اخوزوجي

السلام عليكم ورحمةالله وبركاته---صبحكم الله بالخيرحبيباتي بنات عالم حواءاللي نشدبهم الظهروقت الحاجه ولاخلا ولاعدم

المهم بنات بدخلكم بالموضوع على طول ورجاءتعطوني رايكم بذمه وضميرموب تسلكون لي وخلاص
انامتزوجه وساكنه بشقه مجلس ومقلط ودورةمياه منعزله تقريباوصاله صغنونه وغرفةالنوم وغرفة الجلوس يعني غرفتين فقط وعندي طفلين وخدامه والحمدلله البيت على قدنابالضبط ومرتاحين فيه
المشكله ان اخوزوجي جاه تعيين نقدرنقول مؤقت لانه تعيين بمدرسةاهليه لين يحصل وظيفه افضل وتعيينه صاربنفس المنطقه اللي اناساكنه فيها واهل زوجي يبعدون عننا تقريبا400كيلو والولدعلى حسب علمي مايبي يسكن معنا ويضيق علينا لاكن زوجي مصرجدا انه يسكن معنا وللاسف حتى ماشاورني ولاخذا رايي بالموضوع مع ان لي حق ارفض اواقبل لاني لمن ملكت عليه شرطت عليه منزل مستقل فيني ووثقناه بعقدالزواج ووافق على طول يعني واللي اوله شرط اخره نور وانابصراحه ماودي يسكن معي بيتي على قدي والخدامه مافيه مكان تنام فيه الاالمقلط وهوبينام جنبها بالمجلس وبيصيرالحمام مشترك بينهم يعني الوضع صعبه جدا مايحتاج اشرحلكم خصوصاانه عزابي غيركذا زوجي نظام دوامه صعب ينام بالشغل من مرتين الى ثلاث اسبوعيا وراح اكون انا المسئوله عن اكله وشربه وثيابه واشوف اني ماني مكلوفه فيه ابداوعيالي وضعهم خاص يحتاجون احديكون معهم24ساعه وانامفرغه الخدامه لرعايتهم تماماوغيركذا بيني وبين اهله مشاكل كثيره يعني راح يدققون علي بكل شي ماسوت لولدنا ماحطتله هذا غيرزوجي اللي متاكده انه بيكون طول الوقت ياكل ويشرب ويسهرمع اخوه وهو خلقه اصلامااشوفه--بنات افهموني زين انا ماابي اقطع الارحام لاكن من حقي اعيش فبيتي لحالي بدون شريك واخوه اخوياه متوظفين معه ويقدريستاجرمعهم يعني عنده الف حل وحل ==واناعارفه ان الوضع راح مؤقت لن الولدخاطب لاكن زواجه بعيد واناخايفه يوم من الايام اتمشكل مع زوجي بسبته ماطبختي لاخوي ماسويتي لان زوجي من النوعيه هذي اللي تدقق كثيييرعلى توافه الامورفالشيءاللي يخص اهله
شيروعلي بنات ارفض هالشي والااسكت وامري على الله مع اني متاكده انه لاسكن عندي بينفتح باب مشاكل ماله نهايه
ارجوووكم شيروعلي بالراي السديد

124 تعليق 14,890 مشاهدة

شاركي في النقاش

سجلي الدخول لإضافة تعليق.

التعليقات

116
  1. @nrgs

    الله ييسر لك
    ومن حقك ترفضين
    وفي الحديث
    (الحمو الموت )
    ومايجوز يكون موجود بالبيت وزوجك برى

    لكن حلي الامر بهدوء واسلوب حلو
    والله يسعدك
  2. @foshy_oordy_oasfr

    صارت معي بس مو اخو زوجي صديق زوجي ببيتي
    مرت علي ايام الله يعلم بحالي بس الحمدلله اخيراا طلع بشقه عزابي مستقل عنا

    الله يكون بعونك
  3. @afrah_fhd

    انا اقول ما فيها شي


    هي شي مؤقت مو طول العمر


    اول شي اعتبريها عشان الله ثاني شي عشان رضا زوجك


    تحملي شهر شهرين ثلاثه سنه


    وماتدرين يمكن هو من نفسه يتضايق لما يشوف الوضع


    يعني تجي منه ولا منك



    اعتبريه اخوك وتخيلي اللي جاي اخوك وزوجك بموقفك


    وش راح يكون شعورك


    تحملي يا اختي ولا تجبين وجع الراس لنفسك

  4. @myrag222

    معاك حق في كل الي قلتيه وانتي مو مجبورة ابدا ومثل ما قلتي الي اوله شرط اخره نور
    بس وقفة مع نفسك لو هذا اخوك وش راح يكون ردة فعلك بكل امانه
    دام قلتي ان الشغل بس مؤقت اصبري وانتي مو توك عروس يعني ماشاء الله تبارك الله عندك اطفال
    وبيت صحيح حيطانه صغار بس القلوب كبيرة
    وشخص واحد ماراح يتعبك صدقيني يا الغلا
    احتسبي الاجر
    ولك واسع النظر هذه مجرد وجهة نظري الخاصة الله يسعدك

تابعي تجارب أخرى من هذا القسم.