شاركي في النقاش

سجلي الدخول لإضافة تعليق.

التعليقات

2,024
  1. @hlaskr

    قلب عبود الله يسر الله اموركم وكتب الله لك الخير افيدينا بالتجربة الكثر من الاخوات منتظرين الله يفرج لنا ولك آمين
  2. العاقبه للمتقين
    قلبي عبود ماشاءالله تبارك الله الله يتمم عليك فرحتك ويرزقك بالذريه الصالحه اختي منهو هذا الدكتور الله يوفقك علميني عنه ضروري وياليت لو رقمه
    عفوا أخواتي ضيعت التجمع مافيه تجمع لضحايا هالهرمون الا ودخلته وأخيرا حصلت عليه
    اكمل حكايتي طبعا في هالفتره الي نزل فيها الهرمون كنت مقاطعه الدجاج والماجي والاجبان والألبان والمعلبات كان اكثر شي آكله التونه او السمك او اسوي ايدام بدون دجاج ههههههه وخليت اهلي يدمنون عليه معي صارو يتركون اكلهم وياكلون معي جلست على هالنظام تقريبا 5 او 6 شهور الهرمون جلس طبيعي لمدة 3 شهور شهر 6-7-8 لأني بديت في الحبوب من شهر 5
    ولما جاء رمضان صعب علي النظام وصرت آكل من اكلهم سمبوسه دجاج وعاد تعرفون آكلات رمضان صواني وتشكيلات ماقدرت امسك نفسي خبصت معاهم ولما جاتني الدوره في 27 رمضان رحت سويت تحليل في 28وطلعت النتيجه من بكره وانا كنت حاسه ومتأكده انها مرتفعه لانه صار عندي خبره من كثر ماعانيت اول شي رجعت للدجاج ثاني شي وجهي طلع فيه حبوب وهذا اكبر دليل يبين لي اذا ارتفعت الهرمونات يطلع حبوب بوجهي وكمان اذا انخفضت مره يطلع حبوب في وجهي
    نرجع نكمل اتصلت على المستوصف الي سويت فيه التحليل وقالي الدكتور مو في صالحك تعرفين النتيجه عاد انا وقتها خفت قلت أكيد طايره فووووووق فسالته هي مرتفعه قال مااعرف يجي زوجك يستلم النتيجه والله العظيم خوفني في العاده اذا كلمتهم تلفون عادي يعطوني النتيجه بس هالزوول سوا لنا سالفه راح لهم زوجي وعطاني النتيجه طالع اف إس اتش 19 وال اتش 15 زعلت وقتها توني ماتهنيت بنزولها رحت للدكتور حمد وسالني وش سبب ارتفاعها انتي تركتي الحبوب قلت له لا بس انا متاكده انه من الدجاج لأني رجعت له فنصحني بالبردقوش استخدمه شهرين طبعا في هالفتره الي راحت مافيه عشبه مااستخدمتها لدرجة ان اهلي اذا احد حس بعوار او شي ويبي يستخدم أعشاب يسألني وش الي يناسبه هههههههه صرت خبيرة أعشاب من كثر ماسفيت منها
    جاء شهر 10 بديت اخفف من الدجاج وحتى زوجي منعته يدخل دجاج بيتنا الله يعينه فلسته لازم لحم خروف
    وكانت النتيجه اف إس اتش 15 و ال اتش 8
    وشهر 11 اف إس اتش 14 وال اتش 8
    وبعدين خلصت الحبوب وانعدمت من الصيدليه دورنا في كل الصيدليات بس للاسف يقولون مو متوفره عطاهم زوجي رقم جواله على شان اول ماتتوفر يدقون عليه وصار لي الحين 3شهور بدونها كل ماراح لهم زوجي يقولون رح تجي مجموعه الاسبوع الجاي والى الحين ماجاء شي قلت للدكتور حمد وعطاني بديل عنها استخدمتها بس مو نفس مفعولها وكانت النتيجه والكارثه اللهم لك الحمد ال اف إس اتش 54 تضايقنا انا وزوجي لانا نبي نبدا في التنشيط لانه لازم يكون طبيعي الهرمون فحمدنا ربي ورضينا بالمكتوب
    استخدمت أعشاب من عند حرمه بالطائف أرسلتها لي بس للاسف مارح يفيد اي شي والهرمون مرتفع
    وكانت النتيجه الاخيره الشهر الي فات ال اف إس اتش 30 اما ال اتش ماعملت له تحليل لان الاثنين مرتبطه ببعض اذا كان اف إس اتش مرتفع الثاني لازم يكون مرتفع فأحاول اخفف على زوجي شوي تكاليف
    وهذي قصتي كامله لكنةالحمد لله عمري مايأست من رحمت ربي صح اتضايق شوي بس مو لدرجة اني اجلس ابكي او تخيس نفسيتي لا والله هذي دايم حكمتي رب ضرة نافعه وكل تأخيره وفيها خيره وسبحان الله عندي احساااااس كبير ان الله رح يعوضني عن السنين الي راحت وبيرزقني بتوأم ( وحده متفائلة بقووووووه)   رغم كل ضروفي وان زوجي يتيم ووحيد يبي له عزوه وولد يحمل اسمه تكفووووون ادعو لي بالحمل في ذا الشهر بتؤام سليمين معافين 3 
    ولا اخفيكم اني كنت مداومه على الاستغفار اقل شي في اليوم 500 مره والصلاه على الني 500مرة والشهر الي فات استمريت على قراءة سورة البقرة يوميا لمدة شهر تقريبا وبعدها جاني الكسل
    والحين أحاول اسمع سورة البقره واقراء سورة الانبياء واستتغفر وأكون دايم على وضوء وحده الله يجزاها الجنه قريت لها موضوع عن سورة الانبياء وتجارب الي استمرو عليها
    سبحان الله طبعا القران كله شفاء بس لما تقرين تجارب احد تتحمسين تسوين هالشي
    اسأل الله العلي القدير الكريم المعطي المنان الرزاق ان يرزق كل محرومه بالذريه الصالحه ويسخر لها زوجها

