قررت أقتل بناتي ... وانتحر ............. الحقوني/ قديم

9 مارس 2012

عندي تعليق لثلاث انواع من التعليقات الي جاتك صاحبة المشكلة

1- تعليق يقول لا تقتلي اطفالك وانتحري انتي <<< من جدكم الحمد لله والشكر اذا ما تعرفوا تحلوا مشاكل البشر لا تعلقوا وشوفوا لكم قسم ثاني بالنتدى طقطقوا عليه منجد الله يهديكم .

2- التعليق مثل نبع الحزن انتي صح كلامك انه لازم تصبر و هي ام الزوج لكنك متحيزة بشدة لام الزوج يعني اذا كانت ام الزوج طيبة نحطها فوق راسنا لكن اذا كانت شريرة و تبغا تخرب بين الزوجة والزوج هنا خط احمر يعني ايش تقصد تقول ولدي كان يكلم بنات ووووو. انتي ترضي امك تسمع كلام زي كده من حماتها كل يوم وتضارب مع ابوكي ؟؟<< اتمنى جواب , يعني كل شخص وله قدرة يتحمل لكن اذا اتعدى الخط الاحمر نحنا مو مجبورين عالمعاملة الزفت بحجة انها ام << طيب في فرق بين ام صالحة تحب الخير و ام شريرة ناوية خراب بيوت , انتي ليش فكرتي بمصلحة حرمة واحدة وطنشتي مصلحة عائلة كاملة نفسياتهم تتاثر وخصوصا في موضوع ولدي يكلم بنات ووو << هذا مرة غلط ويخرب بيت وتبغي الزوجة تسكت وتنطم طيب انتي بكده ما جبتي حل بل خليتها تسكت الين تطلب الطلاق او الزوج يرجع يخون وحياة اسرة كبيرة تدمر عشان حرمة كبيرة في السن ما تعرف تتكلم ونيتها الله اعلم بها والا هالكلام الي ينقال للزوجة مقصدة شيء واحد والله اعلم مافي ام تفضح ولدها كده , يعني اذا تبغي تعطي حل احطي حل وسط يرضي الطرفين ويحل المشكلة مو يرضي الحماة بحجة انها ام طيب اذا كانت الام هذه ظالمة نبوس رجلها ولا نعلمها الصح والغلط ؟؟؟, اتمنى عدم التحيز وفكري فيها كده لو امك مكان الزوجة وتسمع كلام مثل السم مارح تنقهري على امك , انا امي مثل حالة صاحبة المشكلةلكن الفرق انه حماها هو الي قليل الادب يعني شتايم اوسخ مما تتوقعي وسوء ظن ووو معاملة زفت وماما الى الان متاثرة ونفسيتها تعبانة و انتي تبغي الي يعانوا من المشكلة هذه يسكتوا طيب ليش ما يحلوا المشكلة مو عشان هذا اب ولا هذه ام طيب لو كانوا ظالمين يعيني تبغيني انتظر امي تموت من القهر او يطلقوا عشان شخص واحد يرتاح وهو الظالم ؟؟؟, ولعلمك ياما بيوت اتهدمت واتدمرت واطفال ضاعوا بسبب تدخل الحماة والحما واتذكري الي يعاملنا بالطيب نعامله بالطيب والي يعاملنا بالسوء نصبر عليه لكن اذا اتعدى الخط الاحمر هنا لازم نوقفه ونشوف حل يريحني اولا ثم يريحه لانه هو الغلطان , وانا شايفة انه ام الزوج اتعدت الخط الاحمر بكلمة واحدة (( ولدي يكلم بنات )) , طبعا وما خفي من تعاملها اعظم لكن لو كانت مثل الحماوات العاديات الطيبات الا تسكن بالبيت وتاخذه لها كمان لكن تهدم بيتي اسمحيلي لازم تعرف انه غلطانة بتصرفاتها وهي امراة تفهم وواعية مو طفل سفيه يقط كلام لازم ينحل الموضوع والي يده في النار مو مثل الي في الماء يعني اختي ينبع الحزن انا اوافقك انه ام واحترم عاطفتك وخوفك على الامهات واحيكي على هذا الاحساس النبيل وباذن الله بتكونين افضل كنه والله لا يوريكي مثل هالحماة لكن ااكد لك مو كل حماة طيب وانا وحدة سمعت حماة تتكلم عن كنتها قدامنا الغرب بالفاظ اوسخ من ما تتوقعي وكنتها انا اعرفها اخلاق عالية تتوقعي التصرف هذا ينسكت عليه بحجة انه ام نتركها توسخ بسمعة البنت ولا نوقفها عند حدها لانها ام لكن بنفس الوقت انسان وربي حيحاسبها على كل شيء انصحها واادبها ولا اتركها عالظلم والغلط الي يكره الناس فيها و يكسبها سيئات على قولة المثل يا بخت من بكاني وبكي عليا ولا ضحكني وضحك الناس بيا .

وفي تعليقات فيها سوء ظن و مافي تفهم ومراعاة للحالة النفسية لصاحبة المشكلة جايين دج ويبغوا يتضاربوا من اقل كلمة انا اقول قل خيرا او اصمت

قررت أقتل بناتي ... وانتحر ............. الحقوني/ قديم

التعليقات

كم وحده قدرت توصل لهدوء القرد؟ 😕

قررت اغير حياتي

من اجمل ما قرأت 🌻

بنات انا قررت ارفع قضية خلع لان خلاص تعبت

بنات قررت اجيب شغاله