مساحه للفضفضه ودعوه لتحرير الاحلام من اكياس المخاااااااااد ههههه

اختي ذكرى الفجر
لا تخافي تراهم يتصلون في اي وقت مو شرط صباح وظهر وعصر
انا جاتني رسالة الخدمة المدنية العشاء انفجعت كنت اكلم زميلتي اقول لها جاتني رسالة مجهولة يقولوا لي اروح اطابق بياناتي شكلهم يستهبلوا علي
قالت مين المرسل قلت لها حروف مو رقم قالت يا بنت هذي الخدمة معناه جاك التعيين
رخيت السماعة في وجهها وسجدت رجعت ابا اتصل لقيتها ع الخط قالت عارفة انك بترفعي السماعة ثاني قلت لها مو مصدقة
اقول لها اليوم خميس والوقت عشا معقولة هم قالت عادي بالكمبيوتر من بيوتهم يرسلوا لك اش حصل لك قفلت منها ودخلت المنتدى قلت اشوف في اخبار ولا لقيت انهم راسلين لدفعة اولى وانا من الدفعة الثانية
جاني مغص جاني خفقان جاني كل شي من الفرحة ما قدرت اتكلم بس صرت اقول الحمد لله حمدا كثيرا
بعد ما نمت وصحيت اليوم الثاني افتكرت قلت يوووه انا قاعدة ادرس اش الحل
صرت استخير وادعي ربي يكتب لي الخير وسبحان الله ربي اراد لي اكمل الدراسة والخدمة المدنية خلوني مع المنسيات
يعني ما كملوا اجراءاتي اكيد تعرفوا عن قصتنا احنا المنسيات
لكن انا اقول الحمد لله كما ينبغي لجلال وجهه وعظيم سلطانه كان باقي لي ترم واحد واتخرج لو كنت اتعينت كان راح علي الدبلوم كله لكن الحين الحمد لله وكل تاخيره فيها خيره الحمد لله كملت دراستي واخذت وثيقتي والحينةانتظر التعيين




يوووووه اكيد مليون استفهام على وجهيكم اش تدرسي وكيف اتعينتي وانتي ما اتخرجتي
انا كنت ادرس دبلوم عالي في التربية الخاصة والحين صرت مؤهلة ادرس تعليم عام او تعليم خاص ماشاء الله بس ربي يسهل امري ويكتب لي التعيين عاجلاغير اجل يارب واياكم اجمعين يااااارب

جزاك الله خير أخت ضياء ..أسأل الله العلي العظيم أن يرزقك من حيث لاتحتسبين ويدخلك الجنة بدون حساب

اختي ضياء الله يسعدك يارب ويحققلك كل امانيك ويوفقك تسلمي حبيبتي علا الدعوة ان شاء الله لما اروح عند ماما الخميس اقولها تدعيلك