أكيد كلكم متلهفين تبوون تعرفوون سالفة الورد بقولكم إلحين ،،،،،
هذا الله يسلمكم من كل شر أمس زوجي وعدني بطلعه حلووة وأنا ماصدقت سالفه ههههه
وأروح أجهز حاالي وأتكشخ وألبس لبس حلوو ومكيااج نعووم المهم طلعنا بعد صلاة العصر مبااشره عااد تعرفوون
أمس كاان الجوو خياااال يصلح للرومانسية وداني مطعم وتغديناا وإنبسطنا وبعدها مشينا على حديقه على أساس
نشرب شااي ونتسلى شووي وجلسنا حتى قبل الأذان وبعدها مشينا أذن وصلينا وبعد المغرب وداني السووق
وقال اللي بخاطرك خذيه عااد أنا خاطري كله ملابس وعطورات أخذت بلوزتين من زارا عجبتني وأخذت عطر من
وجوه قوتشي طبعا جنااني هالعطر ومكياج وماسكرا ماكس فكتور تعجبني حيل حلووه تكثف الرموش وضد الماء
مسويه إعلاان الأخت :hahaha::hahaha::hahaha::hahaha:
وبعدها طلعنا د - كيف تقهوينا ومشينا جلسنا نفرفر في السيارة حتى طحنا في زحمة التحلية وماأدراك مالتحليه
كرهته من زحمته وبعد زحام وتيت طوووط والبواري من كل جهه طلعنا من الزحمه بعد ثلث سااعه :09:
وإحنا نفرفر إلا ويتجه مكان معين إحنا ع أساس نروح البيت إلا وأشوفه يوقف محل ورد
كلكم فرحتم قلتم أخيرا جابت طااري الورد بس الله يسلمكم حبيت أسرد القصه كامله عشان تعرفوا أولها وتاليها :39:
نرجع لموضوعنا نزل للورد شكله حاجزه من أول لأنوو رجع بسرعه وركب السيارة وناولني الورد وقال أحلى ورد
لأحلى ----- خمنوا الإسم :)
وماصدقت الأخت سمعته أحلى كلاام وإنبسط وشووي وأستنشق الرائحه الجميله وأطلع الكرت وأقرا العبااره مكتوب أحبك موت ي ----- وبعدها الله لايحرمني منك يادلوعتي ووقع بإسمه وأرجع الكرت وأقوله وأنا أكثر وأرجع أستنشق وحدة ماتعرف الورد
إلا شووي ينقلب المزاج ويصير نقاش حااد بينا في موضوووع ويتغير الحال من رومانسي إلى مشادات كلاميه
وخصاام طبعا عشان موضوع خاااص :44:
وفجأه عم المكان السكوووت وكل واحد منا إلتزم الصمت حتى وصلنا البيت وأنزل ع طوول وطااخ بباب السياره
ههههههههه تخيلتم نفسكم في مسلسل ولما دخلنا البيت ماأحد يكلم الثاني إلا يجي يغير الموضوع ويقول أنا آسف
ماتوقعتك تزعلين وتتنرفزين وحقك عليه عااد إنتم تعرفون نزعل بسرعه ونرضى بسرعه المهم قلتله خلاص خل نكمل
ليلتنا حلووه وأعتبره ماصاار شي ونسينا اللي صار وأروح أسوي عصير ليموون يهدي أعصابه شووي الا شوي اتذكر وين
الورد ليه مانزلته قال إلحين أنزل له إلا يدق جوااله ويطلع أخووه يبي سلف عااد أخووه هذا يحبه ومايرضى عليه
ومستحيل يرفض له طلب ومشكلته يتسلف ومايسدد وقال له أبشر أرد لك خبر والمبلغ اللي طلبه مو بهين وعلمني بالسالفه كلها وكم يبي أخووه وبعدين قال خلاص
بعطيه النص والنص بأخذه من حسابك أنا قلتله ياسلاام هذا الكلام مايمشي عليه لا ماتأخذ من حسابي ولا ريال ولو إنه يسدد عاادي أعطيه من عيووني لكن إنو يأخذ فلووس النااس وينسى إنه أخذها ومايعترف بالسداد أبد والله مايطلع من حسابي ريال واحد المهم أكلته بقشوره قال أنا بسددها لك من هذا الراتب ماراح أنتظر أخووي قلتله لا ومازلت على رأيي مو حكاية تسديد وماتسديد لا أنا أقصد ليه يأخذ حلال الناس ومايرده وإنت ليه تعطيه أصلا عصب وقال أنا بكيفي بعطيه وإلا ماأعطيه هذا أخووي مو أي أحد قلتله بكيفك أعطه حتى صرافتك بس حلالي لاتقربه وطلع معصب يعني رجعنا تزاعلنا ههههههه
ناوينها ليلتها شر وبعد ساعه بعد ماهدأ شووي تذكرت الورد يوووه هذا الورد مو نااوي يخلص الليله غثيتكم بهالورد المهم قلتله وين الورد أشتقت لريحته قال أي ورد ؟؟؟
قلتله أي ورد ورد الجيران بإستهزاء قال ماافي ورد خلاص إنسي
صدمني بكلمته طنشت الموضوع
بس مقهورة من تصرفه طبعا هو راح يناام وأنا جلست أقلب في التي في ونفسي طالعه في الورد أحب ملمسه أحب الريحه اللي فيه كل ماأتذكر الموقف تدمع عيني وقلت في نفسي مستحيل عااد أخذ منه أي ورد مهما سواا ومهما رجع يراضيني وإن شاء الله مصره ع كلمتي
طفشتكم صح بس ماعليه قربنا نخلص الفيلم بس حبيت تشاركوني أرائكم
نرجع صحى صلاة الفجر وراح اخذ الورد من السياره وجا تتوقعون وش سواا فيه
حطوا في مزهرية الصاله وشال الكرت اللي مكتوب فيه الكلاام
يبي يقهرني ويصير الورد مو ليه كأنه أخذه زينه للبيت
وش رأيكم يقهر صح ؟؟؟؟
إلحين بعد ماإنتهينا من المسخره هذي ودي في عبارة حلووه تناسب الموقف أحطها في كرت مع الورد يعني إني خلاص ماأبي منك ورد أو مثلا لاتجيب هديه وبعدين تسحبها أو شي زي كذا بلييييز أنقذوا المووقف بحط العبااره قبل لايرجع للبيت ووش رأيكم في الموقف بكل صراااحه ولو كنتوا مكاني وش ردة فعلكم أنتظركم حبيباتي
للمعلوميه
أنا بنت عمة صاحبة المعرف ماصدقت تعطيني أستشيركم فديتكم حبيباتي
نسيت نسيت
هذي بطلة المسلسل شوفوها
وهذي التشكيله لأول رد فديتكم
أنتظركم ياحلوواااات إنتهى المسلسل :icon28: