قررنا نطلق .....و السبب....

انا مشكلتي انو احنا بنحب بعضنا كتير صدقا ....بس المشكلة مابنتفاهم ابدا ...تعبنا من كتر الخصام والمشاكل والخناقات التافهة وعلى ابسط الأسباب والله ....
بتصير بهالحياة انو اتنين يكونو يحبو بعضهن كتير وبس مختلفين حتى في طريقة التعبير عن الحب .....هلق هو بالنسبة الو انا شيء بيتبعوا ولازم صير متل ماهو بدو بس هو مستحيل يتغير ...
هلق هو في كل خناقة بيحكيلي يلي ما عاد بدي ياكي ورح طلقك ...مع انو انا اكيد انو هالكلام مش صح بسانا كتير بنقهري وفي كل مرة ببكي لأشبع ....انا متجوزة من سنتين وما عندنا اولاد....يعني ممكن الإنفصال يكون سهل
المشكلة انو هومامن ومقتنع انو احنا ما بنتفاهم مع انو بيحبني بس عقلي وطريقة تفكيري ابدا ما بتزبط على عقلو ....هو بيحب البنت الخبيثة يلي بتعرف تتصرف والبنت يلي عقلها كبير البنت يلي لما يتخانقو بترجع تحكي معو عادي من غير ما يراضيها البنت يلي تتحمل ظروفو من غير ما تحكي والبنت يلي تستوعبو ا
انا فيني من هيك شوي بس انا مشكلتي اني كتيييير حساسة و عصبية :angry2: ولما بزعل منو بضل اسبوع ما بحاكيه عادي مش بغض او كره لا ابدا الله يعلم بكون عم بطقطع من جوا بس انو بحب انو يعرف قيمتي بس ابدا هالطريقة ما بتنفع معو بل بالعكس
والصراحة اناغيورة عليه من كل الناس من اصحابو من اهلو ....لانو احنا في الغربة انا لحالي وهو كل حياتي انا بحسو ملكي الي لحالي والله بجن حتى لما يطلع مع اصحابو اتخيلو لأي درجة ...بحس حالي مقهورة وانو هو ما بيهتم فيني وانا اخر همو بصير بتصل فيه وبعصب وبيطلع خلقي ...بحبو كتير
اتخانقت انا وهو مبارح لأن هو بدو يجيب اهلو لعندنا وانا اعترضت مش لأنو انا شريرة لا وربي يشهد انا كمان خايفة عليهن لأنو في بلدهن في مشاكل ...بس والله والله من الحركات يلي شفتها منهن صرت اتوتر بس اعرف انو رح يجيبهن وكمان انا ما بحب مين يجي ياخد محلي بالبيت او بحياتو لأنو هو نقطة ضعفو امو واختو ....وانت عارفين كيد النساء بيسحبوه مني عيني عينك ...اتخيلو انن كانو معي وانا عروس يومين تسحبو اختو وتشنكلو من ايديه وتخليني انا ماشية لحالي .....وامو تقعد كل شوية تبوس فيه وضاممتو لعندها ولا كاني موجودة او انها على طول شاغلتو عني بمشاكلها وحكاياتها الغرامية على فكرة انا حماتي كتيييييييير متصابية واللله انها تعيش في مراهقتها في 50 والعياذ بالله
اكيد الغلط مش مني انا بس او قصدي انو انا بدي اطلق مو بس لهالموضوع بس المشكلة انو هو بيحس حالو دايما هو صح وفي كل المشاكل هو ما بيخطئ وكلها بتوقع براسي وانو هيك بيحكيلي انا بحرق الدنيا حتى تكون امي مبسوطة وانا اهلي عندي بعد ربي .....بنات انا بعتزر عاللخبطة في الموضوع حسيت ان ما وصلت الفكرة مزبوط انا ممكن انو ما وصلت يلي انا حابة احكي فية قصدي ما عبرت منيح عن مشكلتي لأنو ما بعرف كيف اوصف حالتي ....اكيد ما فيني احكي عن المشاكل اليومية يلي تصير بيني وبينو لأنها طويلة جددددددددددا بس انا بحب شوف رايكم في الإول

67 تعليق 9,247 مشاهدة

شاركي في النقاش

سجلي الدخول لإضافة تعليق.

التعليقات

66
  1. @hdooaaallyl

    الله يعينك يا أختي وييسر لك أمرك
    حاولي تسيطرين على وضعك بالعقل

    وللأسف أنو ناس كثير تظن أن الحب أهم عنصر للزواج ولما كتبت هالكلام في موضوع جاو البنات وحطوا لي دس لايك سالب
    لأني قلت أهم شيئ في الزواج هو المودة والرحمة والإحترام والتقدير وهذا هو كلام الله مش كلامي
    لأنو لو زوجك بيرحمك كان مافكر يجيب أحد يغيضك في بيتك حتى لو كان أهله
    أهله على العين والراس بس أجر لهم شقة لوحدهم
    وكل ناس لهم خصوصيتهم
    وإنتي لو كنتي توديه وترحميه كان قدرتي له بعض الأمور ومشيتيها
    وبرضه عارفة بيجي ناس تحط لي تققيم سالب بس
    يقولون لا يرمى بالحجر إلا الشجر المثمر :)
  2. @shokolath_11

    ربي يعينك ويصلح حالك مع زوجك

    إلجئي لله وأخبريه عما يضايقك واسأليه أن يصلح حالك وان يسخر لك زوجك فهو وحده القادر على قلب الموازين سبحانه وأكثري من الإستغفار
  3. @hadyh_mrh

    حااولي تسوي اللي يطلبه منك
    لانكم بتحبون بعض
    وغير كذا اللي يحب شخص يسمع كلامه ويحاول يطبقه
    اتغاضي عن بعض الامور عشان تمشي حيااتكم
    الطلاق مره مو حل وخاصة انك بتحبيه
    حاولي تفكري بالمووضوع اكثر
    وعلى المدى البعيد
    وعن امه واخته
    الام احترامها وحبها من احترام وحب الزوج
    واخته عااادي اتصرفي معها بمنطق
    وربي ييسر لك امورك ويريح بالك
    ويفتحها بوجهك
  4. @lamytta

    صاحبة الموضوع
    هدووءالليل
    الله يعينك يا أختي وييسر لك أمرك حاولي تسيطرين على وضعك بالعقل وللأسف أنو ناس كثير تظن أن الحب أهم عنصر للزواج ولما كتبت هالكلام في موضوع جاو البنات وحطوا لي دس لايك سالب لأني قلت أهم شيئ في الزواج هو المودة والرحمة والإحترام والتقدير و…
    مشكورة حبيبتي انا والله نظرتي للحياة تغيرت من بعد تجربتي كنت مفكرة انو الحب اساس الحياة لكن عرفت انو بالعكس الواحدة يلي تتجوز عن حب تتعزب اكتر
    والي بتكون متجوزة على اساس عقل تعيش متهنية اكتر وسعيدة

تابعي تجارب أخرى من هذا القسم.