    اي سؤال انا حاضره
  3. @my_looove_h

    اهلا حبيبتي (قلب عبود)
    طيب قلبي انتي تقصدين مركز ذريه الي في الرياض
    وش اسم الحبوب الي كنت تستخدمينها؟
    ويوم كان طبيعي ليش ماسويتي تلقيح او اطفال انابيب ولا كان معك ضعف في التبويض؟
  4. العاقبه للمتقين
    قلبي عبود ماشاءالله تبارك الله الله يتمم عليك فرحتك ويرزقك بالذريه الصالحه اختي منهو هذا الدكتور الله يوفقك علميني عنه ضروري وياليت لو رقمه
    مشكورة ياقلبي عقبال ما افرح لك يارب
    الدكتور حمد الصفيان في مركز ذريه رقم المركز 014402222
    الله ييسر لك مورك
  5. وبعدين ..!
    قلب عبود ماشاءالله ماشاءالله الله يتمم عليك بس ياليت تكتبين لنا التكمله واسم الحبوب الي استخدمتيها وكم استمريتي عليها لحد ماوصل الهرمون لـ 6 ؟
    مشكوره يا قلبي
    الحبوب اسمها بريمارين (كوين )
    من اول شهر ولله الحمد استخدمتها شهر 5وكان الهرمون عندي في شهر 4 45 وبعد مانزلت الدوره من اول استخدام طلعت النتيجه 6
    هي هرمونات تعويضية استمر عليها سنه بس كان موجود في الصيدليه 6 علب منها وأخذتها كلها والحين خلصت استخدم بديل عنها كليمن حتى هي كويسه نزلت في شهر 24
    الله يوفقك
    دعواتك لي

تابعي تجارب أخرى من هذا القسم.