بيتي قماقم×قماقم ~ شغااااااااااااااااالتي سافرت

الله يعينك شغل البيت مايخلص
اذا الميزانيه تسمح جيبي غساله اتوماتيك ومجفف يمدحونها البنات
وغساله صحون يخف الشغل عليك

ياربي شغالتى باقي لها كم شهر وتساافر شايله الهم من الحين واعمار عيالي نفس عيالك

شوفي يا قلبي

من تصحين لين تنامين كم ساعه كل ساعه سوي شي فيها والله بترتاحين

يعني الساعه 2 رتبي الصاله ونفضيها واقعدي ريحي الساعه الي بعدها ادخلي المطبخ وشوفي الجلي وخلصيه

الساعه الي بعدها غسلي حمام من البيت والله بيخلص شغله ووانتي مرتاحه لا تتعبي ولا ترهقي نفسك وبنفس الوقت البيت مرتب ومنظم واولادك عوديهم اي شي ينزلوه يرجع مكانه معليش اتركيهم يلعبو ويتبسطو بس يخلصو يرجعو اغراضهم لسه صغار اولادك وبيمشو علي الشي يلي عودتيهم عليه وشجعيهم ع هالشي واذا ماسمعو الكلام احرميهم من شي يحبونه وفهميهم انو لنو سويتو كذا اليوم ما في العاب حاوريهم واذا احد رمي شي في الارض امسكي ايده ويشيلها وامشي معه للسلة ويكبها بيعرفو بعد كدا اي شي ما ينكب في الارض والله يحفظهم
وينتقم من يلي سكر الاستقدام

الله يكون بعونك انا عندي خمسه اطفال اكبرهم عمرهم تسع سنوات وبعدين ثمن سنوات واربع سنوات وعندي طفل عمره سنه ولا ابشرك اني حامل وماعندي شغاله بس طريقتي في التنظيف اذا ناموا عيالي انظف بيتي واغسل الحمامات ع اساس اذا صحيت مايصير عندي الا الغدا وحوسة الطبخ كل ماطاح شي اغسله ما اخليه يتراكم علي والحمدالله ماشيه اموري والله يسرلي ويسرلك بارب

مشكورات بنات أبشركم اليوم تحركت وغسلت أكوام القدور والصحون اللي في المطبخ ومسحت الرخام والأرضيه

والملابس ماعندي نيه واحد في الميه أغسلها دام في الدرج لبس نظيف خلوها تتراكم الين ندبر لنا شغالة منا ولا منا