البيت الثامن لمجاهدات مرض أرتفاع هرمون fsh

http://www.ivfherbalsupport.com/reduce-high-fsh-levels-improve-egg-quality-p-1.html?gclid=CK-q1I_Q2a0CFYO-zAod5wGArA


هذا رابط الحبوب

ياااارب ارزقنا ولاتحرمناااااااااااااااااااااااااااااا
ياااارب انت ارحم الراحمين ارحم الراحمين ارحم الراحمين
يااااارب لاتحرمنا

بنات انا قريت قصه لوحده واعجبتني هي طويله شوي بس روووعه الله يجراها خير على طرحها :




حملك اتأخر و العمر يمر ..... تعالي اقري قصتها و ابكي على ما فاتك نقلتها لكم واووول مره اقراها واكيد في غيري ما قروها اقرؤها ززززين وطبقوها وانتم راح تكسبو ادعو لصاحبه القصه ومن نقلها لي ولكماتمنى تقروها للاخيررر ولاتفوتو عليكم كلمه

القصه {ياالله ماأعظمك....
تدرون والله كل ما ادش موقع ........... لتاخر الحمل واقراء كلام الاخوات لازم ابكي والله اني اكتب لكم وانا ابكي ومن زماااااااان كنت اقراء بس ما سجلت في المنتدى ولكن الحمد لله قررت عموما
انا تزوجت من اربع سنوات تقريبا وبعد 8 شهور فحصت انا وزوجي باصرار مني والحمد لله كان هرمون الحليب عندي تقريبا في الحدود العليا وهرمون الحمل في وقت الاخصاب يعني في قمة ارتفاعه 3ونص فقط والحمد لله على كل حال
والبويضات ماتكون فترة الاخصاب كبيره وغير مستعده غير ان جدارها صعب الاختراق يعني كثير من المشاكل
وبدات اتعالج وبداء وزني يزيد وعصبيتي من دواء الكلوميد والاشياء الاخرى ونفسيتي بالمرة حتى زدت اكثر من 13 كيلو في فترة قياسيه وكنت اترك الدواء مرات وينعاد من الصفر واغير الدكاتره بس ما طولت بسبب نفسيتي غير التعليقات على اني تزوجت واهملت جسمي وطبعا ما تقدرين تقولين لهم انش تتعالجين وكذا فاسكت والمتن يزيد والتعليقات من اهلي واهله واللي ضان اني حامل والشماته من صوب والشفقه من صوب اخر فقررت اوقف العلاج فترة اخفف من وزني واريح اعصابي والله لو قلت لكم اني في اخر مرة رفعت الدكتوره جرعت الكلوميد 3 حبات اني قمت من نومي وقعدت على السرير ومرت قدام وجهي فراشة الضوء وقمت لاحقتها في الغرفه وصرخت وقطعت شعري وزوجي بس يطالع (الله ايخليه لي ولكل من يحبه صبر علي واجدعلى النفسية) مستغرب جنيت ولا
ولما وقفت جاتني الصيحة على وضعي وقررت اوقف الدواء من يومها وما عاد رحت من بعدها عند اي حد لان الدكتوره قالت لي ان العصبية تزيد مع زيادة الجرعه والاكتئاب فلله الحمد والمنة على كل حال وتركت الموضوع والله واهتميت بعمري وقلت لزوجي احسب ملكة اختك لمدة 5 شهور وسفرنا بعدها شهر علشان اغير نفسيتي واريح جسمي ولما ارد ارجع لكورسات العلاج ووافق يعني تقريبا 7 شهور توقف من العلاج مرت 5 شهور وسافرنا وردينا ورجع وزني ولله الحمد
ظ((وطول هالكم سنه كانت امي توصيني بالاستغفار وكنت استغفر متقطع واوقف وعلى هالحال ))
وقبل موعد الدوره تقريبا باسبوع واحد وارجع للعلاج ،وتدرون العلاج يبتدي فترة الدورة ،قالت لي امي اللي مش متعلمه لو انا مكانش والله ما ارجع للعذاب شوفي اشلون رديتي مثل قبل شكلش ونفسيتش وزواجش والله
من بدالش اقعد استغفر ولا اروح حق حد وذكرتني بالايه كالعادة ((قلت استغفروا ربكم انه كان غفارا يرسل السمــــــــــــــاء عليكم مدرار ا ويمددكم باموال وبنيــــــــــــــــــــــــــ ــــــــــــــــــــــــــــــ ن ويجعل لكم جناتا ويجعل لكم انهارا ،مالـــــــــــــــــــكم لا ترجون لله وقارا وقد خلقكم اطوارا ؟!!!!!))
وترى كنت دوم انصح الناس بهالايه واطبقها ومتاكده منها بس ما كنت حاطه الله اول ملجا للامانه كنت حاطه الدكتور مع الاخذ بالاستغفار
والمشايخ اكدوا على جواز هذا طلب الشفاء بالدواء والاستغفار والقران
وبحكم العاده دوم تفتح لي هالموضوع وهي تدري اشكثر اتضايق واقول لها باستغفر واروح للعلاج، جايز شرعا، قالت امي كالعاده ادري جايز شرعا بس ليش تاخذي الطريق الطويل اللي هو العلاج اللي هو تعب وخساير نفسيه وماديه ومن عمرش ثم الشفاء من الله يعني لفه طويلــــــــــــــــــــــــــ ـــه عريضه ليش ما تختصريها وتكون المسافة سجادتش اللي تكون طرفها انتي والطرف الثاني الرحمن الرحيم وبينكم الدعاء والاستغفار مش مسافه ما فيها تعب وتكون احلى الاوقات ونفسيتش تكون منوره ومرتاحه وما تخسرين شيء اقلها ترتفعي درجات ويمن عليش ربش باللي تبين، شفتي وش قصرها ،وكالعاده اصر على العلاج ،والله ما تدرون انها مرات تعصب علي لدرجة تجرحني وتقول صراحة انا من بدال زوجش على ويش صابر لا موظفه ومدلعش وعمتش ما تخليش تمسكين شي في البيت ولا عمرها من يوم تزوجت سالتش حتى عن الدورة ولا تخلفين الا بعلاج على وشو صابر لا يكون يوم يقول لش انه مو مستعجل على العيال انش صدقتيه بس تتشكين من تاخر الحمل وفلانه جرحتني وفلانه تطنزت علي وفلانه خايفه على حملها مني ، ارجعي بيتش وفكيني ؟؟؟!!!
رغم انها تحبني اكثر وحده في الدنيا وانصدم منها واطلع وانا ادري انها ما جرحنني إلا علشان انقهر واروح اصلي وابكي في صلاتي عل وعسى ربي يرحمني بس ذاك الاسبوع لما رديت من عندها ما ادري ليش لما قمت الفجر والله ما ادري ويش صابني نمت وانا عازمه على العلاج 1000 في الميه وقمت حتى ما فكرت قعدت استغفر وبعدين قلت لزوجي انا قررت ما اتعالج بقعد على سجادتي استغفر وبديت استغفر وكان قبل رمضان ب3 اسابيع وبديت استغفر وما خبرت احد بقراري حتى امي ومع

