ممكن أفضفض..قبل يجيني انهيار عصبي؟

اختي انصحك وبششششده بقهوه القشر والله انها تنحفك وتسد الشهيه حتي تحسين انك مشدوده وتحركي تحركي صدقيني بتحفييين والله اكثر اقاربي صاروا يسسون طريقتي وصرت مشهوره بينهم ---- ويارب تنحفيييين بصحه

روزانيا تكفيييييييييييييين كيف طريقة القشر كيف اصلحه؟؟
ريما انا امشي 20 دقيقه يوميا وامس احترق السير!! والجو مررره مايصلح امشي برا
ورجلي يومه سنه ماراح يصلح السير ولاعندي حوش تشوفيني امشي في الشقه شكلي غبي مترين رايح ومترين جاي....
همس الفارس وش حبوبك؟؟وش اسمها أنا مرررره خوافه بس بما اني محبطه أفكر آخذ

الأربعاء الأول
9-3
الوزن: 110
الأربعاء الثاني
16-3
الوزن 109,50
الأربعاء الثالث
23-3
109
الأربعاء الرابع
30-3
110
الأربعاء الخامس
7-4
الأربعاء السادس
14-4
الأربعاء السابع
21-4
الأربعاء الثامن
28-4

40 يوم مكانك سررر
فقدت الأمل
أخفف طووول الاسبوع وامشي وشاي اخضر
واخرب ام السالفه في الويك اند..
تعبت احس اني محبطه
ودي اسوي عمليه ومييييته خووووف
بطني مايتحمل عمليات اكثر..
كفايه القيصري
الغدا ما اتغدا
فطور وعشا بس
غازيات مافيه
شيبسات قطعتهاااااا
قهوة المعلمات طلعت منها ماعاد دفعت القطه عشان مااجلس اتقهوى واكل حلا وتمر
ومع ذلك مكانك سررر
خايفه يكون فيني عله..
صح اخربط في الويك اند بس مفروض يتلحلح وزني ع هالمشي

ياااحلوين اللي تعرف طريقة بذرة الكتان تعلمني
ببدأ اشوف الا عشاب
عسا ربي يكتب فيها شفا

يا حبيبتي والله ان عيني دمعت وانا اقرا كلامك وحاسسه فييك مرررره

والله يا حبيبتي الحل بيدك كل شي بيدنا احنا لا تاككككلين امنعي نفسسك اوقفي قدام نفسك وقفه صارمه انا كنت راح اوصل الثمانين وانا عمري 22 سنه تخيلي !!
وقفت لنفسسي وقفه صارمه فكرت ف العواقب مين بيخطبني وانا وزني كذا كل الشباب يشوفون الفنانات وعارضات الازياء ويتمنون زيهم ويحق لهم صراحه وقفت قدام نفسي وشهيتي وقلت لها اسسستوب يكفي هنا وحدك والله اني اروح مع بنت اختي اللي بينا 3 سنوات كاني امها !!

بدات ايامي الاولى تخفيف من اكلي وقد ما اقدر احذف وجبات اجي من الدوام انام بدون ما امر المطبخ ولا اشوفه بعد العشاء مسستحيل اكل شي غير زبادي بسس واسوي لي براد شاهي اخضر واشربه وانام بدري

كثري شرب المويه تعبي بطنك وتسد نفسسك روحي نادي هناك حماس ولا تغيبين اقنعني نفسك ان مستقبلك وحياتك وسعادتك مرتبطه في ذاك المكان
انسي موضوع العشاء ابدا واقنعي نفسك انو استغفر الله شي محرم عليك نامي بدون عشاء ما راح تموتين واصحي افطري على طول بس حاولي فطورك يكون خفيف قضي باقي النهار اشربي سوايل قهوه ومويه وعصيرات بدون سكر زي عندك التفاح والبرتقال والاناناس من الربيع و سيزر

حاولي بعد كذا امنعي نفسك من الخبز الابيض واستبدليه بالخبز البر امنعي نفسك من الرز والمكرونه والنشويات

اشربي شاهي اخضر بعد كل وجبه اشربي خلطه الكمون والليمون والزنجبيل والقرفه قبل كل وجبه
ساعدي نفسك بنفسسك لا تستني احد يجي يقولك !

انا سمعت كلمة من احد محارمي قهرتنني قهر لدرجة اني بكيت قدامه تغدينا وبعد الغدا كان في حلى دوبي اخذت صحني الا قالي اذا اكلتيه ماعاد تطلعين من الباب انا وقفت ف مكاني استوعب الكلمة وفجاه انهرت هو قام يحضني ويعتذر مني ويراضيني وهو الصراحه صادق في كلمة ما قال شي غلط ومن بعدها وانا احاول اني ابدأ بس ماني عارفه كيف ابدأ ولا من وين لين جا اليوم الموعود وبدأ وهو الحين اكثر واحد يحمسني وكل ما يشوفني يمدحني و واعدني بهديه اذا وصلت للخمسينات :32: ياربي يخليه ليا


المهم الين متى يعني نسمع هذا الكلام من الناس ونبكي ونتاثر ونرجع ناكل احيان اقول انا ماعندي احساس احساسي مات !! والله اشوف البنات ف عمري ف الافراح تلبس قصير وكانها بنت في المتوسط وهيا في نفسس عمري بالله مو شي يقهر احيان اقول لنفسي بايش زايدين عني يد ولا رجل ولا عقل !! ليش محافظين على اجسامهم وانا اكل الاخضر واليابس !!

تمنيت صراحه انك قدامي جواتي كلام كثيير عن هالمعاناه بس والله كل شي في يدنا احنا الفلوس اللي تصرفينها على الملابس اللي مو عاجبتك خليها للنادي اشتركي في المراكز ذي اللي ترسلك اكلك اليومي وعليه استكر بعدد السعرات وكليه وحرمي على نفسك اكل البيت اهم شي اعملي رياضه تحركي في البيت امشي مشي سريع قد ما تقدرين

ارحمي نفسسك وساعديها ودامك تقولي عملتي دايت ونزلتي 18 يعني انتي قاعده تنزلي 60 كيلو باذن الله

طبعا ما يصير اي شي بدون مشيئة ربي ادعي وتحري اوقات اجابة الدعاء اخر الليل ابككي ولحي في الدعاء وربي رحيم كريم

اسفه اذا في كلامي شي جارح بس والله الشاهد عليا حسيتك زي اختي من جد وحسيت فيك