شاركي في النقاش

سجلي الدخول لإضافة تعليق.

التعليقات

1,982
  1. @tok_allolo

    طوق اللولو
    احاول واظل احاول لكن تصرفت اليوم تصرف غبيه دخلت على ايميله انا اعرف كل شى عنه ارقام السري للبنك وكل شى المهم دخلت وشفت وين حجز فندق ورحت سويت بحث شفت الغرف النوم عورني قلبي مااتحملت يكون وياها في نفس السرير ضحكه وضحكتها كل شى
    مدري احس بالغضب

    احاول انسا ولاتذكره واشغلي نفسي وخاصة الجمعه بالقراءة القران والاذكار لكن تمر علي ثواني اتذكره

    افكر شلون اقابله هل لدي شجاعه اقبله بضحك احسب غضبي

    الحين شعوري الغضب مو الحزن

    الغضب الغضب والزعل منه

    خوفي وانا ادري انه يبقول انه راح ينام هناك اول وصله وبعدين يروح الدوام ولاراح يرجع الا الجمعه
  2. اهلين ياطوق..شو اخبارك
    كل الكلام الي قلتيه...روحي الان قدام المرايه في غرفتك وقوليه..وعيديه كمان مره ثانيه...وزيدي عليه شوي بعد...
    صدقيني بعد ثالث مره..انتي بنفسك بتشرهين على نفسك
    وبتقولين انا وش فيني صرت سخيفه كذا(اعذريني ولاتزعلين..بس ترا انتي الي بتقولينه لنفسك بنفسك)
    راح تكتشفين انه غضبك وزعلك ماله داعي ابد...يختي دعي الخلق للخالق..منتي وكيلة ربي عليه..له رب يحاسبه
    عموما...انا كنت داخله باعطيك افكار لليوم واطلع لان مشاركاتي محدودة..
    اقريها وحاولي تطبقين اقل شي 3منهم
    -اذا اتصل وقال وصلت المطار..قولي الحمد لله على السلامه..وانا اقول وش فيها البلد منوره
    -اذا قال جايكم..قولي ياهلا بك..القهوة جاهزة والشباب مشتاقين لك موت..وفرحانين انك جيت
    -اذا وصل...لاتبينين لازعل ولا فرح ...ابتسامتك قد ماتقدرين ابرزيها و حافظي عليها
    -لاتبينين اي مظهر من مظاهر الزعل...حتى لو قال كلمه اثارتك...تخيلي ان عندك دواسة بنزين ادعسي عليها واجلي اي رد متهور
    -لا اوصيك بالقهوة الكايفه والشاي والزي منو ههه
    -ممنوع اي اسئله عنها..ووين رحت..منين جيت..بالعكس تكلمي عن الجو امس كيف كان..وعن جارتك يوم رحتي لها..ان شاءالله عن مباراة المنتخب خخخ..اهم شي بعيد عن موضوعه
    -تعلمي التمثيل وضبط النفس لمدة اسبوع واحد بس...يعني لاتظهرين مشاعرك الحقيقية ابدا..تدرين ليش؟؟؟عشان ماتتسرعين في ردة فعل تندمين عليها بعدين
    -نجي الحين لو قال لك ..ماراح اجي الليله
    اول شي....ابدا لاتزعلين
    ثاني شي لاتزعلين وثالث شي لاتزعلين...وهذي وصية حبيبنا محمد صلى الله عليه وسلم حينما قال لاحد اصحابه لاتغضب عدة مرات لان الغضب مايجيب خير،،
    كيف عاد تتصرفين...افضل يعطونك الزوجات الاوليات من خبرتهم في كيف تطلبين منه يعوضك وكيف يكون القسمه بعد كذا
    انا ماعندي تجربه ...ورحم الله امرؤ عرف قدر نفسه
    انا بس يهمني كيف تسيطرين على انفعالاتك وماتحطمين نفسك الجميله الرقيقه عشان ناس يمكن ماتستاهل كل العنا ذا
    يهمني تعزين نفسك وتحبينها اكثر من اي شي ثاني

    رجاااااااء حاااار وقوي للاخوات انهم يتواصلون مع طوق حتى لو خاص ولايتركونها ويقدمون لها الشور المناسب والمجرب من وجهة نظرهم...

    بارك الله فيك.....حاولي الان تقومين تمارسين انوثتك في بيتك بشي مبتكر وجميل وتعالي هاتي للاخبار وكمان الصور الحلوة معاكي
  3. @hno0o0n

    ويبقى حبيبي
    " عندما تعلم بقيمتك لا تترجى من حولك بأن يكونوا في حياتكـ , ........................ أو أن يصبحوا أصدقائكـ | أو أن يقضوا معظم الأوقات معكـ ,, .................................................. ... أو أن يحبوك ..!! كن واثقاً بنفسكـ ومن تكو…

    اعجبني كثيرا انا من القليل الذين لا يستطيع التعامل مع الفخامه والرفاهيه وحب المظاهر وكثرة الكلام بلا فائده وهذا مايراه زوجي عيب ونقص فيني ولكن سأكون واثقه من نفسي وسأغير من حياتي من أجل نفسي لامن أجل احد آخر:27:

تابعي تجارب أخرى من هذا القسم.