كثرة الاستغفار والخلوة بنفسي والدعاء ان الله يصلحني حسيت اني ما بلاني الله الا بذنوب قاعده اسويها وصرت متاكده اني اذا استغفرت وغيرتها الله بيرضى علي وبيشيل العقوبه وبديت افكر واغير واغير حتى هانت الدنيا كلها علي وصار همي انظف قلبي حتى ،والله اني ادعي بالساعات( بقلب ونفسية اتمنى ترد لي والله) ما اطلب ذرية ،حسيت من كثر ما فكرت وش انعم الله علي اني سخيفه واحس انه اذا عطاني الحمل بكون وصلت قمت النعم استغفر الله وبديت احمد الله واستغفر بعد هالحاله العجيبة باسبوع اتصلت لي امي( وهي دوم تستغفر) وكان اخر مره شفتها من اسبوع لما زعلت مني علشان الاستغفار ،وقالت لي حلمت اني انا وانتي في وادي اخضر وعلى كل الاشجار خلايا نحل ونزل مطر صافي غسل الدنيا كلها ومن كثر خلايا النحل في الوادي صار المطر اللي يسيل على الارض طعمه عسل وانا وانتي نجيب قدور ونجمع العسل لين ما فاضت قدورنا وبعدين انتي تميت تجمعي واسمع حد يقولي في الحلم يا فلانه خبري بنتش انها بقى لها اربعين امي وقع في نفسها انه الاستغفار فقالت له وانا قال انتي باقي لش 200 قالت امي ليش انا من زمأأأأأأأأأأأأأأأأأأأأن استغفر وهي توها بدت وانتهى الحلم فقالت لي امي انتي صرتي تستغفري قلت سبحان الله والله محد يدري غير زوجي ففرحت وقبل ما تسكر قالت لي بس ليش انتي بس اربعين وانا 200 رغم انش توش باديه بالاستغفار قلت مدري وش قصده، صراحه جاء في بالي انا وامي انه 40000 استغفارباقي لي وهي 200 الف استغفار بس الله أعلم، فقالت لي بس ليش قلت ما ادري بس يمكن لاني دوم

----



اقول: استغفر الله العظيم واتوب اليه عدد خلقه وزنة عرشه ومداد كلماته فقالت علشان كذا يمكن طفتيني انا بس اقول استغفر الله.

