► || الملف الثـــ 2 ــاني لبنــــــاء العظم || حياكم الله ◄

آمين حبيبتي ام ركونه حنا الحين في مرحلة البحث عن مخطط والمخططات اللي عجبتني مساحة البناء ٣٠٠ وهو وده ان البناء اصغر لكن هذا بيت العمر ماودي انه صغير بالعكس يكون واسع لان العيل بتكبر بإذن الله والصغير يضايق بالذات اللي جرب الشقه وضوقها يبي الفضا والوسع الله يكمل لنا ولكم على خير وبركه.

اخت فضااااء بالمختصر المفيد. محد يقدر يحسبها لك حسبه دقيقه يعني شووفي الحين فيه ارتفاع في الاسمنت والبلوك

ممكن انتم اذا عمرتم يكون ارخص

عموماً فيه قاعده ثابته ومعتمده وهي اسئلي اي مقاول عن سعر متر البناء. يعني مثلا انا يوم زوجي سئل قبل اربع شهور قالو متر البناء ٣٧٠ وناس قالو ٤٢٠ يعني كل مقاول يختلف عن الثاني

اضربي امتار البناء ٣٠٠*٣٧٠ متر البناء تطلع لك الحسبه

وبعدين تري ٣٠٠ مساحة دور واحد مو دورين وباقي الاسوار والخزن والبياره

صباح الخير حبايبي انا كنت متابعتكم من فتره طويله وانقطعت لظروف خاصه والحين الحمدلله برجع اتابعكم واخذ بمشورتكم في الكثير من الامور لان ذوقكم راقي ماشاء الله ومتعاونات \\\\\\\اخلصي بدون مقدمات فااشله :hahaha:
المهم احنا في مرحلة العظم انتهى كل شي وراح نبدا لياسه لكن فيه تعديلات ودي اسويها قبل اللياسه انا بيتي دورين وملحق الدور اللي تحت استقبال ومعيشه والدور الثاني نوم مشكلتي انو مافيه مساحه بين مدخل الحريم وغرفة جلوسهم يعني تقريباا الباب مقابل للباب شوي وع اليسار مغاسلهم وع يمين المدخل فيه جدار يعزل الصاله والبيت عن الحريم والصالهى فيها درج دائري نازل عليها واحس ماله منظر لما الحريم يدخلون ولايكون واضح ففكرت اهد الجدار الفاصل مو كله يعني ثلاث ارباعه واخلي ارتفاع معقول عن الارض علشان يستند الكنب عليه واحط اعمده وووش رايكم بفكرتي بس المشكله ابو الشباب يقول فيه كهرب وحاط فيه افياش ولا يصلح وانا ابلي افهمه وادور حل للكهربا ولالي الا الله ثم انتم ياحلوين
اتمنى يكون احد فهمني :06:والله يسعد اللي ترد علي وتحط صور