه مختومة لانها من حقك اذا رفضوا ارفضي انت بعد


موب من حق الموظفه تصرخ وتتكلم و تقول تبين ولا برا صار خذي اسمها من البطاقة و اذا حصل الرقم الوظيفي وقدمي شكوى لمكتب العمل


بنات اي شئ تسوونه سجلوه صوتا او صوت وصورة احسن واحسن عشان يكون دليل سواء حواراتك مع مشرفه نطاقات او بالشركات والعمل والغالبية عندها جوال كاميرا , عشان اذا اشتكيتوا فيه دليل بمكتب العمل وحتى الشرطه


للمعلومية نطاقات بس حقت القطاع الخاص يعني ماراح يعطونك لا حكومي ولا مدارس و القطاع الخاص 95 بالميه مختلط و كثير فاتحين قسم نساء استهبال و تسكيت لوزارة العمل

بالنسبة للسالفة التحرشات منيب في جده ولا اعرف احيائها بس انتي تقولين دائم يتكرر , اذن بلغوا الشرطة عادي كلموهم على الاقل تسوون شئ سواء انت ولا الموظفه ولا اللي جاية معك

اذا مرة حبكت روحي مع محرم ماحصل خذي السلالم و لاتسي تحصني نفسك وتقولين الاذكار



لا تنسون الساكت عن الحق شيطان اخرس , و اذا سكتوا بيتفرعنون اكثر اكثر وماينصلح الوضع , وكثر الشكاوي الا طلع دخان و ينتبه لها احد من الاعلام او اي احد , الوضع يمكن مايتعدل على وقتنا بس نكون عدلناه لخواتنا او بناتنا


سالفة حافز والمكياج , هو جد مالهم دخل كان حافز صرف بس للبنات ترى للجميع وكثير اصلن ماتشوف هالحافز ياخذونه اهلها و ينصرف كلها على بيتها او يبلعه زوجها + هنا بمواضيع حواء للاسف كثير كتبوا وش بتسوون بحافز شوفي الاجابات فمن كذا الاعلام اللي سوالفه بايخة من اصل كانها سوالف شباب ثانوي بالاستراحة بداء يعلق ويكتب

الله سلط علينا من لايرحمنا
من ذنوبنا

الله الغني عن حافززززز والله يرزقنا من واسع فضله يارب