----------
------------------
ودخل رمضان وطفت موعد الدوره ورحت حللت دم بس النتيجه مش حمل، تاخير رغم ان دورتي جدا منتظمه ولله الحمد واستمريت على الصلاة والمحاضرات وكان في كل المحاضرات اللي جنب المسجد او غيره طول المحاضره اتم رافعه ايديني الثنتين ومنزله راسي وعمتي اشوفها وبعض الناس يستغربون يعني شكلي اما ادعي او اشحت صراحه، بس ما همني احد ، اتم ارافعتها طول المحاضره وانزلها اخر وحده، فقالت لي مرة


عمتي قريب الاواخر تكلم بناتها ويضحكون فديتهم ،انتي ليش طول المحاضره رافعه ادينش والله اللي يشوفش حشى يقول شحاته، قلت لها الحمد لله والله يا عمتي اني صج كنت اشحت من رب العالمين علشان لما يشوف كل هالجمع يلتفت لي ويشوف حالي فيرحمني و لاني سامعه شيخ يقول ان الله ما يرد لعبد شيء اذا دخل من باب الذل فتفننوا في طلب مبتغاكم من الله ،بس،


في نفسي صج والله كنت ادري ان لكل هالناس اللي جايين حوائج اكثر مني واوضاعهم اكيد اصعب مني بس حبيت ان الله يشوفني وانا مش مستحية من دون هالناس ارفع ايدي ابي حاجتي لانه مثلا : الحين اذا مروا فقراء جنبش ومحد طلب و حالهم يكسر الخاطر بتستحين تعطينهم ،بس اذا احد مد ايده مو ب رادته مستحيل، هذا وانتي مجرد انسان ضعيف فكيف رب العباد ملك الملوك ، بس جد كنت حاسه انه بيعطيني قريب ، ووصلنا الاواخر وفي ليلة 25 رمضان صليت القيام انا وعمتي وردينا البيت كالعاده ونتم سهرانين نتسحر بعدين ننطر الفجر بعدين ننام ولما ردينا من المسجد وانا اجزم انها ليلة القدر لاني ولله الحمد ما فوت ولا مرة التراويح والقيام والمحاضرات ولله الحمد والمنه ،وتميت ادعي وبعدين كنت قاعده بروحي اشوف التلفزيون قبل الاذان للفجر بساعتين تقريبا واكلم نفسي اني اخذة بالاسباب كلها والله اعلم بس ممكن الله يأجل لي علشان مصلحتي فكنت متاكده انه بيعطيني بس يمكن يتاجل كم سنه علشان اكون في احسن وقت يناسبني وفقا لعلمة وحكمته،

فسمعت حزتها في قناة الناس شيخ يقول تفننوا في الدعاء لله وطرق الطلب من الله فالله يحب العبد يطلب منه ففكر ويش اللي يحبه الملوك ووشو كنت بتسوي لو انك بتطلب منهم وقس على هذا ملك الملوك وما فيه حرج اذا دعيت باحب الاعمال الي سويتها

فتذكرت (ووالله لولا الفائده ما اخبرتكم ) اننا انا وزوجي في سفرنا الاخير اتت لنا في مجمع احدى النساء تشحت وطلبت مبلغ معين كبير (بالنسبة لي ) خصوصا في سفر وكان اسلوبها سيء واصرت فاخرجنا مال واعطيناها فاخذته وتمت ممسكه بنا وباسلوب جلف صراحه اصرت على اكتمال المبلغ حتى رايت زوجي عصب فقلت لها استحمل وعطها فسكت واعطاها واعطيتها كل ما في حقيبتي وزوجي كذلك واصبح المبلغ كله معها وزياده حتى ما كان عندنا خرده اخذت الفلوس كلها ودعت لنا بالذريه وراحت وحلفت انها سوف تعود للبيت مباشرة فقد كانت محتاجه هذا المبلغ بالضبط واحنا ريحناها وذهبت فنظر الي زوجي وقال يعني صدقناها فقلت له احنا ما عطينا لها احنا عطينا لله واسلوبها لنفسها وما اخبرنا احد نهائيا ..

