وصفه مختاره : صور صور صور ،، أكلاتي الجميله &#

تسلم الأيادي على الأطباق الحلوة

وأنا عن نفسي راح أطبق العجة للعشا الليلة شكلها لذيذه

يم يم كل اللي شفته رووووعه

تسلم الايادي يا رب ويخليج لأهلج واحبابج

ماشاءالله تبارك الرحمن
صدق انك فنانة .. مااصدق انك تعلمتي كل هذا من عالم حواء
<<<< يعني فيه امل تتعلم :42:

الله يعافيك ابي طريقة الشيش طاوووووووق

طريقه الشيش طاووق


http://forum.hawaaworld.com/attachment.php?attachmentid=37418&stc=1&d=1147633579


نقطع الدجاج بالشكل هذا :



و نحط فلفل بارد ( انا استخدمت فلفل احمر ) مع طماطم و بصل و الدجاج باسياخ خشب ( انا استخدمت الخشب احسن )

بالشكل هذا




التتبيله عباره عن :
ملعقة كركم
ملعقة ملح
ملعقة فلفل حار
ربع كوب من زيت الزيتون
ملعقة ببريكا
ملعقة من الثوم البودر
ملعقة كمون
ملعتقين كي دي دي معجون
شوي بقدونس و كزبره خضراء
نصف كوب خل
ثلاث ليمونات

لازم التتتبيله تقعد على الاقل يوم كامل تتبلون الدجاج فتره احسن عشان الطعم يتشبع ،،،



وهذا ،،



طريقه الطبخ ،،

نغطي الصينيه التيفال ،، بالقصدير و نفتح النار اللي فوق ( الغاز ) العين الوسط ،، و نخليها مغطايه لمده 15 ساعه ،، و نفر الصينيه عشان تصير حاره من كل الجهات
بالمده هذه راح تطلع قطع الدجاج الماي اللي فيها و البخار يعمل على استواءها ،،،

لما نحسها استوت ،، يجي وقت الشواء ،، نشيل القصيدر و نعلي النار على الصينيه و نبدأ نشويها بالصنييه نفسها ،، عن طريق تقليب الاسياخ ،،

بالشكل هذا



واخيرا ،،




وهذا صحن للتقديم ،،



قدمته مع سلطه الروب و الخيار ،،

الكراعين ،،

انا كلش ما احب الاكله هذه ،، بس سويتها عشان يحبونها بالبيت ،، اتمنى تعجبكم ،،

المقادير :
الكراعين اللي اهي الريول
انا ما استخدمت لا دماغ ولا لسانات ولا شي من هذا بس الريول



شفتوا شلون نظاف ؟




نفتح عليها الماي الحار ونحطهم بالمصفي ،، ونخلي الماي يطيح عليهم لمده 5 دقائق ،، او مني ليما يغلي الماي اللي في الجدر ،،

الكراعين نظيفه وزاهبه و كل شي نظيف فيها ( انا خليت امي تنظف لي الكراعين عدل ) و في شعر في الكراعين داخل العظام هذا الرجال اهوا يطلعه لكم بالمنشار مال العظام ،،


يغلي الماي ونحط الكراعين فيه ،،
ونتم واقفين ،،

لان الزفره قويه ،، لازم تشيلونها عدل بالملاس حق المرق ،، ترا كميه كبيره تطلع ،، عشان جذي لازم تطلع ،،



وجذي




نضيف للماي الحار اللي يغلي ...

فلفله بارده
بصله كبيره مو مقطعه على كبرها
راس ثوم
شويه من الهيل
وملح
لوميه واحده
و فلفل اسود حب



و رشه ليمونه ،،

وخليه يستوي على النار العاليه ،، وبعد نصف ساعه قصروا النار و سكروا الجدر وخلوه لمده 3 الى 4 ساعات ،،

مني ليما يصير اللحم يطلع من العظام ،، او على قولت الوالده ( لانها اهي اللي علمتني الطبخه ) يصير العظم و اللحم من الجوارب اللي تطلع من الرجل ،،

وبس

بالعافيه على قلوبكم ،،