بصراحه موقف صعب عليك بس شوفي حبيبتي اولا لا تسمعين للخوات الي قالو لا عاد تروحين لهم ولا عاد تشاركينهم هذولا اهل زوجك وعشان زوجك مشي يقولون لاجل عين تكرم مدينه
ثانيا احسني الضن فيهم ما اقول انك سيئة الضن ولكن وربي اني كلما زعلت من موقف لاي احد اني ارجع واحسن الضن فارتاح ويبعد الشيطان عني وهذا لصالح اعصابك لانهم مستانسين وانتي ماتنامين من الموقف بس لو احسنتي الضن ارتحتي
ثالثا لاتتوقعين انك لو اخبرتي زوجك انه بيوقف جنبك فهذول اهله وش تبينه يسوي هو بين نارين بس ممكن تخبرينه من باب انك عتبانه عليهم وماهقيتيها منهم بس لا تطلبين منه موقف تجاهم لانهم اهله
وانا لو منك كان لبست عبايتي ودخلت وجلس بينهم اتفرج واشاركهم بجلوسي بينهم والله عادي دام امهم معهم وخواتهم عادي ودام ان حماك يجيبك ويوديك اجل عادي وش فيها لو دخلتي بحجابك بينهم لاهو عيب ولا حرام وكان بيكون حل وسط
وبعدين يمكن شافو اخوانهم الرجال ماطلعو فصعبه يطلعونهم عشان يدخلونك المجلس وتعرفين عاداتنا دائما الافضليه للرجال فيمكن استنو اخوانهم لين يطلعون ولو ان من الذوق ان خواته بين كل فتره وفتره يجلسون معك يعني مر يجلسون مع اخوانهم ومر معك بس التهو بالجو وحطي الف عذر لكل شي وصدقيني انهم يحبونك بس ماوفقو في ترتيب الحفله ولو فكرتي في حياتكم ومواقفهم معك بتعرفين انهم يغلونك وانتي عددي ايجابياتهم معك وسلبياتهم واذا كانت هذي اول زله لهم فاعفي واصفحي والصفح من شيم الكرام ومشيها لهم اذا هم غالبا طيبين والله ان اغلب البنات الي بينهم هم واهل ازواجهم مشاكل وبعد انها لاسباب تافهه يكبرها الشيطان لينزع الفتهم ومافي احلى واجمل من انك تكوني مالوفه بين خوات زوجك وامه وتتبادلون الحب والاحترام لانهم خلاص اهلك الجدد وربما ياتي وقت تكونين احوج لهم اكثر من اهلك ومو حلو ان زوجة الولد تكون بمشاكل مع اهل زوجها وتباعد فنصيحه لك مشي الحياه دامها بس وقفت على حفله فيه مشاكل تحصل اكبر من كذ والي تقول ايهانه لكرامتك لا حبيبتي الحمد لله ما اهينة كرامتك ابد صح ان اسلوبهم فيه شوية من عدم الذوق بس ربما لاسباب نجهلها والله فيه بنات تسمعين قصص صدق لاهانة كرامتهم تحمدين ربك بس لا تكبرين السالفه
ونصيحه اخت زوجك دامك قلتي انها معك زي السمن ارسلي لها رساله حلوه فيها عتاب المحب للحبيب عتبيها عتب حلو يشعرها بغلطها وندمها وحنيتها عليك افضل من الهجوم لانه يسبب نرفزه ويقوي الشيطان عليكم
وبعدين ارجعي علاقتك معهم بس تكون فيها شوي تحفض يعني يحسون شوي انك متغيره وعتبانه بس ماتبينين لهم في وجهك انك زعلانه العتب غير الزعل والصمت القليل في هذي المواقف ابلغ رساله
وتعوذي من ابليس
اطلت بس شدني موضوعك ربي يوفقك في حياتك ويالف بين قلبك و قلب اهل زوجك
اهل زوجي حبسوني في المطبخ
متابعة النقاش، صفحة 16