مشكلتي وزوجي مع الفيس بوك
متابعة النقاش، صفحة 8
شاركي في النقاش
سجلي الدخول لإضافة تعليق.
التعليقات
48- نفس اللي صار لي بالضبطططططط
- اختي اللي سويتيه هو الصح ، الرجل اللي يخون مرة خلاص يتعود ماتصدقيه اذا قال سامحيني هاذي آخر مرة ، يقول كده بس عشان يهديك يوم يومين ويرجع لعادته ، الوحدة من البداية تشتري راحة بالها وتتركه مادام عندها دليل كافي وانت شفتي رقم تلفونه وهذا في نظري يكفي لادانته ، الله يوفقك ويعين اولادك
- الله يعينك ويفرج همك صار لي زيك الفيس بوك مصيبه انصحك واسمعي نصيحتي لا تخبرين اهلك عنه يمكن ينصلح حاله لكن اهلك والناس ماينسون اذا بغيتي يتعدل استخيري في الاول وروحي لاهلك على اساس انك تزورينهم لا يدرون عنك ارسلي له رساله واكتبي له الي كشفتيه وقولي له الي بيننا انتهى خلاص وفضايحك ابستر عليها عشانك ابو عيالي وقفلي جوالك اكيد بيتصل لاتردين ادبيه كم يوم بعدين ردي برساله قولي مستعده انسى الماضي وارجع بس بشروط واشرطي عليه مبلغ وقدره ولو اكتشفتيه مره ثانيه ع طول ببيت اهلي ولا ادبيه في بيتك لا تطلعين اما الطلاق لا والف لا لاتفرحين ابليس والناس الحقوده واطفالك هم الضحيه وياما شفنا من الرجال اكبر من مصيبتك صلي صلاه اليل وادعي ربك انه يوفقك لفعل الصح الله يكون بعونك ويفرج همك
- اختي العزيزه صدقيني انا باقولك كلامي هذا لوجه الله ولا ابغا الا مصلحتك.
والله العظيم انه صار لي زي اللي صار لك بالضبط ويمكن أسوأ لأني لما فتحت صفحة زوجي قبل اكثر من سنه لقيته يدور على حبيبته اللي اتفارق هو واياها قبل 14 سنه يعني حتى قبل يعرفني واللي مفهمني انه ناسيها وانه ماعد لها اي مكان في قلبه ولقيته كاتب كلام يبكي الحجر دليل على انها ما زالت حبه الأول والأخير وان انا ولا شي في قلبه وفي حياته مجرد زوجه وام اولاده لكن بدون حب.انا صراحه انصدمت بشكل ما تتخيلينه لأنه كان معيشني في كذبه كبيررررره.ما انكر اني فعلا فكرت في الإنفصال خصوصا ان هذي ماهي اول مره اكتشف خيانته لكن المسأله ماهي مسألة كرامه استعيدها وبس لأن ماني لوحدي الحين انا عندي اربعة اطفال ففكرت فيهم لو انفصلنا كيف بيكون حالهم يا اما ينحرمون مني لو اخذهم ابوهم وهذا الشي صعب جدا سواء عليه او عليهم ولو تزوج وحده كيف بتكون بتكون مرة ابوهم,او انهم ينحرمون من ابوهم لو اخذتهم انا وهذا الشي كمان صعب لأن الأطفال صراحه ما لهم الا بيت ابوهم ولا احد بيتحمل عيال الناس مع العلم اني موظفه ولله الحمد والمنه وراتبي كبير واهلي احوالهم الماديه ولله الحمد زينه يعني الم يسأله ماهي مسألة مصاريف والا فلوس لكن فكرت في وضع عيالي اكثر مما فكرت في نفسي فقررت اني ادوس على قلبي اللي اعطيته اياه من اكثر من عشر سنوات واتناسى اللي صار لكن الشي هذا خلف جرح عمييييق لا يمكن انه في يوم من الأيام يندمل مهما تظاهرت وعرفت اني كنت عايشه في وهم كبير.
وصدقيني لو اخلصتي نيتك لله وفوضتي له امرك ما راح يخيب املك وبيعوضك خير داومي على الإستغفار والدعاء صدقيني راح ترتاحين ولا تخربين بيتك وترمين اولادك لأنه مستحيل يقعد بدون زوجه ,فكرتي كيف راح تكون معاهم وكيف بتعاملهم؟وكيف بتربيهم اذا الوحده فينا عجزت تربي عيالها في ذالوقت فكيف وحده بتربي عيال زوجها واكيد سمعتي قصص كثيره في هذا المجال,واذا ما فكرتي فكري وفكري ترا مالك الا عيالك وعيالك ماهم الا امهم. والرجال خليه يسوي اللي يبغاه آخرتها بيندم والله العظيم على كل اللي سواه.مانتي مجبوره تصلحين حاله فـ(انك لا تهدي من احببت ولكن الله يهدي من يشاء) وله رب بيحاسبه وياخذ حقك منه ان عاجلا او آجلا,صدقيني الرجل ما يحب الا نفسه ولا همه ليش احرق اعصابي واجيب لنفسي المرض وهو ما فكر فيني ليش ما افكر في نفسي زي ما فكر في نفسه ليش ما انبسط زي ماهو ينبسط لكن الفرق اني في ما يرضي الله وهو في ما يغضبه.
آآآآآآسفه جدا على الإطاله ولكن ارجو ان تقرأيها كلها وتستفيدي منها فانا والله كتبتها من قلبي وارجو ان تصل الى قلبك وان تستفيدي منها.وو الله ثم والله ثم والله مالك الا ربك الجأي اليه في كل احوالك سواء بقيت مع زوجك والا انفصلتي عنه. - الا الطلاااااق راح تندمين اشد الندم وبيجي يوم تقولين فيه ليتني بقيت معه ولا تطلقت
الله يفرج همك يااااااااارب
مواضيع مشابهة
تابعي تجارب أخرى من هذا القسم.