افكار لتقويم " التطبيق " يوجد صورة

ما شاء الله عليج أختي.
بالتوفيق أختي.

الله يعافيكم وين احصل استمارات التقويم (عربي خامس وسادس)

والله قهر فاتتني وتوني متخرجة وإلا استفدت منها:( على العموم الحمد لله افتكينا وطاح همه وعندي بعض الأفكار أضعها إلى جانب الأخت أطياف الماضي مثل
فكرة الدائرة للأخت أطياف ولكنها تختلف عنها قليلا حيث أحضر فلين وأرسم دائرة وأجيب فلين ثاني وأرسم عليه دائرة أخرى بنفس حجم الدائرة الأولى وأقص الدائرة الثانية وأخليها على جنب وأروح للفلين الأول المرسوم عليه الدائرة وأقسمها بالقلم الرصاص ألى أربع أقسام وألون كل قسم بلون مثلا أصفر وأخضر وأزرق وأحمر... بعدين أجيب الدائرة الثانية اللي قصيتها وأقطع منها شوي (يعني نصف الربع) مثل قطعة الكيكة بعدين أخذ الدائرة المقصوصة وأثبتها على الفلين الأساسي (الدائرة الملونة)من النصف بدبوس طويل.....الحين خلصنا من اللوحة نجي للبطاقات ياأني أشتري من المكتبة بطاقات ملونة بنفس الألوان أو أسوي أنا أوراق عن طريق كراسة الرسم الملونة المقوىوأقصصها على شكل بطاقات وأكتب السؤال عليها....وأطلع طالبة وعن طريق الفتحة الموجودة في الدائرة المثبته تحرك الدائرة بسرعة واللون الذي يقف عليه الفتحة أخرج بطاقة نفس اللون وأسأل الطالبة.
وأنا سويتها هالطريقة وتفاعلوا معي الطالبات:42: حتى مشرفة الرئاسة بكبرها عجبتها :)
وأنتظروا المزيد لا تروحون بعيد أنا بروح شوي أمغط رجليني وأريح أصابعي (أول مرة تكتب) وأجي.

نكمل مابدأناه
الفكرة الثانية أنك تجيبين ورد:26: يفضل أنه طبيعي <<علشان مايضحكون عليك البنات عاد أنتم عارفين وش يسوون البنات ما يحتاج>> وجيبي ورق وقصصيه شرائح طويلة وأكتبي فيه السؤال بعدين لفيه على ساق الوردة وأبدي من فوق إلى الأخير ولزقيه بلزاق خفيف حتى يسهل فتحه أوحطي لصقات صغيرة بس علشان ماتنفل الورقة وسويلك كم وردة على عدد الأسئلة وحطيها في سلة من خوص علشان الفتحات اللي فيها تقدرين تدخلين معها غصن الوردة بس احسن شي أنك لازم يكون عدد الورد على حجم السلة حتى مايكون فيه مساحة فاضية...بعدين إذا خلصتي من الدرس شيلي السلة ومر من بين الطالبات وأختاري وحدة وخليها تأخذ وردة وتفكها وتقرأ السؤال وتجاوب ثم روحي وأختاري طالبة ثانية وهكذا ومو شرط أنك تخلصين كل الورد اللي معك مثلا سويتي عشرة ورود قومي أربع طالبات والباقي زينة.
عاد أعذروني الهذره كثيرة لكن الشغل سهل...تبون زيادة وإلا يكفي ترى ماراح أكتب إلا لما أشوف ردودكم...
ودمتم سالمين

الله يحرم يدينك عن النار ويغفر لوالديك ويجمعك بهم في جنات الفردوس
اللهم اميييييييييييييييييييييييييييييييييين
وجزيتي خيرا على الافكار الاكثر من رائعه
مهما قلنا لايمكن ان نوفيك حقك فما نملك غير الدعاء لك

فجزيتي خيرا يااخت اطياف