\\;كم مره احمرت وجنتيك خجلا\\ اكيد مريتي بمواقف زي كذا!!!!

إحدى صديقاتي لديها شقيقين متشابهين تقريباً وخاصة من الخلف واثنينهما متزوجين وعايشين في نفس البيت ومرة من المرات جاءت زوجة الأخ الكبير لمكان اجتماع العائلة وتحضن الأخ الصغير من الخلف ظناً منها بأنه زوجها وانحرجت أشد الإحراج حتى الأخ انحرج خاصة لم يكن في المكان غيرهما

يكثر المواقف
الاسبوع اللي فات كنا مجتمعين عند اهلي كعادتنا بكل إجازة خواتي واخواني وعيالهم رجال ماشاء الله غير اخواني اللي مو متزوجين. يعني البيت مليان شباب
وانا توي متروشة الجو بارد ولابسة من ذا الخلاقين الين قلت بس
وبعد ماخلصت استشوار ولبس رحت عندهم بالمجلس سواليف وضحك ووناسه يوم جا وقت النوم واروح غرفتي ببدل وانام

إلى هنا كل شيء اوكي

المصيبه يوم فصخت الجاكيت ويطيح منه كيلوت
اللي ياربي هو كان متعلق بالكم والا بالبدي مدري هو كان جوه والا كلن شافه المهم اني مت من الفشيلة ودي ادري منين طلع. اتخيل شكلي اتمخطر بالمجلس الكلوت متعلق بظهري هههههههههههه.

مرة كنت عند عمتي ام زوجي وتوني خارجة من المطبخ وانا ملتفتة اكلم عمتي الا واصدم في اخو زوجي وعاد هو طويل ما شاء الله من الخجل قلت يـــــــــــمـــــــــه وهو ميت ضحك

اما انامع المواقف هذي عدي واغلطي بس هذه اخر وحده كان خالي مسوي عمليه وبعد ماخرج من المستشفى جاء لبيت اهلي وتعرفي كل بعد يوم يزورنه اصحابه او اولاد خالتي وبيوم الربوع كنت عند اهلي وماشاءالله بنات خالتي وحريم اخواني واخواتي المهم كان فيه ولد خالي الثاني جاي عند خالي واحنا يالحريم حطينا قهوتنا وتقهوينا وبعدماخلصنا كانو بنات خالي راحوا مع اخوهم فقلت يالله مافي احد جالس عند خالي واطالع في الحريم اللي جالسين وماشفت بنات خالتي قلت اكيد عند خالي خليني اروح اجلس معاهم وانا اروح المجلس واول ماجيت عند الباب الا ولد خالتي في وجهي وسبحان الله ماكأني شفته المفروض ارجع بس المخ وقف وامشي بنظري في اللي بعده مدري مين كان وفي اللي بعده ولد خالتي الثاني وبرضه ما اشتغل مخي وقال خلاص ارجعي الا اشوف اللي جالس بجنب ولد خالتي واحد صاحب اخوي ودوبي انتبه ورجعت قمت الفشله بس ما اظن انتبهلي لان كان اخوي واقف يقهويه انما اولاد خالتي شافوني بس مدري كيف الوحده تجيها حالات مخنا يوقف فيها يعني كيف ماتراجعت اول ماشفت ولد خالتي مدري وجري على المطبخ الا واخوي جاي انتي ايش دخلك ماتعرفي انو في رجال في الغرفه قلتله انا ايش عرفني على بالي مافي الا ولد خالي وقلت خلاص راح ماني عارفه في ناس ثانيه قال احنا قلنا بس انا عشان كنت في المجلس الحريم ماجاني خبر صارو اخواني اذا انا عندهم وجاهم احد اول وحده انا ادري عشان لا انط عليهم هههههه

هههههههههههااي
ذكرتوني ببنت خالتي جاء خالي علشان يسلم علينا المهم وهي حاطة روج احمممر وتبوس على خشمه ويطلع لونه احمر ههههههههههههههه عاد خالي الله يسعده خششمه كبير شوي وفطططسنا ضحك عاد هو راح للرجال مايدري هههههههههههههههههههههههههههه