الحمدلله ولدت وهذي قصة ولادتي الغريبه للعظه والعبره

السلام عليكم ورحمة الله وبركاته



حبيباتي انا كنت قبل اسبوعين هنا واشتكيلكم اني دخلت العاشر وعندي طلوق بارده تروح وتجي

والدكتوره قالت اول ماتخلصين الأسبوع الاول من العاشر تعالي واسويلك طلق صناعي وحددتلي

يوم الأحد قبل الماضي بس الحمدلله جاني الطلق عالسبت وولدت بدون صناعي

نجي الحين للقصه جاني طلق منتظم يوم الخميس بس يطاق يعني فيني اتحمله ورحت قالولي واحد

سانتي وبعدها صار ينتظم ويروح وانا نايمه ينتظم واذا مشيت يروح صراحه طلق غريب حملت

مرتين ماصار معي كذا

المهم جلست على ذا الحال الخميس كله والجمعه كله والطلق يجي كل ربع ساعه بعدين يختفي كم

ساعه وعلى الجمعه فالليل تقريبآ انتظم كل 10 دقايق والساعه خمسه فجر السبت صار كل 5دقايق

لمن حسيته خلاص منتظم وكل خمس دقايق رحت المستشفى طبعآ زي ماقلتلكم اني بأولد فالولاده والاطفال

وادخل وتكشف الدكتوره قالت لسا نص سانتي انا هنا انصدمت هذا الألم كله ونص سانتي

قلتلها انا لي يومين اتعذب سوولي صناعي قالت روحي جيبي تحويل من اي مركز ولا ولا ولا كلام كثير

قلت انا معد اقدر استحمل قالت بأسويلك تخطيط واشوف الطلق اذا منتظم ننومك

وحطولي التخطيط على الساعه 6 الصبح وجلس لمن 7 ولمن شافت ورقة التخطيط قالت بنخرجك فالورقه

مافيه طلق قلتلها ياآدميه انا اللي بأموت من الألم مو الورقه وشافتني اتألم بقوه قالت انتي كذا بتموتين كيف

بتستحملين الصناعي قلت بس اخلص قالت ولو لازم تجيبولي تحويل ولا روحي العزيزيه ولا ولا ولا بس

همها تخرجني قامت امي تترجاها ياحياتي وانا ابكي احس النونو بيخرج الضغط صار قوي قوي لدرجة اني

اذا جاتني الطلقه احس اني بأطيح من مقامي من قوة الضغط واحس وانتم بكرامه كأني بأتبرز

قالت خلاص بأكشف مره ثانيه اذا نفس الشي واحد ما اقدر اسويلها شي قالت امي اكشفي وجات كشفت قالت

خلاص 3 سانتي بنطلعها وابكي واحمد الله انها تسهلت معي وطلعوني على غرفة الولاده الساعه 7 والممرضه

تدف العربيه وانا احس ان النونو بيطلع واصيح عليهم بسرعه بأولد وهذولي مو مصدقيني وبس وصلت ويزيد المغص

ووووووووووووالله لا يوريكم طلقي واولد الساعه 8 ونص ماشاء الله بس الل يسامحهم قلتلهم سوولي توسعه رفضوا

قالوا مو الاول ولا الثاني مايحتاج وجاني نزيف وشق زي التوسعه مرتين واتخيطت من برى ومن جوه

والحمدلله ربي رزقني بأحلى عهد ونستني كل آلامي وطيبه الحمدلله واجرنا على الله


فالنهايه نصيحه يا اخواتي اذا قالولكم اطلعوا لاتطلعون حتى لو فالتخطيط طلع مافيه طلق هذا انا لو طلعت كان ولدت

فالسياره بس ربي ستر

وانا عني بأذن الله بعد هالشقشقه معد اولد الا فخاص رغم ان المستشفى ماعليه كلام وعنايه والبنات فغرف الولاده عسولات ونظافه ماشاء الله بس انا حاله شاذه ماينفعلي


وسلااااااااااااااااااااااااااامتكم