شاركي في النقاش

سجلي الدخول لإضافة تعليق.

التعليقات

72
  1. @am_bysan_3

    مبيييين من اسلووووووبك انك عالصااااااااامت في البيييييت ومالك كلااااام
    ترا الرجااال مايحب الحرمه الي زي كذااا ساكتتتتتته ولاتتكلم ولاتطلب ولاتقول اكيييد بيمممل ويطلع مع اصحاااااابه
    وش ذاا البرووووود الي فيييك
    ابدي من الحين اتحرررركي شغلي مخك اذاا جاااءءءء احضضضنيه
    سووولفي معاااااه قولي وين كنت ووش سووووويت وعلميه انتي كمااان وش كنتي تسوووين لمن كااان براااااا
    اذاا زود بالطلعااات قووووولي ليييش تطلع تراا اطفشش لحالي تعال اجلسسس معااايه ولا نطلع انا ويااك سوووااا ووننبسسسط
    قسسسم بالله يجيك وهو يحبببي
    طبعااا تطلبييييينه بدلع وبااسلوووووب مو بهمجيييه او تطلبينه كانه شي غصب عنه !!

    تعلمييييييييييييي
  2. @almlyonyrh_1

    سيرة الطلاق ابعديها انتي سوي حركات كلميه وقعدي معاه ولا تخلينه يجلس لحاله وان رحتي لاهلك اتصلي عليه كثير لما يتعود قولي له يالله نتمشى غيريه لصالحك والله يعينك ويصلح حالك
  3. @tdry_osh_maan_ogodk

    صاحبة الموضوع
    أأحلام
    ياااااااااااااااااي وشهالمشكلة الكبيرة مسكينة تطلقي أهم شي أهم شي أهم شي أهم شي مشاااارعك الفياضة والطلعات و المطاعم هذا أهم شئ في الدنيا
    مع احترامي وودي لكل اللي ردوا بس حبيت ارد على الاخت اول قبل ما ارد على اللي ردوا عليي

    يعني اختي بغض النظر حتى لو كنت تافهة وسطحية من وجهك نظرك فأعتقد إن الاسلام علمنا حسن الرد وأدب الكلام

    ولمعلوماتك تراني مو بنت صغيرة ما افهم وهمي من الزواج بس طلعة وفستان ومشارعي على قولتك

    ولمعلوماتك تراني دارسة علم نفس وعلوم انسانية

    وبنت ناس علموني على القناعة

    مشارعي بتكون مهمة

    لما زوجي ما يرد الا الساعة 2 بالليل ويكون معاي في نفس البيت بس اهو في طابق وانا في طابق بس مو عندي لانه معاه الشباب وما يتركهم وما بيوم تكلمت وقلت له لا بالعكس انتظره وما يسمع مني غير كلمة الطيب .

    مشارعي تكون مهمة لما يكون يقدر يفضى لنفسه لأي شي غير إنه ما يقدر يفضي نفسه عشاني اسبوع عشان اثث الشقة الي ساكنة فيها عشان كرامتي بس لانه شقتي ما فيها مطبخ ما فيها تلفزيون ما فيها ثلاجة والمبلغ محصور عندي وطلبته وطلبته مرة بود ومرة بجد ومرة ومرة .

    مشارعي تكون مهمة لما أكون ميتة جوع ما تعشيت وما فطرت لانه زوجي نزل الصبح وما يبي فطور وما اقدر اروح بيت عمي احس اني عالة عليهم واروح البقالة اشتري لي شي خفيف .

    مشارعي تكون مهمة لما يمر عيد واثنين وما يكون حتى في البيت معاي حتى اقدر اطلب منه انه اروح السوق حالي حال خلق الله ، المسألة مو مسألة فلوس مو مسألة لبس مسألة خاطري يشتريه .


    مشارعي تكون مهمة لما يحطني ببيت اهلي وأنا توني اجهضت ويدري اني ما لي احد ببيت اهلي يداريني واني احتاج اكون معاه تكون مهمة لما كل ما اروح دورة المياه اقعد ابكي من الوجع ولاني ما اتحمل منظر الدم أو حتى اشوف الحمل نازل لما حتجت احد اكلمه واسبوع كامل ما يرد علي لين ما اخذتي عزة نفسي وما قمت اتصل .

