شاركي في النقاش

سجلي الدخول لإضافة تعليق.

التعليقات

39
  1. @zarmnya

    يابناااااااااااات ذكرتوني لما كنت في سادس كانوا عاملين في المدرسه مكتبه ويبيعوا القصص يازين ايامنا الحين يقروا رواياااات المهم اصريت على امي الا واشتري واعطتني فلوس القصه واشتريها في الفسحه وقلبي ياكلني الا واقراها ياعيني بزر فرحاااااانه والمصيبه كان علينا رياضيات والابله عصبيه
    وافتح القصه واقرا ومنسجمه انسجاااام مو طبيعي الابله تنادي والله ماسمع لا وتجيكي طايره بهذيك الضربه على ظهري حسيت قلبي طلع منها
    واخذت مني قصتي الجميله الي ماتهنيت بقرايتها وبس وسلامتكم
  2. @aasssolh84

    مره كانت امي تكلم ولما شفتها مشغوله
    دخلت المطبخ وسويت لي سندويش وكان الخبز
    حقنا التوست المربع حق المطرود ولونه ازرق
    وانا اقفل الكيس لقيت مكتوب عليه
    المكونات : بيض وملح ودقيق
    وخطرت ببالي الفكره أني اصنع خبز
    وجهزت الأغراض وقبل ماابدا دخلت علي امي
    وشافتني
    ومن الخوف نزلت تحت الطاوله وهي نزلت
    تبي تصيدني والله كأننا توم وجيري
    ههههههههههه
    وربي عطتني ذاك الكف طلعت من عيني فلاش ابيض
    وتوقعت انها طبعت علامة المطرود على جبهتي من قوته
    والله لحد الحين تذكرني فيه ونجلس نضحك 
  3. @algazy_alshmry

    اااه يادنيا
    هههههههههههه روعه مواقفك
    أنا يوم كنت سنة رابع ابتدائي كنا ناخذ تطريز وأخذنا غرزة السلسلة وعلمتني أمي
    الله يحفظها إن شاء الله (لأنها متعلمتها من خواتي اللي قبلي) واقعد أحط قطعة
    القماش على ركبتي واشتغل الغرزة على الوردة لين خلصت وأنا فرحانة
    (طبعا قضيت وقت طويل فيها)وارفع القماش أبي اعقد الخيط من تحت
    واقطعه إلا اتفاجأ إني مخيطة قميصي مع بعض الغرز وطبعا هاتك
    ياصياح وأميمتي تسكتني وتقول خلاص أنا أعيدها لتس وفعلا قصت
    الخيوط وعادتها لي . ياربي أرزق أمي وأبوي الصحة والعافية
    وعوض تعبهم بالجنة والمسلمين أجمعين .

تابعي تجارب أخرى من هذا القسم.