طبعاً ام علي من الحلويات المحببة والمفضلة لكثير من الناس
في العالم العربي بصفة عامة
وهي أكلة مصرية مثل ماكلنا نعرف
وطبعاً لها اكثر من طريقة وطريقة
وانا اليوم حبيت اوريكم طريقتي السهلة والمريحة
اول شي انا استخدم رقائق جاهزة ومررريحتني مرررة وموفرة لي وقت
هذا غير ان نتيجتها في ام علي اكثر من رائعة
وهذا هو الرقاق اللي استخدمه
وتلاقونه بالمخابز


يلا نبدأ بسم الله
:: مقادير الحليب ::
طبعاً حسب حجم الصينية وانا متعودة اسويها بدون مقادير كذا بس ع البركة
بس هالمرة قست لكم المقادير على الصينية اللي سويتها
2- كاس حليب بودرة
5- كاس ماء
1- كاس سكر ( ممكن تذوقيه وتزيدي او تقللي على حسب رغبتك )
1- ملعقة صغيرة هيل مطحون ( ملعقة الحلى )
1/2 اصبع زبدة
2- علبة قشطة ... وحدة للحليب ووحدة لوجه الصينية
وطبعاً أم علي ماتستغنى عن المكسرات
حطي المكسرات اللي تحبيها
انا حطيت لوز مقشر ومقلي ومكسر وصنوبر محمص وفستق مجروش وعين الجمل
وماحطيت الزبيب لأن عيالي مايحبوه فيها ولا انا بصراحة
المكسرات

والحين بقولكم الخطوات مدعمة بالصور
اول شي نذوب الحليب مع الموية ونرفعهم على النار ونضيف لهم السكر والهيل

بعد كذا نضيف الزبدة ونتركها تذوب

اذا كنتو تحبو الهيل بس تتضايقو من حبيباته مثلي ومثل عيالي تقدرون تصفون الحليب منه
بهالطريقة

وهذا الحليب بعد ماصفيناه من الهيل

يـ ـ ـتـ ـ ـبـ ـ ـعـ ـ ـ





