قطوة سوداء تتمشى ببيتي شي غريب!

شوفوا يابنات أنا مخي تخربط وماعدت أميز ولا حتى أفهم

بحكي لكم السالفة وانتوا علموني وش فهمتم!

أنا وحدة اعاني مشاكل مع زوجي كبيرة وعلاقتنا شبه منتهية
أحلامي تفسر بحسد وسحر صرف زوجي عني والله أعلم والوضع يأكد بكل أسف هالشي..

الحاصل أني طبقت أشياء كثيرة من كم شهر
رقية/ رش البيت/ تبخيره بأعشاب تطرد الجن من سدر وحبة سوداء وطلح وسذاب ..غير قراءاتي وتدهيني لنفسي
هالكلام من كم شهر



الفترة الأخيرة من أقل من شهر ركزت إني أقرا سورة البقرة يومياً
لي الآن عليها اسبوعين (مع أني مو أول مرة أداوم عليها)
رشيت بيتي بموية مقري فيها بس مرتين أو ثلاث وبشكل مو كامل
زوجي حرصت هالفترة أشربه موية مقري فيها
حرصت أني أشغل سورة البقرة أوقات اشغل جوالين واحد فوق
وواحد تحت واشغل قناة المجد للقرآن في غرفتي
( من جد يابنات تعبت من حياتي وقاعدة أحاول)


الحاصل أن ولدي نبهني عن قطوة سوداء صارت تتردد على سور البيت تمشي عليه
سوداء كلها واليوم لمحتها!

مادري لو قبل كانت تجي بس أكد علي إنها ماقد شافها إلا هالاسبوع


برايكم...لها معنى؟؟! أو عادي وجودها ويمكن صدفة؟؟

ياليت الخبيرات يردون ولهم مني أطيب الدعوات..

24 تعليق 2,573 مشاهدة

شاركي في النقاش

سجلي الدخول لإضافة تعليق.

التعليقات

24
  1. @gmyl44

    اكيد لها معنى بس ماعليك منها شكلها مع الرقية مالقت الا اسوار البيت

    كملي الرقية والرش ورشي حتى اسوار البيت الخارجية كلها

    الله يصرف عنك الشر وينتقم من كل ساحر وساحرة
  2. @yahmy_khlas

    صاحبة الموضوع
    والله تعبت من الرش استغفر الله ومليت
    بيتي كبير اعجز اغطيه والله
    حتى يدي تعورني من الرش وأحس خلاص مليت والله
    يعني بكتفي بقراءة سورة البقرة وتشغيلها وتشريب زوجي موية مقري فيها هل هالشي مايكفي؟
  3. @yahmy_khlas

    صاحبة الموضوع
    على فكرة الشي اللي كثفته
    هو تشغيل سورة البقرة
    يعني حرصت اشغل اكثر من جوال بنفس السورة
    وتوزيعها على البيت كل شوي أحطها بغرفة...
  4. @d_a_n_a_t

    والله أنا مجربه رش البيت بالكامل شي متعب خصوصاً إن بيتنا دورين صعب مره

    قريت طريقه سهله جداً وهي المويه إللي تمسحين فيها السيراميك حطي فيها ملح خشن

    وأمسحي الآرضيات هالشي يساعد بعد ..

    وأهم شي أذكار الصباح والمساء مررررررررررررررررررررررره مهمه

تابعي تجارب أخرى من هذا القسم.