فلما تذكرت هذا الموضوع دعيت ورفعت يدي وقلت يا رب
يا رب والله انك تعلم اني مقصرة وكنت دائمة الدعاء فارزقني واعلم انه يمكن اسلوبي سيء يا رب وانا ادعي بس والله يا ربي اسلوبها كان سيء جدا وطلبت مبلغ معين فاعطيناها اكثر مما طلبت والله يا رب انها مدت يدها وطلبت وما انزلت يدها الا واكثر مما طلبت في يدها وما كنت انا باكرم منك يا اكرم الاكرمين فاعذرني على سوء ادبي ربما كتبته لي بعد فترة ولكني اسئلك مثلما رفعت هي يدها رفعت ومثلما انزلت يدها ورزقها في يدها فلا تدعني انزل يدي الا ورزقي في يدي واسمح لي يا اكرم الاكرمين على طمعي فقد عذرت طمعها فاعذر طمعي واسالك ان اكون وهي سواسيه يعني ما اتمنى ان احمل الشهر الجاي فإني طمعت بكرمك ، وادري توني من كم يوم مسوية فحص دم بس ما فيه نتيجه وفات على الدوره 50 يوم فاسالك انك تقول كن فيكون واني اروح اسوي تحليل بول في الغرفه ويطلع على طول، فهي رجعت لبيتها ورزقها معها وقلبها بارد فلا تاخرني يوم واحد فما بقي فين صبر ارجوووووووووووووووووك يا رحمن يا رحيم ارجوكككككككككككككك ،وانزلت يدي وكنت والله قابضة بكلتا يدي وانا موقنه رغم اسحالة الموضوع كما قالت الدكتورة
وذهبت وغسلت وجهي من الدموع وقلت لزوجي روح الصيدلية الحين جيب تحليل حمل فاستغرب وراح ولما جابه دخلت الغرفة ورحت الحمام سويت فحص وكان من اسعد ايام حياتي طلعت النتيجه قبل ما ياذن الفجر بنتهاء ليلة القدر بس ما عمر طاقة الرحمة واللطف والمستحيلات اقفلت ولن تقفل حتى تشرق الشمس من مغربها
وحملت وسويت بعدها تحليل دم اخر فقالت لي نسبة الهرمون تدل على ان عمره ايام وسويت سونار لاتاكد ولكن كان عمرة اربعين يوم من بعد حلم امي بالتمام والكمال
فديـــــــــــــــــــــــــــ ــــــــــــتك يا ربي نعم ربي بالنسبه لي ربي وحدي
وقبل تلك الليلة قلت لاهلي انا اذا فهمت درس العقوبه ليش نزلت وازلت اسبابه وفهمت الدرررررررررررررس ربي بيعطيني ذرية وكانت اختي مش موجوده في حديثي هذا والغريب انها حلمت اني عندي ولد مسميته درس فعرفت ان الله بيكشف الغمة واني فهمت الدرس وانا الحين بحملي الثالث ولله الحمد وهذا له سر اخبركن به مرة ثانيه
وعمري ما سويت فحص على الهرمونات سواء تعدلوا ولا لا ما عاد يهمني غير رضى ربي


واتمنى من الجميع انكم تكونوا فهمتوا الدرس لانه هو اقصر حل للحمل وكانت تلك ال50 يوم او 45 اجمل ايام حياتي واسال الله انه يعيدها فتفننوا بالدعاء للرحمن الرحيم
++++++++++++++++++++++++++++
والسلام عليكم ورحمةالله وبركاته
ااااااااااااااااااااااسفه على الاطاله بس حبيت اشرح لكم المواقف والحاله النفسيه لان المتاخرات في الحمل دائما حالتهم في النازل واسال اللي من علي يمن عليكم فتوكلي على الله واختاري مثلي اقصر الطرق وبعد كم شهر باذن الله تكون في قسم المراجعات للحمل والولاده ،لا تياسي وتقولي حلم لا تغلطي مثلي احتجت علشان افهم الموضوع كم سنه ولما فهمته رزقني الله في اسبوع واحد فقط نعم لانه اسبوع و40 يوم حمل ،بس قسم بالله كنت حاسه ان الاستغفار درب قصير واقصر من المشي للعلاج ، صراحة توقعت سنه نص سنه كم شهر بس ابد ما توقعت اسبووووووووع بس كان ابليس يوسسوس لي كل ما اقراء عن الاستغار
اقول بس مش شرط انا مثلهم اللي سنه والي شهر وهكذا بس صراحه الله اكرم الاكرمين وحملت اسرع من اي وحده من اللي قريت لهم وانتي استغفري الله وبتكوني باذن الله اسرع مني
سلااااااااااام

منقول

لاتنسوني من دعاااائكم بالشفاء والذريه

انا معاك

وانا اساسا من اول وانا مسويتلي جدول للهرمونات بالتواريخ ولأوقات الدوره بعد


ولازم نحط لنا نظام وقت الدوره لانتاج وتحسين البويضات
وحميه لاكلنا باقي الشهر



انا اخذ فيتامينات بـ6 و كالسيوم ومغنيسيوم مع اني بكمل شهرين وماشفت نتيجه بس بكملها لحد ماتخلص العلب واخذ بعد فوليد اسيد

بالإضافه لعلاج الدكتور الاسترادويل + البروفيرا




اكتبي نظامك وانا بكتب نظامي وإذا في احد من البنات عنده نظام يكتبه ونتناقش لحد مانسوي لنا جدول واحد