بسم الله الرحمن الرحيم
اكيد الاثنين طبعا
سنعه يعني تقومين ببيتك وتكونين قد المسؤليه تقدرين تديرين الدفه وتقدرين تواجهين الظروف ماتصيرين طفله كل ما دق الكوز بالجره جيتي تبكين انت الحين مو مسؤله بس عن نفسك لا فيه حموله راح تواجهينهم بذكاء تقومين بواجباتك عندهم تبيضين وجه زوجك عندهم وتبينين ان امك ربت مره سنعه تعرف تدبر بيتها وفيه اطفال راح تربينهم اذا جت امهم ما طفله كيف تربيهم ؟
يعني من الحين تعودي كيف تطبخين وتنظفين بيتك و كيف تستقبلين الضيوف وكيف تضبطين نفسك وتتصرفين بحكمه وفي نفس الوقت دلوعه على زوجك مو على الناس احس اللي تتدلع بسماجه عند الحريم انها طفله ضايعه عن امها والله لا لها مكانه ولا لحضورها تأثير اصلا بيقولون هذه كيف فاتحه لها بيت الله يعين زوجها عليها حلو تكون نعومه رقيقه هادئه اما تتدلع ابد ماهضمتها طبعا ما اتكلم عنك ان شاء الله انت مو منهم ان شاء الله انك دلوعه عند زوجك وسنعه وراعيه بيت .. والبنات ما قصروا ما شاء الله ..
تعالوا قولوا لي اسوي نفسي المرأة السنعه او البنت الدلوعه؟؟
متابعة النقاش، صفحة 2