    لا يكون على بالك انه الحب يكفي من غير اهتمام من قبل الطرف الثاني اوكي يحبني بس هل قايم بمسئوليات الزوج

    وللعلم ترانا تناقشنا بهالموضوع الف مرة وما غير من الامر شي

    ولما ما اطلب من زوجي لانه ادري انه ظروفه صعبة وهو يقول لي ظروفه صعبة وجيبه فاضي مو لاني ما اقدر اطلب صح ما تعودت اطلب بس من اول ما تزوجنا لليوم ومن قبل ما نتزوج وهو اللي يدخله في الشهر يروح كله لأشياء مضطر يدفعها وتزوجته وصبرت مراعاة لمشاعره عشان لا احرجه ولا اجرحه ويحس اني مسكتفية وهو مو مقصر علي لاني ادري انه ما عنده - الله يغنيه - بس ما عنده المادة عنده الكلمة يقدر يشتريني بيوم يسأل بس فيه علي .

    ولمعلوماتك يا ما حاولت انه اخليه يهتم فيني آنه مو جاهلة وهو بنفسه يعترف لي انه ما شاف واحد من ربعه مرتاح مع زوجته كثر ما مريحته

    صرت له الام والاخت والصديقة الكلمة اللي ما تقدر تتحملها الزوجة اسمعها منه لما يقولها بأذن الصديقة وانصح له

    ما ابرر لنفسي وما احب اغلط على زوجي لانه اغلى الناس عندي بس تتوقعين لو ما كنت أتألم من جد كنت فكرت بالطلاق .

    تتوقعين اني تافهة يعني بس الحمد لله عارفة نفسي مو تافهة اللي طلبته انه يكون لي دور في يومه بس وحاولت اكون هالشي وما كتمتها بقلبي نفس ما البعض فكر

    كل مشاكلنا نتكلم فيها ما عدا شغلة المادة لانه ما ابي احرجه مثل ما قلت يعني كتاب مفتوح بالنسبة له اللي ابيه وطلبته وما تغير شي

    وفيه اخت قالت انه مبين علي اني على الصامت لا حبيبتي مو على الصامت اخذ واعطي بشكل طبيعي نفس كل الناس واسولف له ويسولف لي بس هو عنده هاي من الطقوس اليومية لازم فترة السكووت هو يحب جذي مهما حاولت اجذبه هو يرتاح بهالطريقة يحب آخر يومه يكوون جذي

    وتراني مو ميتة على نفسي بالعكس فرفوشة وحركية يعني معقولة عادية نفس كل الناس بس هو يحب ينعزل

    كلامي فيه جزء كبير من الردود على الاخوات اللي ردوا شكرا لكل وحدة ردت علي الله يسعدكم ما قصرتوا
  4. لا ياحبيبتي اسمحيلي الغلط منك انتي
    المصريين يقولون ابنك على ماتربيه وزوجك على ماتعوديه

    وشو اللي تبين كل شي يجي منه !! وين عايشه انتي بعالم وردي لحالك!! كل الحريم اللي رجالهم يركضون وراهم ويخافون على زعلهم من ذكائهم وحسن تصرفها ..لان الرجال اذا عودتيه انه مايشيل همك ولايلتزم فيك بمصروف وروحه وجيه بتصير حياتك مشاكل بمشاكل معاه ..انتي ماعندك احد نصحك قبل الزواج وتربيت اهلك حلوه وماعليها كلام بس ينقصك انك تعرفين وين حقوقك ولازم زوجك مايتعداها


    انتي تبين الحل :

    الحل تقعدين معاه وتفهمينه انك زوجه ولك حقوق وقوليها واحد وثنين وثلاثه وفهميه زين
    صدقيني بيتعدل وضعك وبتدعين لي
    لان الغلط منك مهو منه انتي عودتيه انه مايشيل همك

تابعي تجارب أخرى من هذا القسم.