السلام عليكم ورحمة الله وبركاته
اول مرة احط لي مشكلة في عالم حواء بس نفسيتي تعبانة جدا جدا جدا وما احس نفسي اقدر افكر ، صار لي يومين الدمعة على خدي ، تنشف وتتجدد ، صار لي متزوجة سنة ونص ، زوجي تزوجته عن حب طاهر وعفيف لا طلعت معاه ولا لمسني ولا غيره حب في الله في قلبين ، تقدم لي وصار النصيب وتزوجنا ، أول ما تزوجنا كان يعاملني بحب بود شايلني من على الارض شيل ، أمه وخواته يحبوني يعتبروني وحدة منهم اهله كلهم يعاملوني بالحسنى يودوني ويعزوني معزة فيه ومعزة لي بعد ما عرفوني حتى انه عمتي تناديني يا بنتي وساعات تشاورني في امور ما تشاور فيها اولادها وتحبني ، سكنت معاهم وحياتي ماشية والحمد لله بتقولون وين المشكلة ؟! المشكلة زوجي ، بطبيعتي تعودت إني ما اكون متطلبة قنوعة ومن حبي لزوجي داريته بعيوني ، ما يطلب مني طلب وارده وما في على لساني غير حاضر وإن شاء الله حتى لو ما بخاطري اللي طلبه اسكت واقول ان شاء الله واناقشه فيه بعدين اذا حسيت انه طلب مني شي ما يتناقش في وقته أو ناتج عن ضيق بنفسه أو عصبية ، حشمته ، صنت نفسي ، صنته ورفعت راسه مو مدحا بنفسي والله ثم والله اني بنت ناس ربوني على السنع وربوني على الصبر والاخلاق الطيبة ، المشكلة انه صار لنا هالفترة من تزوجنا ما بيوم من الايام عطاني مصروف اوكي مو محتاجة عندي في حسابي اللي يكفيني بس ما يسمح لي المسه يقول لي خليه وانا اللي تبين اطلبي انا ما تعودت اطلب حتى من اهلي فما اطلب واسكت وهو ما يمد يده خصوصا انه احنا نأكل مع اهله ، طول اليوم بره البيت لما يرجع يتغدى يحط راسه وينام المغرب يطلع مع ربعه واظل مع عمتي ، يرجع يقعد شوي على اللاب توب وهو ساكت لحد ما ينام ، بس هاي مسيرة حياتنا ، يوم اللي اروح بيت اهلي ما يتصل فيني ابد لو ما اتصل فيه ما يكلمني واذا ظليت فترة عندهم ما يكلمني نهائي نادرا عشان بس يسألني متى بتردين .. واذا اتصل يا يقطعه بوجهي يا ما يرد واذا رد كلمة ورد غطاها .
سنة ونص مرتين بس رحنا مطعم ومرة غيرها بس طلعنا في رحلة ، مرة فاجئني بهدية بسسسسس .
المشكلة اني مو متأكدة مليون مرة إلا مليار مرة إنه يموت علي ويحبني وهو بنفسه يقول لي أنا لو ما كنت لك ما بيوم بكون لغيرك .
يقول لي بتغير ووجالس اغير نفسي عشانك هو صحيح تغير عصبيته خفت ويعاملني زين دايما واحس بحبه
بس ما اقدر اتحمل هو صح ظروفه المادية صعبة وادري من اول ما تزوجته بس ما ابي منه يعطيني مبلغ وقدره ولا ابيه يتم معاي طول اليوم في البيت ولا ابي اغيره ولا بيوم قلت له لا تروح من اصدقائك ولا بينت له إني اتضايق ولا حتى بيوم نكدت عليه بس ما اتحمل
بعض المواقف تمر بعض الكلمات يقولها ما اقدر انساها اخرها يوم اللي اجهضت فيه بعد ما رجعني من المستشفى حطني فيه بيت اهلي وراح وما سأل عني ابد
ظليت ايام احترق من كل صوب نفسيا لاني اول تجربة حمل لي وجسديا لاني شفت الموت وكنت بروحي امي ما خبرتها ما لحقت كنت احبس نفسي في الغرفة انزل يا دوب على الوجبة محد اهتم فيني لانه محد يدري
نفسيتي تعبت ولما رجعني البيت حسيت انه حتى ما ابي اطل بوجه وزعلت عليه ومعاه وراضاني ودلعني يومها ما انكر
بس ابيه يحس فيني يهتم لمشاعري مثل ما اهتم بمشاعره
لا عيد طلعني وسألني تبين تروحين ولا مناسبة جبر بخاطري وقال لي من نفسه تبين شي ؟
اطلع مع اهلي ليش ؟
دايم احس فرحتي مكسورة وقلبي مكسور ليش ؟
ولا مرة طلعني إلا ما ندر وبالحسرة
هاملني وناسيني
لو اطلب منه يعطيني مو بخيل هو لو اقول له ودني بيوديني بس ما ابي ابي من نفسه يقول لي يهتم فيني
احس انه ابي اتطلق وارتاح صبري نفذ
شوروا علي
شاركي في النقاش
سجلي الدخول لإضافة تعليق.
التعليقات
72- أنتي يمكن روتينيه ماتشغلينه أشغليه بنفسك الطلاق لمايكون مافيه تفاهم ماأقول الا الله يصبرك ويفتحهاعليك انا حاسه فيك
- طيب ليش زعلانه طالما انتي ما تطلبي ؟؟
الرجال للو تركعين له ما تعوديه على اهمالك وتصيحين مهما حبك
اطلبي منه يطلعك ويشتريلك ما ترهقيه ماديا بس اطلبي منه !!
وفي نفس الوقت ادلعي عليه قوليله مره ما ابيك تسهر مع اصحابك ابيك تسهر معاي بدلع اطلبببببببببببببببي
تعودي تطلبي - ليش ياعيوني كذا تكلمي معه اغلب الرجال كذا عوديه على طبعك ترى الرجال اذا شاف الوحده ماتسال ولاتشتكي يقول هذه المراه عادي عندها ترى زوجي انا اللي اطلب المصروف حقي منه واطلب انه يخرجني ويعيشني في مطعم واجهز واقول لها هيا وراي مشوار لني لو انتظرته ماخرجت من البيت وترى باديه الزواج كنت مثلك الحين غيرت ابغى اعيش وماهي مشكله تودي للطلاق كله بتفاهم احسن من انك تطلقي ويجيك واحد ماتحبينها ولايحبك وتشوفين الفرق بينهم ........اهم شي انه يحبك وتحبينه .ولا تفكرين في الطلاق ابدا ..........
- الرجال ٩٠ بالميه كذا
لاتنتظرين مبادرة ترى بتتعبين بادري انت وخذي حقوقك ولا ترى بيتعود عالصمت انت تعطين وهو بياخذ
الطلاق مو حل واتوقع نفسيتك تعبانه بعد الاجهاض ة
عشان كذا منهارة وتعبانه. حاولي تكلمينه بصراحه وقولي له كل اللي بخاطرك - معليش احس ثقافتك ناقصة ف الزواج..انصحك بنقالات ناعمة الهاشمي ف موقع مملكة بلقيس بتفيدك وتعلمي ع الاساليب والاقناع والحركات والدلع
مواضيع مشابهة
تابعي تجارب أخرى من هذا القسم.