كثرة الحمل والأطفال وكلام الناسㅊㅎㅍ

الله يعينك

ياقلبي ماشاءالله تبارك الله الله يحفظهم لك والله الحريم مايرحمون ان حملتي قالو حملت وان طولتي ياحظهااا ممرتاحه تصدقين انا جبت اثنين وطولت اكلوني الناس ليه تاخرتي يالله جيبي وبعدين حملت وسبحان الله ولدت وبعدهااا بسع شهور ربي ارادالحمل وحملت واعيش نفس المعاناه ليه حملتي بدري ومن هالكلام يعني بالعربي الحريم مايعجبهم شي وكلي امرك لله ولاتعلمي احد الالمن تكبر بطنك والاتسالك قولي لهااا اذاناسبتك الحبوب ياحبتيي غيرك ماناسبته لاتهرجي علي عشان تسكتينهم عندحدهم ولاتقعدي تبرري لهم انا مابغى وجاء بالغلط ومدري قولي هاذرزق والحمدلله بس لاتبررين لهم مالهم دخل فيك ولاتقولي زوجي يبغى انتبهي بعضهن محرومات ولاصارت عندناس غرب لاتعلمي كم عندك قولي عندي خيرالله يصلحهم مولازم تقولي العدد

اخت روتين بارك الله لك في صحتك وبيتك واولادك
شوفي يالغلا الناس ماعندهم غير الكلام في كل الحالات السنتهم طويله وماعندهم غير البربره على الفاضي
عيشي حياتك وحصني نفسك لاتنسي الاذكار لان العين حق دايما رددي اللهم اكفني شر العائنين والحاسدين وهذا رزق من الله حلو تحمدين الله عليه ولاتتسخطين منه
وعيشي حياتك اولادك الله يحفظهم لكم بتحسين بحلاوتهم بكبر الله يصلحهم لك ويقومك بالسلامه ويحفظ راعي بيتك لكم من العين ..

لايهمونك قولي زوجي يبي اولاد بعض الناس ملاقيف كأنهم بيصرفون عليهم

ليه ياحبيبتي عادي هذا شي ربي كاتبه


أنا زيك جبت بنتي بكري وعلى طوووول حملت بعدها بس ماقلت لاحد حتى اهل زوجي الا لما خلصت الخامس

والله الناس مااااترحم وصلني كلام وحده للاسف من جماعتنا لما عرفت اني حامل قالت الله حملت بسرعه واحنا نتمنى الحمل
ولا حملنا وفوق كذا قالت الناس حاسدينا وما حسدوها


أحسن شي لاعاد تطلعين كثير من بيتك ولاتقولين لاحد انك حامل الا لما توصلين الخامس او السادس ولما احد يسالك كم لك نقصي شهر او شهرين

وان شاء الله نولد بالسلامه

وربي يرزق كل متاخره بالحمل السليم التام عاجل غير اجل